مربين ربيان ناشف …

هالوصفه نفسها بهاللينك بس شلت الخضار وغيرت البهارات .. اخوي الغالي فديته يموت على هالمربين وهالمره متطوع ومسوي الدقوس بنفسه ما قصر … اهو ما يحب الخضار ولا يحب البهار الزايد خاصه اللومي عاد مسويته على طلبه وصورت ابتسامة الانتصار وهو شايله ههههه
المقادير:
ربيان ناشف
عيش مسلوق مع هيل ودارسين نص سلق
بصل مفروم
ثوم مهروس
زنجبيل مهروس
معجون طماط
بهار
بزار
هيل ناعم
ملح
زيت نباتي
الطريقة:
ننقع الربيان بماي حار ونغير الماي اكثر من مره عشان نتخلص من التراب
ندقه او نطحنه بالفود بروسسر
نحمس البصل مع الثوم والزنجبيل والبزار وبعدين نضيف الربيان والبهار والملح والهيل الناعم والمعجون ونتركه شوي على النار واذا ابتدا يلزق نضيف شوي ماي ( شوي بس )
نسلق العيش نص سلق مع ملح وهيل دارسين
نشخله ونحط جزء بالجدر وحشو الربيان بالنص وباجي العيش .. نرش ويه العيش بشوي هيل ناعم وشوي زيت اذا تحبونه يلمع وهدوه على نار واطيه لين يتسكر العيش وبالف عافيه
اخوي يقول لكم اكلوه مع دقوس صبار وتبوله :>
Advertisements

9 Comments اضافة لك

  1. Yin مدام كتب:

    من زمااااااان ما كلينا مربين !!يبيله تجربة بالطريقة هذي ثانك يو يا بنت ديرتناأنا شفت صورة بالداشبورد عندي بس يوم ييت عندج ماكو صورة !!!يعطيج العافية ويقويج ويحفظ لج أخوج وكل من تعزين يا رب :)))

  2. bent el deera كتب:

    Yin مدام **********هلا بالعزيزة الغاليه… وامييين يا رب ولج مثل هالدعوه الحلوة :>و واحسرتي وين راح اخوي ههههههه… الحين ارد احملها عاد كلش ولا بو نوال :>جربيها وان شاء الله تعجبج . انا لغيت منها البقول لاني ما اكلها وقلت يمكن اكل مع اخوي فمابي احرم روحي (( نيتي كانت شينه ههه )) تصدقين عاد احنا كلنا 7 انفار في البيت كل من له ذوق بروحه ويوم الزواره تعالي شوفي التشرط هههه مع ان مرت اخوي حرام ساعات اذا بببالها شي معين تييبه من بيت اهلها

  3. bent el deera كتب:

    نسيت اقولجترا هذا نفسه بو زاد فضلج و … لوووووول

  4. Yin مدام كتب:

    هلا والله يالغالية :))لوووول إي والله نية شينة لوووولالله يحفظه ويحفظ لج كل غالي يا بنت الديرة لووول هالسالفة ما راحت عن بالي الله يستر ما إيي يوم وأقولها لأحد بالغلط لوول الله يسعدج يا بنت الديرة قولي آمين :)))

  5. Manal كتب:

    بالعافيةوالله يخليكم لبعض:)لازم اسويهحتى لو الي عندي ما يحب المموش:)عناد:)

  6. Om MoD كتب:

    الله يخليكم حق بعض..ما احب الربيان الناشف كلش ..احسه مهما حطوا له بهار تظل فيه الزفرة 🙂

  7. bent el deera كتب:

    Manal *******ويخلي لج كل من تحبين يا سكرهوعليج بالعافيه مقدما ووصفتي ما فيها ماش.. يعني ماكو عناد ان شاء الله هههه :>

  8. bent el deera كتب:

    Om MoD *******ويخلي لج كل من تحبين يا حلوة… وزفره الربيان مقدور عليه نقعيه بماي حار وغيري الماي اكثر من مره :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s