كنت اتعبث بكتب الطبخ اللي عندي ( وما اكثرهم ) لقيت وصفه بكتاب منال العالم ووصفه بكتاب عبير الراشد… بديت بوصفه منال العالم لان اغلب المكونات عندي طبقتها الاختلافات بسيطه غيرت مقدار الصويا صوص بالتاي فيش صوص وزدتها حليب جوز الهند وقللت النشا وزدت الربيان المذكور بالوصفه بس ما كان جمبو مثل ما تشوفون
المقادير:
16-20 حبه ربيان تقريبا
زيت نباتي
نص حبه فلفل احمر مكعبات
نص حبه فلفل اصفر مكعبات
نص حبه فلفل اخضر مكعبات
حبه طماط مقطعه مكعبات
4-6 حبات اناناس شرائح
1 م ص ثوم مهروس
حبه بصل مفروم
1 م ك زنجبيل مهروس
ملح
فلفل اسود
1 ونص الى 2 كوب ماي
2 م ك نشا كبار
نص كوب خل
نص كوب سكر
حبه مكعب ماجي
4 ملاعق كبار معجون طماط
4 ملاعق كبار حليب جوز الهند
3ملاعق كبار تاي فش صوص
الطريقه:
ناخذ الووك ونحمر الثوم والزنجبيل ونضيف الربيان ونقلبه لين ينضج تقريبا ونشيله بنفس الووك نحمر البصل والفلفل الملون والاناناس والطماط ونتركهم على نار واطيه لين يذبلون مع رشه او رشتين من الفلفل الاسود مع الملح
نخلط مقادير الصلصه: الماي والمعجون والخل والسكر ومكعب ماجي والنشا والتاي صوص وحليب جوز الهند ونصبه فوقهم واذا ثقل الخليط شوي نرد نضيف الربيان ونتركهم كلهم على نار واطيهوبالف عافيه
My Kitchen 
تعجبيني:)حلوة المجازفةوانا من عشاق المجازفات بالاكل:)تسلم الاياديبس لو انا منجاخلي الصلصة ثخينة احلى:)وبالعافية عليكم:)
Manal ******لو يحصل لي اجازف اكثر لاني ما امانع من التجارببس الفاميليا كلش موجذيوانا مطيعه وامشي مع راي الاغلبيه هههههوملاحظتج بمكانها واشكرج وايد عليها … حتى انا بيني وبين نفسي حسيتها بتكون احلى لو اثقل عشان جذي قللت مقدار الماي بالوصفه :>مشكووووره حبيبتي
واو يوعتيني اكثر .. شكلها ايشوق .. ماتغديت :(جان زين انتي بنت ييرانا هههههههه -ماشاءالله عليج – ( جان كل يوم انا عندكم) :>
حبيبتي انتي !! صج صج صج فرحت وانا اشوف الوصفة.. مافيني صبر.. كنت قايلة ان اليوم بطلع اتعشى مع زوجي!جني هونت.. باخذ لي جم طبق اهني واسويهم الليلةتسلم إيدج يالغالية :*
Fishah*******يا بختي لو حظي لو عندي ياره عسل مثلجاذا بغيتي شي لا يردج الا لسانج عطيني وين تبينه ويوصلج من راس مرفوع :>
إمـرأة لا تُنسـى****************حياتي انتي عليج بالف عافيه وعذريني على الرد المتاخر :>
WOOOW SO SPECIALتسلـم ايدج يافنانتــنا
The.One *********حياج الله حبيبتي :>والله يسلمج من كل شر واستانست انها عجبتج :>