عجينه ترفه لجميع اانواع المعجنات…

هالعجينه اخذتها من ام ناصر om naser_64 وهي اشهر من نار على علم بمواقع الطبخ ما شاء الله عليها
طبعا انا مجربه لها جميع انواع المربيات وطلعت تحفففففه وجربت المسخن الفلسطيني والسمج المشوي وكلهم نجحو معاي
يعني معاها اطبق وانا مرتاحه… للاسف الكيك والمعمول مقدارها ما ضبط معاي ولانها ما شاء الله عليها تطبخ حق عايلتها الكبيره الله يحفظهم فدايما مقاديرها تكون راهيه

هالعجينه اخذتها من وصفه لحم بعجين… كنت ابي مقدار حق صينيه بيتزا وحده وقسمت المقدار على 2

المقدار مع الطريقه:
1 ونص كوب طحين
ربع كوب روب
ربع كوب زيت زيتون
1ملعقة صغيرة خميرة
1 ملعقة سكر
رشة ملح
نص كوب ماء فاتر

تعجن المقادير وتترك لتتخمر بطاسه مدهونه لمده ساعة وتعالو شوفوها عجييييبه

Advertisements

34 Comments اضافة لك

  1. نون النساء كتب:

    تختلف عن العجينة اللي اسويها ..بكل شيبس ما يمنع اجرب اللي عندج يمكن تطلع احلاوبقولج عجينتي وانا اخذتها من وحده من عضوات منتدى كويتيات :6 م ك سكر6 م ك حليب بودره1 م ك خميرة مذوبة بكوب ماي1 كوب ونص ماي1 م ص ملح1 كوب طحينتخلطينهم وتخلينهم 10 دقايق وعقب تضيفين طحين ( من غير كمية محدده ) انا أضيف طحين بالتدريج للخليط ايلين تصير معاي عجينة لينة واغطيها واخليها بالفرنوتفنني فيها عاد ..مشكوووورة حبوبة

  2. Yin مدام كتب:

    مشكورة يا حبوبة وقواج الله على هالطبخ والوصفات والصور الله يحفظج وسامحيني تأخرت عليج بالعصاير وراح أتأخر جم يوم هالأسبوع وقت ماكو :(أول ما أفضى أحطهم لج تسلم الأيادي 🙂

  3. طز بالرجالة كتب:

    تدرين صار لي سنين مو طابخة ربيانانت شجعتيني و هالايام طايحه فيهو الله سهل و لذيذمشكورة يا الحلوةاقول علميني شلون المسخن الفلسطينيياي على باليشكرا لك

  4. الزين كتب:

    صباح الخير:)وبما انج قاعدة تستقبلين الطلباتعطينا وصفة المربى اذا سمحتيواذا تعرفين طريقة عمل الجبن اكون جداااااااشاكرة لج:)

  5. Manal كتب:

    تسلم الايادي:)مشكلتي اني احب هالنوع من المعجنات للفطاير عامةعدا البيتزااحب البيتزا على عجينة ايطالية خفيفة ترفة:)والناس اذواقولولا تعدد الاذواق لبارت السلع على قولة زوجيلما ما يعجبة الاكلويشوفي اتلذذ فيه:)بس راح اجربها اكيد:)

  6. bent el deera كتب:

    نون النساء**********مشكوره يا قلبي على الاضافه وايد استانس لما اشوفها منكموان شاء الله اجربها بس بسالج مو هذي عجينه العشر دقايق؟؟ولا اخمرها عادي؟ومشكوره مره ثانيه

  7. bent el deera كتب:

    Yin مدام ********هلا بالطش والرشالله يسهل عليج امورج ومعذوره يا قلبيومشكوره على هالطله الحلوة :>

  8. bent el deera كتب:

    طز بالرجالة************هلا بالغاليه ويسعدني اني شجعتج على طبخ الربيانالمسخن الفلسطيني يا طويله العمرتسلقين الدياي .. تحمرين كميه كبيره من البصل بزيت الزيتون هم وايد وملح وتضيفين لها دارسين وهيل ناعم وبهار وشويه من ماي سلق الدياي وتردين الدياي عشان ياخذ من نكهه البصل مع البهاربعدين تشيلينه وتحمرينه نص تحميره بالفرنتاخذين الخبز الايراني ( طلبي منه يكون خفيف)تغمسينه بخلطه البصل وترصينهم فوق بعض مع رشه من السماق مع المكسرات المحمصه ( صنوبر ولوز ) واخر شي الدياي وتردين تحمرينهم بالفرن مره ثانيه (( انا ما غمستهم بس حطيته جزء من حشوه البصل ومسحتها فيه لاني ما كنت مسويه وايد حسيتها اخف والخبزه بتطلع ناشفه احلى )) وترشينهم بالمكسراتشكله بسيط بس نكهه زيت الزيتون مع البصل والسماق عجبت البيتاذا تبين وصفتها المصوره دخلي هاللينكhttp://alfrasha.maktoob.com/showthread.php?t=222828

