هالوصفه كلش ما قاومتها لما شفتها اليوم بموقع الغاليه منى … سكرت وعلى طول وصيت الخدامه تقلي البطاط على ما انزل واكمل باجي الطبق وخلصتها مع نجاب الغدا وطلعت لذيذه وتهبل … انا بس قللت كميه بودره الفلفل الاحمر ( البابريكا) ولغيت الثوم اللي بالسلطه واكتفيت اللي بالدريسنغ
هالوصفه منقوله من موقعها نقلا من موقع ماء زهره البرتقال
عشان اخليها صحيه اكثر مفكره المره اليايه اسلق البطاط واضيف شبنت بجربها واقولكم شصار
المقادير:
2 بطاط مكعبات مقليه
حبه طماط مقطعه مكعبات
3 قفاش كبيره بقدونس مفروم
حبه بصل اخضر مقطعه شرايح
فص ثوم مهروس او تقريبا ربع قفشه صغيره
ربع قفشه صغيره بابريكا
ثلاث ارباع قفشه صغيره ملح
4 قفاش كبيره عصير ليمون
2-3 قفاش كبيره زيت زيتون
الطريقه:
نخلط البصل مع عصير الليمون والزيت والبابريكا والملح والطماط والثوم المهروس
نقلي البطاط وننشفه ونضيفه للخليط السابق
نضيف البقدونس ونخلطه ونقدمه وبالف عافيه
My Kitchen 
شكراً كثير لمرورك إلى المدونة! سعيدة جداً بكِ!صحة وهنا على السلطة :)مثل ما ذكرت ممكن تنعمل باستخدام بطاطا مسلوقة، و نحن بالبيت أحياناً بنعمل "سلطة بطاطا مسلوقة" بنفس هذه المكونات ولكن بنستبدل البطاطا المقلية بالمسلوقة 🙂
سهلة و لذيذةبس حلاتها مو صحية ;)تسلم إيدج
تسلم ايدج راح اجربها انشاء الله 🙂
Dimah******مدونتك رائعه وتستحق الزيارهاشكرج على زيارتج نورتي البلوق :>اشكرك على الاضافات القيمه وان شاء الله رح اجربها مع البطاطا المسلوقه وشكرا جزيلا وسلمت يدك ويد الماما مره ثانيه
mellow*******هلا بالعزيزه المبدعه حاضنه مبدعين المستقبل :>وصاجه دايما الموصحي احلى .. مادري ليش هههههالله يسامح الرجيم 😛
om comment kuwait*******************اول شي ارحب فيج في زيارتج الاولى ونورتي البلوقوالله يسلمج هذا من ذوقج :>
بلوقــج و بلوق joy in a dish ..On my list شكلـي ببدع بارمضــان والفضل لكـم Hehe
The.One********صاجه المبدعه ميلو فنانه واطباقها تهبل ما شاء الله مطبخيه وهم اشور عليج موقع منال وهي ما شاء الله عليها شيفhttp://easy-a6ba8.blogspot.comوطبعا موقع منى صابوني وصاحبته حبابه وايد وكانت مشرفه بموقع لكي :>سعيده بزيارتج جدا ولا تقاطعين :>
صراحه تسلم يدج وعساج على القوه وان شاء الله يدج ما تمسها النار ل
غير معرف********حياج الله ونورتي بزيارتج الاولىومشكووووره على هالدعوه الحلوه ما تقصرين ولج مثلها يا رب :>