الحشوة بروحها لذيذه.. عشان جذي كثرت منها لان ابوي فديته يحبها. جزء حشيت فيه الديايه والباجي زدته ماي وخليته يكمل نضجه.. تقدرون تسلقون الديايه بعد االحشو عشان تقللون مده الطبخ
استخدمت جبده دياي مع اللحم المفروم وتقدرون تستغنون عن واحد منهم
المقادير:
دياي بحجم كيلو او اكبر
مقادير الحشو:
عيش مصري
لحم مفروم
جبده دياي مقطعه
بقدونس مفروم
صنوبر محمص
جزر مقطع مكعبات صغيره
بهار
دارسين
هيل ناعم
شوي مستكيه مطحونه
ملح
فلفل اسود
زيت او سمنه
الطريقة:
نحمر البصل مع الكبده واللحم المفروم ونضيف له الجزر والعيش والبهارات ونضيف الماي المغلي حوالي كوب عشان يكون نص نضج
نضيف البقدونس والصنوبر ونتركه لين يبرد
نغسل الدياي بطحين ونشطفه بماي فيه خل ونشفه عدل
نبهر الدياي من الداخل والخارج ونحشي الدياي عدل بالحشوه ونسكرها ونمسحها بالزيت ونغطيها بالقصدير وندخلها الفرن لين تستوي وبالعافيه
My Kitchen 