كوسا محشي…

لما اكون متملله دايما اقور كوسا واحشيها.. العمليه نوعا ما تريحني
بالنسبه لي تعتبر وحده من افضل اطباق يدتي اللي تعملتها من صديقتها الفلسطينيه .. بطن الكوسا ( لب الكوسا ) نحطه بقاع الجدر عشان يحمى الكوسا وهم يعطي نكهه طيبه
احب اكلها مع روب بخيار
هالوصفه اعتقد تنفع صديقات الرجيم :>


المقادير:
كوسا محفوره
عيش مصري
بقدونس
بصل مفروم
طماط مفروم
لحم مفروم
لومي بودر
هيل بودر
بهار
ملح
طماط مفروم
معجون طماط
مكعب ماجي


الطريقة:
نفرك البصل بالبهارات ونخلطهم مع اللحم والبقدونس والعيش والطماط ونحشي فيه الكوسا ونسكره ببطاطه
نغطي ارضيه الجدر ببطن الكوسا ونصف الكوسيات فوقه
نخلط المعجون مع الطماط والماي ومكعب ماجي ونسقي فيه الكوسا
تقدرون تحطون فوقه ثقل او تخلونه يستوي براحته
وبالف عافيه

7 thoughts on “كوسا محشي…

  1. يقول طز بالرجالة:

    عوار قلباموت على الكوسا المحشية بس تكون ناشفه تماماشكرا على هالوصفات يا الحلوةانا سويت ربيان اليوم مع باستا و افوكادو و بزالياخلطبيطة يعني

  2. يقول bent el deera:

    طز بالرجالة*************يم يم حسيت انها حلوة .. كتبي لنا تجاربج الربيانه خاصه ام جبن:>والكوسا الناشفه ذقتها مره وماعرفت اطبقها فاذا عندج وصفه اكون شاكرتلج :>

  3. يقول طز بالرجالة:

    اعرف وحد تسويهابس صار لي مده مو مكلمتهابس احصلها اقول لجو الربيان ترى احط ربيان و اشياء معاه..اي شي موجود و يلبق و منها كان جبن ذاك اليومشوفي قبل يومين شويت ربيان جامبو على سياخ خشب بالفرنشفت نفسي مليت من الربيان المشوي جان اييب الطابي- المقلاه ( اخاف انتي مو عتيجة مثلي و ما تعرفين الطابي) المهم و حطيت نص قفشة زيت زيتون و سماق و 2 اونص من الباسا المفيوحه…عاد انا خريجة امريكا ما اعرف الا بالأونصه لأني مش بتاعت اونطهالمهم..و حطيت معاهم 2 قفشة معجون طماط و كوب بزاليا و طبعا ثوم شويه و ملح شوي لان اثناء الشوي و الفوح حاطه من قبلو بعد ما استوت الطبخة قصصت افوكادو..نص افوكادو بس و خلطتهم و علي بالعافية بس قعد على جبدي لأن الباستا هوول ويييتالباستا 180 سعرة حراريةالربيان 120الافوكادو تقريبا 120المعجون 30البزاليا 100زيت الزيتون 60شتبين بعد ولا محمد ربيع يخطط لج الوصفة الصحية هذيو بالعافية عاد مو تسوين هالطبخة و تقولين لأهلج علمتني اياها طز! اخاف عليج من ردة الفعلهههه

  4. يقول bent el deera:

    طز بالرجالة***********لووووووووووووووووووول اخر جمله موتتني من الضحكيابنيه شوفي لج نك غيره او عطينا اسم حركي اخرههههههمشكوره يا قلبي على الوصفه لا خلا ولاعدم :*شكلها وايد نايس وان شاء الله بجربها :>

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s