ابوي طلب مني شي خفيف للغدا… عاد كان عندي فري وعاده انا اسويه بطريقه عبير الراشد بس اقلل البهار والغي عصير البصل من الوصفه.. قدموه مع سلطه وخبز خفيف
المقادير:
6 حبات فري
نص قفشه صغيره ملح
نص قفشه صغيره ملح الليمون
ربع قفشه صغيره بهار
ربع قفشه صغيره بهار حلو
ثمن قفشه صغيره كاري
ثمن قفشه صغيره فلفل اسود
ربع قفشه صغيره بابريكا
نص قفشه صغيره ثوم مهروس
نص علبه روب
قفشتين كبار معجون طمام
قفشتين زيت زيتون
2-3 قفاش خل
الطريقه:
نغسل الفري ونبطله صوب الصدر ونضغط عليه براحه اليد عشان يتبطل عدل نرش عليه طحين ونرد نغسله
نخلط مقادير التتبيله مع بعض ونتبل فيها الفري ونخليه ساعتين
نصفهم بصينيه الفرن ونشويهم واذا استوو ناخذ فنجان قهوه مغلف بالقصدير ونصب فيه زيت شوي زيت شوي ونحطه بوسط الصينيه ونشب فحمه وتحطها بالفنجان ونسكره علىهم عشان ياخذون ريحه الفحم
وبالف عافيه
My Kitchen 