ولهانه عليكم وايد … قلت قبل لا انزل وصفات يديده بنزل باجي الوصفات اللي وعدتكم فيها… القادم الجديد مسبحينه اليوم فصاير هاديء ومطيع وخلاني استغل الفرصه :>هالكفته انا ما حطيت فيها خضار ورقيه مثل البقدونس او الكزبره لانها ما كانت متوفره حزتها وتقدرون تضيفونها حسب الرغبه
انا شويت الكفته بالفرن وتخلصت من الزيت عشان اقلل الدسم واذا حبيتوها تنضج اسرع تقدرون تقلونها او تطبخونها مع الخضار بنفس الوقت
المقادير:
حق الكفته انا استخدمت
لحم مفروم
نص حبه فلفل احمر
بصل
بهار
فلفل اسود
بابريكا
ملح
اوريغانو
شرايح خضار حسب الرغبه
كوسا
بصل
فلفل اخضر
الصلصه نحتاج
دبس رمان
ماجي
معجون طماط
ملح
شوي بابريكا
صنوبر
الطريقة :
نفرم اللحم مع الفلفل والبصل فرمه وحده وبصل نضيف له البهار ونكوره ونحطه بصينيه الفرن او ببايركس وندخله الفرن عشان ياخذ شكله ويتخلص من الزيت
نخلط مقادير الصلصه مع بعض وننصبها فوق الكفته ونرشهم بالصنوبر ونضيف لهم الخضره وندخلهم الفرن لين يكملون باجي النضج وبالف عافيه
My Kitchen 
تسلم الايادي:)وبالف عافية:)
عاد اليوم انا يوعانه و صايرة متوحشة ابي لحم..لحمة هبرةبتلوبس ها عاد مو لهم كلبمشكورة حبي تسلم هالايد و الله يخلي لكم حسون بس ان شاء الله ما يكبر و يصير مثل باجي الرجالة…ملعون
Manal*******الله يسلمج عزيزتي الغاليه :*وتسلم لي هالطله الحلوه :>
طز بالرجالة************لوووول اسم الله عليج من هاليوع الكافر.. بالنسبه للحم انا بعد لما ايوع وايد ما اشوف غيره بس انا ذوقي يوديني برايم اند توست عشان اكل برغر ما يسد يوعي الا اللحمه هههههالله يسلمج يالعزيزه الغاليه والله يخلي لج اهلج ومن تحبين يا حلوه وحسون ما اوعدج باخلاقه المستقبليه بس بهالمرحله احس انه وايد كيوت وما منه مضره فيوشريه :>