المقبلات والاطباق الجانبيه · السلطات

سلطه الخضار بدريسنغ الزيتون…


شلونكم وشخباركم

هالمره بعد يايبتالكم سلطه.. انتو بتشوفونها عاديه بس السالفه بدت من الدريسنغ
وانا احوس بالثلاجه جان اشوف علبه فيها زيتون مهروس ( مو بيوريه لانكم بتشوفون القطع ظاهره ) .. طبعا دام انها مدعوسه معناها اني ما استعملتها وايد فقررت اني ادخلها بدرسنغ سلطه

ولاني ماحب الحوسه خليتها سلطه بسيطه تمشي معاها… اتوقع باضافه جبن بتكون حلوه بعد… وتقدرون ( لا تستغربون ) تضيفون ميني كبه بطاط مقليه اذا عندكم بدال الخبز .. انا فكرت فيها وطبقتها وطلعت حلوه بس الشكل ما كان يصح للتصوير


المقادير:
2 كوب خس مقصص شرايح رفيعه
3 كوب بقدونس مفروم
3 كوب جرجير مقصص كبار
2 كوب طماط مكعبات
جوز ني تقريبا قفشه كبيره
توست محمص وانا استخدمت توست ماركه تويست بنكهه الجبن والبصل
ربع كوب زيت زيتون
ربع كوب عصير ليمون
قفشه كبيره متروسه زيتون اسود مهروس( اعتقد انه اسباني )
قفشتين كبار خل
قفشه صغيره الا شوي كل من ملح و ثوم مهروس


الطريقة:
نخلط مقادير الدريسنغ ( الزيت وعصير الليمون والثوم والملح ) عدل وبعدين نضيف الزيتون ونخلطهم عدل ونتركه
نصف الجرجير و الخس والبقدونس
نضيف الطماط ونصب الدريسنغ
نضيف الجوز والتوست وتترك شوي وبعدين تقدم بالف عافيه

Advertisements

15 thoughts on “سلطه الخضار بدريسنغ الزيتون…

  1. مدومنتك ضرورية جداً، لأن ارمظان الياي راح أكون في قلعة وادرين مع كم واحد ما يدشون المطابخ عادةً، مشكورة:)

  2. تسلم لنا هالايادي :)بسويها بس بدون بقدونس :> اختي ماتحبه :<واااااااااي اموت على شي اسمه سلطه :)تذكرت الدعايه p: هههههههه

  3. واااي الخـل يعطي نكهه موطبيعيه للسلطـهوالسلطه يازتلـي ;)مكوناتهــا حلووه يعطيج العافيه وخوووش بلوق

  4. -mate*******الله يعوده علينا وعليكم بصحه وعافيه … حياك الله اخوي واذا استصعب عليك اي وصفه بلغني واعيد شرحها مع الصور المفصله اذا موجوده عندي :>

  5. أُمْ حَــسَـــنْ**************ان شاء الله كانت السلطه مثل ما تحبين وتقدرين تلغين الزيتون من الدريسنغ وتخلطين بستو او تخلينه ساده هههه :>حياج الله ويعله مداخيل العافيه

  6. Fishah ********الله يسلمج يا حلوه يا احلى سموجهوعليج انتي واختج العافيهبس ذكريني باي دعايه تقصدين :>

  7. The.One *********اول شي يا الف حلا ومرحبا بزيارتج الاولى ومرورج الاحلىوعدل كلامج الخل وايد يعطي نكهه حلوه وان شاء الله تكون السلطه على ذوقج وبالعافيه مقدما

  8. جنون الكويت*************يا الف هلا ومرحبا بزيارتج الاولىومشكوره عزيزتي… نقلي مثل ما تحبين واذا في اي استفسار او توضيح لا يردج الا كيبوردج :>

  9. اعششششق السلطات .. وهالتوست اللي استخدمتيها رائع ويحلي السلطات زيادة ..وحتى بعد انه لذيذ مع الروب و(احلى وجبة عشا)مدونتكـ نحتاجها يوميا في رمضان ..عاد الله يستر الوزن راح يزيد :dيعطيكي العافية

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s