حلويات

كيكه الايسكريم اللذيذه والسريعة…(( تحديث))


في البدايه ابي اعتذر عن انقطاعي بالفتره الاخيره لانشغالي خاصه بالتحضير لامتحان التوفل
اوعدكم بعد ما اخلص ان شاء الله ارد عليكم كلكم
بس لا تنسوني من دعواتكم الحلوة

ولين اللقاء القادم بتركم مع هالوصفه واتمنى انها تحوز على اعجابكم كيكه البرد او الايسكريم وشفت هالوصفه من بلوق الاخت الغالية PINK GIRL

وجربتها وطلعت وايد حلوه… انا بس لغيت المكسرات لان خواتي ما يحبونها و خليت اخر طبقه باوند كيك ككاو وفتفته بيدي وصفيته مع الضغط فوق الايسكريم عشان يصير مثل قاعده التشيز كيك :>
وعشان الغاليه ام مود هذا شكل القالب المستخدم :>



المقادير:
جلاكسي او ارو او فليك ( وانا خلطت فليك وارو )
اي نوع ايسكريم تحبونه وانا استخدمت فانيلا وككاو ( العلبه تكون مخلوطه اوريدي )
باوند كيك وافضل ماركه سارالي ككاو

الطريقة:
تحتاجون ككاو مذوب بحمام مائي ييبو قالب السلكون او اي قالب مبطن بورق نايلون عشان يساعدكم في عمليه القلب الاخيره
صبو الككاو وحركو القالب يمين ويسار لين يتغطى بالكامل من الككاو ودخلوه الفريزر عشان يجمد وياخذ شكل القالب

ييبو اي نوع من الايسكريم واذا تحبون مكسرات و حطو بوسط القالب بعد ما يجمد
وييبو الباوند كيك … وفتفتوه بيدكم وضغطو عليه فوق الايسكريم عشان يشكل قاعده القالب وردوه بالفريزر لين يجمد
وحزه الاكل قلبو القالب وتمتعو فيه بالف عافيه

نصيحه: الكيكة لازم تنوكل كلها لان الباقي ما يرد يتجمد والبرد ذايب موحلو
واذا بتقدمونه فردي حطوه بقوالب السيلكون او قواطي الروب المغلفه بنايلون

Advertisements

21 thoughts on “كيكه الايسكريم اللذيذه والسريعة…(( تحديث))

  1. قواج الله يا بنتنامع إني ملتزمة بكيكتي السريعة :)شكلها كيكتج لذيذة:)والله يوفقج بامتحاناتج كلها الدراسية منها والدنيوية 🙂

  2. شكلها يشوقبروح أييب أيس كريم من ماربل سلاب الحينتدرين انه افتتاحهم اليوم بالفنار؟و عشتو بهالمناسبة اليوم كل شي اب بلاشgood luck with your toefl :*

  3. شكلها لذيذه الكيكهتسلم ايدجو ع فكره النيو لوك للمدونه وايد حلووو بالتوفيق في امتحاناتج 🙂

  4. شكلها لا يقاومما شاء الله عليجتسلم الايادي:)والمدونة منورة باللوك الجديد:)

  5. موفقة يا الغالية ..وانا اقول …وينها من زمان عسسى المانع خير ..أقولج سكتي من شفتها ببلون بنك جيرك وانا خاطري اجربها..بس ماعون السيليكون وين القاه ؟؟؟تسلم الأيادي وشكل كيكتج جنها ودرة ..وعلى جنب في أشياء مو سيده ليش ؟؟؟؟وبالعافية ..ومرة ثانية عسى ربي يوفقج :*

  6. Yin مدام*********تطبيق كيكتج بالانتظار ان شاء الله احط صورتها قريب بس طلعت معفوسه شويللاسف كنت ملتزمه برجيمي فما ذقتها :(مشكووووره يالغاليه على هالدعوه اللي تهبل ولج مثلها يارب

  7. Bloggerista *************صج افتحو بالفنار؟… الله يبشرج بالخيييرعاد كل ما صار بخاطري اروح الكوت وهم مو نفس اللي بدبي يم يممشكوره يا عسل على هالدعوه الحلوه

  8. fatto ******هلا بالغاليه سميه الغاليهمشكوووره يا قلبي على الدعوه الحلوةوصاجه بهالحر تطلع سوالف البرد واشكال العصير :>

  9. Manal******هلا بالعزيزه الغاليه والمدونه منوره بنورج يا حلوهالله يسلمج حبيبتي وشكرا :>

  10. Om MoD******** ام مود حبيبتي الحمدالله على السلامه اول شيوسوري على التاخير بالردالسيلكون تحصلينه بمركز سلطان وصفاه الغانم وترفاليو واي توزد وانا انصح اللي ينباعون بتروفاليو عشان يكون معاهم طوق يمسكهموبالنسبه حق شكل القالب الحين احمل لج صورته عشان تشوفينه واهو اصلا صاير نقشه من الجوانب غير اللي فوق :>ومشكوووره يا قلبي على هالدعوه الحلوة

  11. طز بالرجالة*************اول شي يا الف اهلا وسهلا بزيارتج الاولى حق مدونتيوثاني شي لووووووووووول دمج عسلبس سؤال بيني بينج شنو الخباط؟؟

  12. انا شريت نفس قالبج وسويت الكيكه الف مره وكل مره لما ابي اقلبه يتكسر لييييش؟؟؟؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s