شيش برك…


مع الصيف والحر ندور الاطباق البارده والخفيفه…وصفه الشيش برك من وصفات اللبن المنعشه بالصيف وانا احب اكلها بارده فتحقق لي المعادله
عيبها
انها متعبه
بس طعمها يسوا… انا جربت وايد وصفات لها وكلهم حلوين
وعشان تقللون التعب في التشكيل تقدرون تشكلونها بطريقه حشوه الباستا… تفردون العجينه بجهاز الباستا عشان السمك يكون خفيف ووزعو الحشوه فوقهم وردو غطوها بطبقه عجينه وضغطوها عدل عشان اطلع الهوا وتضغطونها لين تنقطع وتدخلونها الفرن عشان تتحمر ولا تتبطل مع الروب
او تقدرون تستخدمون طريقه الغاليه منى من موقع لقمه.. الحشوه تقدرون تضيفون لها اي شي تحبونه :>

المقادير:
طحين
ماي
ملح
لحم مفروم ناعم
كزبره
بصل مفروم ناعم
ملح
بهار حلو
بهار عادي
دارسين ناعم
ثوم مهروس
روب او لبن
ماجي
نشا

الطريقه:
في البدايه نسوي العجينه بطحين وماي دافي ملح ونتركها شوي عشان ترتاح
نفرك البصل المفروم مع الكزبره واللحم مع البهارات ونكورها كور صغييره عشان تساعدنا باللف
نحط كميه الروب او اللبن مع الماجي والنشا على النار ونحركها باتجاه واحد لين تثقل

نفرد العجينه الى سمك ضعيف وتقدرون تستخدمون جهاز الباستا عشان يسهل العمليه
1-قطعوها دوائر
2-حطو الحشوه بالنص مع مراعاه ان ما نكثر عشان لا تطلع برا وتفتل
3- سكروها من النص على شكل هلال ( نفس طريقه حشوه القطايف)
4- ييبو الاطراف ولزقوهم ببعض ليما تصير على شكل كبوس

بعد ما تخلص كل الكميه تقدرون تدخلونها الفرن عشان تتشمع على قولتهم وما يطلع منها الحشو او تقدرون تسقطونها بالروب على طول مع ملاحظه انه رح ينفش مع الروب
نخليها على نار واطيه لين يستوي العجين
وبعد ما يستوي نحمس ثوم وكزبره ونطشها فوقه ونتركهم على نارواطيه
تقدون تاكلونها ساخنه او بارده حسب الرغبه وبالف عافيه


Advertisements

6 Comments اضافة لك

  1. Yin مدام كتب:

    تسلم الأيادي حبوبة :))صج حلوة ناكلها بالصيف بس شغلها مو خوش للصيف لوول كثري من الوصفات الباردة والأيسكريمية :)))سؤال:عندج خلطات عصير؟؟لووولسوي برنامج ما يطلبه الطباخون العيزانون :))

  2. Manal كتب:

    احب هالنوع من الاكلاتالي يعتبرها زوجي الحبيب سلطاتانا اكلها كوجبة رئيسيةتسلم الايادي:)

  3. bent el deera كتب:

    Yin مدام **********الله يسلمج حبيبتي ومن عيوووونيثواني وانزل موضوع العصاير :>واذا على العيز سكتي بس عسى ما يوم اسوي لهم توست وجبن وارش فوقها بشاميل وبارمزان واقولهم اكله يديده ههههههههه

  4. bent el deera كتب:

    Manal*******هلا بالغاااااليهوالله يخلي لج زوجج مو بروحه عنده هالنظريه.. انا يوم حطيته على السفره ابوي طالعني نظره من طرف عينه تنم عن السخط وقالي وين الغدا لا يكون بس هذا!!!… مع العلم كان على السفره عيش وشعريه و سلطه خرشوف وسلطه خضره … اشوه اني مسويه باك اب بفتيك مع سوتيه لوووول

  5. Manal كتب:

    اسم الله عليجربي حافظج:)ما شاء الله صفرة عامرة ان شاء الله دوم يالذويقة:)خلاص بحجز عندكم يوم اتفطر:)

  6. bent el deera كتب:

    Manal *****والله انا اتشرف وهذي الساعه المباركه :>يالله ردي بالسلامه وانا حاجزتج :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s