  9. bent el deera كتب:

    الزين ******صباح الورد والنوير انتي تامرين امر اي وصفه مربى تحبين؟؟انا جربت المشمشوالكرز والفراوله :>بالنسبه للجبن عندي لينك دردشه مطابخ كاتبه فيه كذا نوع جبن اذا تحبين بس للاسف من غير صور.. صراحه للحين ما جربت اطبقهم بهالسوالف حدي اسوي روب ولبنه هههههتفضلي هذا اللينكhttp://forum.hawaaworld.com/showthread.php?t=219424

  10. طز بالرجالة كتب:

    مشكورة يا الحلوةما قصرتيبس شنو هذا؟؟؟كم سعرة حرارية هالمسخن؟100000000؟انا بسوي ما اون فيرشن و اقلل مم الزيت و المكسراتنشوف شلون بيطلع الطعملا خلا ولا عدم

  11. bent el deera كتب:

    Manal *******هلا بالطش والرشالله يسلمج حبيبتي وبالنسبه للعجائن قصتي طويلهانا ماحب اعجن .. يعني العمليه ما تستهويني وايد ودايما اعاند روحي بهالعجينه كانت سهله بالعجن وسهله بالفرد فما غلبتني وفوق هذا ما انتفخت وايد بالفرن لاني احب لا طعم ولاريحه الخميره بالعجينهبيني وبينج عندي جم وصفه وكلهم ناجحين معاي بس هذي حبيتها لان مقدارها صغير وبسرعه اخلص منه ههههههبالنسبه للبيتزا… ما شاء الله ذوقج لا يعلى عليه وبما اني مارحت ايطاليا ولاعرف عجينتهم شلون صايره بس بجرب اغوغل فيها واطبق… اذا رديتي الكويت بالسلامه لازم اعزمج على بيتزا شاي ونعنع او بانيني يسونها تقريبا بسمك عجينه الصاج ويكون معاها جرجير من فوق والحشوه بالنص اتوقع بتعجبح (( ايام التهور كنت اطلب بيتزا 4 اجبان للريوق بالدوام ههههه ))

  12. bent el deera كتب:

    طز بالرجالة*************صاجه عشان جذي انا افضل اسويها بالطريقه الكويتيهخبز صاج والدياي مسلوق او مشوي ومسحب ومحموس مع بصل وصنوبر وسماق وملح وبهارج ولفيه رولات ومسحي الخبزه بشوي زيت زيتون وحمريها بالفرن :>

  13. Aisha كتب:

    واي سويتها كنت ادور عينه ترفه كلش ماضبط وياي مادري شنو الغلط بالضبط بس طلعت اتلززززززق ماضبطت كلش 😦 مادري ليش

  14. bent el deera كتب:

    Aisha******في البدايه اعتذر جدا على التاحير بالردالعجينه المفروض تكون مطاطيه وتلوق شوي بس بعد ما تخمر بتتشكل معاج عاديواا حسيتي ان مستوى التلزق وايد تقدرين تزيدينها طحين وتعجنينها لين توصل لللتجانس المطلوب :>

  15. هيفاء المسيفر كتب:

    مشكورة اختي وتسلم يدج على الوصفة .مدري ليش المعجنات مسوية لي عقدة في حياتي ماعمري نجحت فيها مع اني الحمدلله أي شي اطبخه يطلع مضبوط ماعدا المعجنات اما تطلع عجين في عجين او تطلع يابسة كأنها بسكوت .. عموما ماقصرتي والله يخليج لعين ترجيج

  16. bent el deera كتب:

    عزيزتي هيفاء هلا فيج مره ثانيه :)وصدقيني اني كنت مثلج وكنت بمووت واعرف ليش ما تضبط معاي وبعد المحاوله والتجربه الحمدالله انحلت العقده بس بيني وبينج ماحب أعجن وايد والفال حق الحلو اضبطه واتفنن فيه :)العجين يبيله 3 أشياء من تجربتي عشان ينجح ويبيض الويه … أول شيء ينعجن وايد وكل مازادت مده العجن يكون أفضل … وثاني شيء نترك الخميرة تأخذ راحتها لأن التخمير القليل بيخليها مثل البسكوته ويابسه ( واعتقد هذا أحد مشاكلج ) والتخمير الزائد بيخلي ريحتها مش ولا بد والعجينه تتقطع من الفقاقيع وطعمها بعد الخبز مو حلو … واخيرا الحرارة المناسبه للخبز لأن الفرن البارد بيخليها معجنه والفرن الحار بيحرق الويه ويخلي الداخل مومستوي ( واعتقد هدي مشكلتج الثانيه ) بالنسبة لي أفضل حراره للمعجنات 180 درجه وإذا كانت بيتزا مارجريتا أخليها 200 بس أقلل الوقت ان شاء الله أقدر أكون ساعدتج وحياج الله عزيزتي بأي وقت 🙂

