مشروم او الفطر او عش الغراب · وصفات صحيه قليله السعرات او الدهون وتصلح للرجيم · اطباق رئيسية · اطباق رئيسية -اسماك وماكولات بحريه

سمك هامور الا مدام ين الغاليه…

 


Yin مدام ماقصرتي حبيبتي على هالوصفه :**
بعد ما جربت وصفه الدياي بالشبنت اللي قضو عليها اهلي عليهم بالف عافيه قلت لازم اجرب وصفتها بالهامور … وطلعت رووووووعه ما شاء الله .. الصوره للاسف مو مبينه روعتها لاني مصورتها على السريع
تسلم ايدها الغاليه ودشت هالوصفه دفتري :>

اكثر شي عجبني ان الوصفه ما تحتاج تحضير وايد …ودايت فريندلي ..تحتاجون بهالوصفه هامور بالبقسماط ماركه امريكانا واذا مو متوفر بنزل ان شاء الله طريقه مقاربه له
انا ما كثرت الزبده لاني ابيها تمشي مع رجيمي واذا في تعديلات او اضافات تصلحها لنا صاحبه الوصفه العزيزه:>
المقادير:
جم حبه فيليه هامور بالبقسماط
مشروم شرايح
ساليري شرايح
زبده
زيت زيتون
اعشاب مجففه ( اورغانو وريحان ومرقدوش… الخ)
ملح
فلفل اسود
عصير ليمون
ثوم مهروس
بقدونس مفروم
الطريقة:
نمسح صينية الفرن بشوي زيت ونصف الفيلهات وندخله على حراره متوسطه ونقلبهم بنص وقت النضج
نسخن زيت الزيتون مع الزبده ونضيف لهم ثوم مهروس شوي ونحمره وبعدين نضيف المشروم والساليري والاعشاب والملح والفلفل الاسود ونخلطهم لين يذبلون شوي
نضيف عصير الليمون( واذا كانت الخضار وايد شيلوهم وضيفو العصير على العصاره المتكونه من ماي الخضره مع الزبده) ونتركه ثواني وبعدين نضيفه على الهامور المشوي ونرش رشه بقدونس مفروم وبالعافيه
Advertisements

10 thoughts on “سمك هامور الا مدام ين الغاليه…

  1. تسلم الإيديات والله وبعدين وين وصفتي حرام عليج هذي إنتي ضايفة لمسات فنية من أناملج الذهبية بالعافية عليج حبي جربيها بالهامور من غير بقسماط ومثل ما قلتج مع التنقيع !! وبعدين تقولين روعة عدل إي ترى طريقتج نفسها تنفع مع الربيان ترى وايد طالت الغيبة إشتئنا :)))))مشكورة يا حبوبة والله يحفظج من كل شر يا رب أنت وكل من يهمك أمره :))

  2. Yin مدام
    **********
    الله يسلمج حبيبتي… وانا ولهت عليكم اكثرررر تسلميييين على هالدعوه الحلوة ولج مثلها واحسن منها يا رب :***
    تصدقين انا عبالي تقصدين هالهامور اعتذر عن هالخطا الغير مقصود.. وجاري شراء هامور فيليه عادي و تطبيقها بحذافيرها
    مشكوره مره ثانيه

  3. تسلم اييييدج على هالوصفاات… بس حبيبتي اذا ماعليج امر الخط واااايد صغير والأزرق مو واااضح كلش كلش ماقدر اقرا طريقة الوصفة 😦

  4. لووول حبيبتي إنتي طبخي على كيفج مو شرط بطريقتي :))أنا أقترح وإنتي أخذي اللي تبين وخلي اللي تبين :))ودام طلع حلو ما عليج مني بس حبيت أقولج تجربينه من غير بقسماط هم روعة ودايت فرندلي أكثر :))

  5. منولة حبيبتي ترى الوصفة تنفع مع أي نوع سمك فيليه أبيض !!بس مو سمك كود !!:))

  6. Yin مدام
    *********
    عدل كلامج بس كنت بوصلج اني فاهمتها بطريقه ثانيه وكلامج صح صدقين عاد سويتها امس وصاجه مع الفيليه احلى لاني اتحكم بالتتبيله … بس للاسف لزقت بالشوايه وتقطعت عشان جذي ما صورتهابس لما دخلتها الفرن وكلمت نضجها تعدل شكلها نوعا مايعطيج العافيه وتسلم ايدج مره ثانيه

  7. Manal
    *******
    يا بعد قلبي انتي :(ملحوقه ان شاءان الله.. لا تخليني ااجر عربانه سمج استقبلج فيها بالمطار 😉 هههههعاد تدرين انج سويتي فيني ادمان سمج سلمون

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s