وصفات رمضانيه · اطباق رئيسية · اطباق رئيسية- لحوم · اطباق رئيسية- اطباق الارز او العيش

برياني لحم…


ابوي ما يحب البرياني وهذا البرياني الوحيد اللي يعجبه… دايما لما اسويه يقولي من اي مطعم طالبين؟ (( بعد قلبي فديته دايما رافع معنوياتي ))
البهارات اللي احطها كلها على النظر وبصراحه انا ماكثر وايد عشان لا تطغي على نكهه الايدام
المقادير:
روب
ثوم مهروس
بهار حشو
بهار برياني
لومي ناعم
عصير ليمون
قشر ليمون
كاري
هيل ناعم
دارسين ناعم
بزار
بصل محمر
مكعب ماجي
كزبره بودر
مسمار
ورق غار
هيل
دارسين
بيض مسلوق
كاجو
كشمش
لحم مقطع مع العظم
نعناع مفروم
زعفران وهيل ناعم
ماي ورد
بطاط مقطع حلقات ومقلي
عيش مسلوق نص سلق مع دارسين وهيل مسمار
الطريقة:
ننقع الزعفران مع هيل ناعم وماي دافي وماي ورد
نخلط اللحم مع الثوم والزنجبيل والروب ونضيف له نص كميه البصل المحمر والبزار والبهار والكاري والكزبره البودر والهيل الناعم والدارسين الناعم واللومي وعصير الليمون وقشر الليمون وبهار البرياني والماجي ونفركهم مع اللحم عدل ونتركهم شوي
وبعدين نحطهم على الجوله مع اضافه كوب الى كوبين ماي ومسمار وورق غار ودارسين ونتركه لين يكمل نضجه
قبل النضج بشوي نضيف البطاط المقلي والملح والنعناع ونخليهم على نار واطيه … بتتكون مثل صلصه ثقيله مع اللحم والبطاط
نحط جزء من الزيت اللي حمرنا فيه البصل بقاع الجدر ونحط طبقه من العيش ونرش فوقها زعفران ورشه ماي ورد وبعدين نحط خلطه اللحم وشوي من الصلصه وطقه عيش ثانيه وباجي الصلصه وهم ماي ورد وزعفران واخر شي باجي العيش وزعفران بالويه وشوي سمنه والبيض المسلوق ونغطي ويه الجدر بفوطه او قصدير ونخليه على نار واطيه لين يكمل باجي نضجه
نحمر الكاجو والكشمش بزبده ونرش عليهم هيل ناعم وشوي ماي ورد
نقلبه بصينيه ونزينه بباجي البصل المحمر وخلطه الكاجو والكمشمش وبالف عافيه
Advertisements

10 thoughts on “برياني لحم…

  1. اختى ما عليج أمر بدز السايق معاه جدر صغير بس و اللي يعافيج كثري الكازو و البيض 🙂

  2. الله يحفظ لكم الوالد يا رب ولا يخليكم منه قولي آمين الرياييل هذا اسلوب التشجيع عندهم لووولجذي يعني مادحج شفيج :))تسلم الأيادي شكله يفتح الشهية :))صرت ما أحاتي أدش بلوقج وأتهور بالأكل عقب قرار الدخول إليه بعد الغداء :)))))

  3. يعطيك العافية على هالطبخ صراحة ام مود اوصفتلي بس لما شفت غير عليه بالعافية الوالد ويابخته الي بياخذج 🙂

  4. Yin مدام*********آميييييييييييييييييييين ويخلي لج عيالج واهلج وحبايبج يا ربولوول اي هذا اسلوب المدح وتعودت عليه لووولحياج الله حبيبتي باي حزه :>

  5. om hussan **********عزيزتي ام حسين يا الف هلا ومرحبا فيج وبالغاليه ام مودالله يعافيج من كل شر حبيبتي وحياج الله لا تقاطعين :>

  6. بالعافية عليكم ..اقولج اروح وأرد على الصورة اللي فيها البطاطه …جان رفيجتي تقول مال امد ايدي وآخذ هالبطاطه وآكلها :)لوووووووول..يسلمو حبيبتي

  7. Om MoD********الله يعافيج يالغلاوياليتني ادل مكانج جان اعطيج الصينيه بكبرها مو بس البطاطه :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s