سلطه اللبنه …


عندي صور وصفات وااااايد … كنت متردده انزلها لان الصور فيها من تصوير موبايل والوصفات فيها قديمه
اغلب هالوصفات بتشوفونها بالنت بمنتديات وغيره

هالسلطه اخذتها من منتدى كويتيات من المشرفه الرائعه جارة القمر نقلا من كتاب اطباقي لبتول الكندري انا بس زدتها انواع خضرة واستخدمت لبنه مدعبله مصنوعه منزليا

المقادير:

1 كوب بقدونس بس الورق
1 كوب جرجير
2 كوب بربير مقطف
2 كوب نعناع مقطف
10 كور لبنه مغطسة ( زعتر _ سمسم _ سماق )
الصلصة::
ربع كوب عصير يلمون
2 ملعقة طعام خل
ربع ملعقة كمون
ربع كوب زيت زيتون
2 ملعقة دبس الرمان
ملح وفلفل أسود حسب الرغبة

الطريقة:
تخلط الخضراوات مع بعض وتوضع في طبق التقديم
تغطس كور اللبنة بالزعتر والسمسم والسماق وتضف على وجه الطبق
تسكب الصلصة علي خليط الخضراوات
تصف كور اللبنة علي السلطة وتقدم

Advertisements

10 Comments اضافة لك

  1. ميمة السبيت كتب:

    شوفي انا ميييييييييييييح بالطبخ اشرايج علمني و خذي اجر فيني و في ريلي و بنتي و راح ندعيلج ليل نهار لاتقولي اقري المقادير و طبقي ما ابي ابي احد يعلمني 😦

  2. bent el deera كتب:

    ميمة السبيت *************في البدايه الف اهلا وسهلا بزيارتج الاولىوثاني شي من عيوني وما طلبتي شيشوفي اي وصفه تعجبج وانزلج صورها بالتفصيل المملواذا ما نفع اعطيج ايميلي ونتفق على يوم تشرفيني هني بالبيت واعلمج فيس تو فيسبس الله يعينج علي لاني ما عتقد فيني مقومات مدرسه لووووول

  3. ميمة السبيت كتب:

    خلاص اتفقنا انا بسوي شي من المعروض و راح اقولج شنو يصير

  4. bent el deera كتب:

    ميمة السبيت *************ناطره تجربتج واذا بغيتي اي صور توضيحيه زياده بس بلغيني :>

  5. msha3erha كتب:

    والله شكله خوش برياني و يشهيبس فيه مشكله بسيطهانا ما اعرف اطبخ كلشآكل ايه ما عندي مشاكل بس اذا دشيت المطبخ تصير كارثة لوووليعطيج العافيه و تسلم ايدج 🙂

  6. bent el deera كتب:

    msha3erha***********لوووول… كلنا كنا جذي بالبدايه وبعدين شوي شوي ننطلق ههه :>حياج الله حبيبتي باول زياره وان شاء الله ما تنقطع :>

  7. maha كتب:

    بنت الديره يعطيج العافية حبيبتي رحت صوب الحلويات صراحة إنتي مقلة في الحلويات خاطري أعرف اسوي صب القفشة وأبيها تكون حجمها مثل بعض وما تكون ثقيلة المره الأخيرة سوتها اختي بس ثقيلة

  8. bent el deera كتب:

    maha ******صاجه وانا اعترف بهالشي وان شاء الله اكثر من وصفات الحلوياتبالنسبه لصب القفشه كانت عندي الصوره ومادري وينها اخذتها من كتاب عبير الراشد الذواقه 3 … وكنت على طول اسويها برمضان وادز منها لانها صراحه وصفه ترفع الراس ومتروسه هيل وزعفراناذا تحبين اكتب لج الوصفهبس لاحظي ان فتره التخمير تكون كبيره … انا كنت اسويها باليل واحطها بالثلاجه واسويها حق الفطور او اسويها من صباح الله خير واخليها بالفرنبالنسبه للاحجام .. اهم مرح يطلعون كلهم طقه وحده مثل اللقيمات بس عشان تكون الاحجام تناسبه صبيها بقفشه الشوربه عشان تاخذ كميه وحده بس لا تخلين الكميه وايد وبعد ما تحطينها بالمقلاه حاولي تسنعين من شكلها شوي ان شاء الله اذا رديت البيت اكتبها لج :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s