اولا : الليموناده بماي الزهر…
طبعا حلاتها باااااارده عشان جذي الثلج وايد وايد اساسي فيها… في ناس يسونها بالليمون الاخضر ( لايم ) وفي ناس يسونها مع الليمون الاصفر العادي… بحالتي اخلط الاثنين اللايم في نكهه محببه بس ينقص الحده الموجوده بالليمون الاصفر ماي الزهر الهدف منه اعطاء احساس منعش بارد يدلدغ البلاعيم هههههه… كميه السكر حسب الرغبه انا ماحبه حالي فيزيدو السكر على هواكم وعلى حسب نوع الليمون
المقادير:
تقريبا جيس ليمون اخضر
كوب سكر + 4 قفاش تقريبا
نص لي ثلاث ارباع كوب عصير ليمون اصفر
تقريبا 2-3 قالب ثلج
لترونص او اكثر ماي
قفشتين كبار ماي زهر
تقريبا 15 ورقه نعناع كبيره
الطريقه:
نزيل البذور من الليمون الاخضر ونعصره ونقصصه ونحط نص كميه القشر بالخلاط
نضيف عصير الليمون و اذا حبيتو تقدرون تبشرون القشر معاه
نضيف مقدار الشكر
والنعناع والثلج والماي وخلطوه دقيقه تقريبا
بعدين شخلوه عشان تتخلصون من القشور وحزه التقديم خلطوه مع ماي الزهر و ترسوه ثلج عشان يكون بااارد
هذا سويته اليوم ولا اله الا الله طار
ثانيا: عصير الفرواله بالبرتقال… او بروايه اخرى عصير البركان…
هالعصير منعش ولذيذ اخذته من موقع لقمه للغاليه منى…بدلت السكر بقفشه تروبيكانا زيرو وكان يم يم انصحكم تجربونه :>
المقادير:
نص كوب عصير برتقال فرش
ثلاث ارباع كوب فراوله … انا زدته 3 حبات زياده
قفشتين سكر.. او قفشه تروبيكانا
نص كوب ماي بارد
الطريقه:
نخلط الفراوله مع السكر والماي
نصب عصير البرتقال والفراوله فوقه وبالف عافيه
ثالثا: عصير الكيوي بالاناناس…
هالعصير عبدالله المطوع الله يذكره بالخير نصحني فيه لما كنت اراجع عنده بالرجيم وكنت اخذه على العشا لانه يشبع… وعلى كثر ما شربته بس ماحب الاحساس اللي يقرص لساني من بعض انواع الكيوي.. ماحبه ثقيل ولا احبه مايع .. لقيت الحل والمقدار المناسب مع ذوقي…انصحكم بكيوي ماركه mazzoni بس لا تنسون نقوه لين احلى
المقادير :
2 كيوي مقشر ومقطع
علبه عصير كي دي دي اناناس
الطريقه:
خلطوه بالخلاط وبالف عافيه
رابعا واخيرا: عصير الشمندر بالجزر
ما عندي صوره اوضح هههه… لا تستغربون منه وايد حلو هالخليط وبالنسبه لي هذا المفضل بينهم حلاوه الشمندر مع الجزر تعطي توازن وايد حلو وفوق هذا لونه ينن.. لا تعصرون الجزر التركي لان ما فيه طعم وانصحكم بالسعودي وايد احلى
المقادير:
جزر لمقدار كوب عصير
شمندره صغيره
الطريقه :
ينعصر الجزر بالمعصاره عادي وقبل لا ينترس لي الاخر نعصر الشمندر بنفس المعصاره ونخلطه ونشربه بارد وعليكم بالف عافيه
My Kitchen 
ماشاءالله لا إله إلا الله عيني عليج باردة تف تف تف خدمة 10 نجوم يختي ما ترشحين نفسج للمجلس؟؟ ولا يختارونج وزيرة؟؟ على خدمتج الكويت بتتطور وهموم الناس بتنحل في ظرف سنة :))))))))عصاير تهبل حبيبتي أنا مليت من الوصفات اللي عندي لين بطلت أسويها خلاص من اليوم ورايح مدونة بنت الديرة تحدد يوم الخميس لما يطلبه الطباخون العيزانون :))))))))))))))وبالنسبة للبوست اللي طاف لووول ما أعتقد يقتنعون بتوست وجبن عليه باشاميل وبارميزان !!عقب هالدلال اللي شافوه خربتيهم لوول
Yin مدام**********ياااااااااااااااااااااااااااااا بعد قلبي انتيشكرا هذا من ذوقج والله وما عليج ازودهههه وخلاص تم كل خميس بسويه ثيمزين شاركينا بوصفاتج ومنكن نستفيد :>
حبيبتي الله يسلمج ويحفظج مشكورة :))إن شاءالله بعد الويك أند أحط لج جم وصفة وتآمرين أمر :))
Yin مدام **********ما يامر عليج ظالم وناطرينج :>
السلام عليكم كوكو :)يا عيني شي بياخد العقل و كل عصير اطيب و اشهى من التاني سلم هل الديات يا احلى قمرعلى فكرة النيو لوك للبلوج حلوة كتير , حاسة حالي مشتهية ااقرط البلوج لقمة لقمة 😀
منى *****يالف هلا ومرحبا بالغاليه جدا على قلبي :*هذا بعض مما عندكموعيونج الحلوه اللي تشوف بلوقي حلوتسلملي هالطله واتمنى انها تتكرر :>
حررركاتعصير الليمون شكله حلو واااجدو البركــان شكله عجيب و أكيد طعمه بيطلع أعجب :> تسلم يدك اختيو موفقة
أم محمـد *********حياج الله عزيزتي :>حياج الله ومرورج الاروع… ان شاء الله العصاير تكون على ذوقج اذا جربتيها :>
bent el deera mashkura 3ala wa9fat alshamandar o aljazar wedi ajaribha bs mafahamt shlun na39irhum???ya3ni fi 3a9arat alburtuqal???ye9eer bilmixer??ma3indi 3a9arat burtuqal 😦
frenchy********هلا حبيبتي العفو ونورتيعصاره الجزر و الشمندر تختلف عن عصاره البرتقال… وما يصير بالمكسر العاديهذي صورتهاhttp://www.megamart.cc/images/5-40-788.jpg
weee ma3indi minha!!!:(