  17. هيفاء المسيفر كتب:

    مشكورة اختي بنت الديرة على نصايحجان شاء الله بخلي كلامج في بالي لما اسوي معجنات وبخبرج بالنتيجة تسلمين

  18. bent el deera كتب:

    عزيزتي هيفاء ان شاء الله تضبط نعاج وتعجبج :)ان شاء الله يوم الأحد بنزل وصفه بيتزا والعجينه فيها وايد سهله ولذيييييذه انصحج بعد تجربينها :)صدقيني أنا وايد حاسه فيج لأن العجين كان يطلع عيني 🙂

  19. هيفاء المسيفر كتب:

    مشكورة اختي بنت الديرة على اهتمامج وانا بانتظار الوصفة يوم الاحد بإذن الله ويعطيج العافية

  20. هيفاء المسيفر كتب:

    السلام عليكمابشرج اختي اليوم جربت وصفة العجين و سويت بها كرواسون بالجبن وطلعت تمام مضبوطة حطيتها في الفرن على درجة 180 مدة نص ساعة تقريبا .. وطلعت مضبوطة ولله الحمد.. لج جزيل الشكر على نصايحج المفيدة. بس كنت ابي اسأل هل ممكن استعملها حق الحلويات مثل السينابون ؟

  21. هيفاء المسيفر كتب:

    اممممم تذكرت بعد ابي اسألج اختي ..كمية العجين طلعت قليلة وانا بصراحة خفت اضاعف المقادير و ألخبط .. مدري يعني عادي اضاعف المقادير ولا لا؟ان شاء الله ما اذيتج بأسئلتي.

  22. bent el deera كتب:

    عزيزتي هيفاء ونستيني وايد أنها ضبطت معاج وأكيد تقدرين تضاعفين الكميه كثر ما تحبين 🙂 وتقدرين تستخدمينها للسينبون بس انصحج تزيدين كميه السكر بالعجين :)أنا منزله طريقة الشينبون وبالصور التفصيليه إذا تحبين 🙂

  23. SAM-X كتب:

    مليش سؤال سخيف شويكم المدة الي تنحط فيها في الفرنانا حاب اتعلم الطبخ و استغني عن المطاعم

  24. bent el deera كتب:

    SAM-Xحياك الله أخوي والعجين يعتمد على حسب حراره الفرن بش يأخذ تقريبا 10 دقائق لي ربع ساعه

  25. SAM-X كتب:

    السلام عليكمحاب اتاكد مني عارف ايش الي عملت غلط العجينه تطلع معي لزجه تى لو تركتها اكثر من ساعه مني عارف ايش الغلطوسؤالي ايش هو الروب انا فهمت انه لبن رايب شرب يعني وشي ثاني انا مستغرب مافي بيض في الوصفه ؟؟واسف على الازعاح

  26. SAM-X كتب:

    السلام عليكم بالله تجاوبني ثاني محاوله والعجينه تطلع سايحه مني عارف فين الغلط

  27. bent el deera كتب:

    SAM-X******اعتذر اخوي عن التاخير بالنسبه للروب اقصد فيه الزبادي واذا تحب مقادير عجينه فيها بيض بلغني وان شاء الله اصورها وانزلها بالتفصيل الممل حقكبالنسبه للطحين في انواع طحين تختلف من مكان الى اخر اذا احتجت اضافه طحين او حسيت انها لزجه وتلزق باليد تقدر تضيف لها حتى تمسك معاكانا منزله ملاحظات عن العجين بالبلوق اقراها وان شاء الله تستفيد منهاhttp://aklati.blogspot.com/2010/04/inas-pizza-dough.htmlواذا عندك اي ملاحظه او اي استفسار لا تترد وقولي وان شاء الله اساعدك فيه :>

  28. SAM-X كتب:

    شاكر لك اختي والله هذي ثالث عجينه تنكب بسبب اللزوجه الان بقرا الموضوع وبجيب زبادي وابلغكم بالنتيجه ان شاء الله و بالنسبه لوصفة البيض صبرك علي انهي هذي وننتقل للثانيه ان شاء الله

  29. bent el deera كتب:

    ان شاء الله تضبط معاك النتيجه :>ومثل ما قلت لك اذا حسيتها محتاجه دقيق تقدر تضيف لها بالعجن :>وبلغني بالنتائج

  30. SAM-X كتب:

    صباح الخيرالحمدلله العجينه زبطة معي بس كنت ابغى اسال ليه نحطه 180ْليه مانزودها

  31. bent el deera كتب:

    فرني حار 180 حراره مناسبه لانه اذا كان حار العجينه يتنشف العجينه وتصير مثل البسكويت الا اذا كانت حق بيتزا تكون الحراره بحدود 200 بس الوقت اللي تقعد فيه بالفرن اقل :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s