المقبلات والاطباق الجانبيه · الشوربه او الحساء · اطباق رئيسية · اطباق رئيسية -الدجاج والطيور

ملوخيه

ملوخية

اعترف اول مره ذقت الملوخية  قدموها  مع خبز محمص ودياي مشوي ورز بشعريه مصري بالبداية ما عجبتني بس بعدين تولعت فيها…امي الله يرحمها كانت تسويها بطريقه انها بعد ما تسلق الدياي وتسحبه وترده بالملوخيه يطبخ وطعمه الذ من وجهه نظري خاصه اذا كانت الملوخيه فرش
هالمره استخدمت المجمد …وعاده استخدم ماركه مونتانا او الاهرام
اذا ما تبونها مع دياي تقدرون تستخدمون مكعبات ماجي
انا احبها حامضه فاقدمها مع ليمون معصور على جنب وخبز محمص
المقادير:
كوبين ماي سلق الدياي  ( تقدرون ترجعون حق طريقه سلق الدياي هني ) + ممكن اضافه الدياي المسحب للمولوخيه ( الدياي يكون مسلوق بهيل وورق غار وفلفل اسود ومستكه ودارسين وكمون )
نص بصله شرايح تقريبا ( مو ضروريه بس احب طعمها مع الملوخيه )
4-5 فصوص ثوم شرايح
قفشه صغيره ثوم مهروس
نص شده كزبره ( تقريبا حجم خمطه )
ملح
كزبره بودر
زيت نباتي
كيس او 2 ملوخيه على حسب درجه الكثافه اللي تحبونها
الطريقه:
نحمس البصل مع الثوم الشرايح تحمير خفيف وبعدين نضيف ماي سلق الدياي مع الملح ونخليها تفور واول ما تغلي نوطي النار و نضيف الملوخيه ونتركهاعلى نار واطيه  مع التحريك المستمر ليما تسخن من غير غليان
نسوي تقليه من الثوم والكزبره ( او الكزبره البودر والمفضل طحنها فرش ) ونطشها فوق الملوخيه ونتركها اقل من دقيقه بجدر مكشوف وبعدين نقدمها وبالعافيه
Advertisements

6 thoughts on “ملوخيه

  1. انا يعت صراحه ههههههههههههغدانا باجر ملوخية وبجرب طريقتج هاذيمع اني احب الملوخيه الورق اللي يكون كاملعادي استخدمها ؟؟طريقتي تختلف بعد لان مافيها كزبرةانا احمس الدياي المسلوق و المقطع مثل الشاورما مع زيت وثوم مبروش وبعدين اضيف الملوخية الورق واحمسها اشوي وبعدين اضيف عليها مرقة الدياي اللي نكون سالقينه من قبل وتحطين ملح الليمون .وعليج بالعافيه:Pوبخصوص العجينة ترا مادري إذا اهيه ولا لأ لأن أخمر المقادير الأولى لمدة عشر دقايق الى ربع ساعه وتالي اضيف كمية الطحين الباجيهفاااا لا يوجد معلومة بتاتاَويسلموووووووووووو دياااااااااااااتج

  2. انا من اسمع اسم سبانخ اشوف ارانب تطنطط جداميالله يزيد النعمةكله من الافلام المصرية

  3. نون النساء**********بالعافيه ان شاء اللهبالنسبه للملوخيه للحين ما جربتها بالورق الكاملعندي طريقه ثانيه اني احمسها مع ثوم و خضار وكاري وماجي مع ماي شويه شكل طريقتج اسهل وان شاء الله بجربها قريب :>بالنسبه للعجينه اذا ماني غلطانه هذي نفسها عجينه العشر دقايق كنت ماخذتها من ام عزيزان تسميها عجينه الكنز هههه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s