المقبلات والاطباق الجانبيه · السلطات

سلطة اللبنه 2…


استوحيت هالسلطه من بتول الكندري بس استخدمت فيها نفس الدريسنغ وباجي المكونات من عندي… السلطه حلوه واختي وايد تحبها .. اذا ما تحبون السلطه تكون حامضه وايد لا تحطون كل مقدار الدريسنع
اللبنه المدعبله انصحكم تسونها منزليه عشان لا تاذيكم بالتشكيل وعشان طعمها وايد احلى من الجاهز.. واذا ما تحبون هالشي اخذو لبنه عاديه وانصحكم ماركه شتوره لان حموضتها حلوه بس خلوها بمشخل ناعم او بغتره او بخام مريكن عشان تنزل الماي الزايد وتكون جامده حق التشكيل ( خلوها من اليل والصبح تكون جاهزه )
المقادير:
2 كوب بربير بس الورق
1 كوب جرجير مقطع
1 كوب كرفس بس الورق
2 خياره شرايح مدوره
1 ونص كوب طماط مكعبات
لبنه مدعبله
سمسم
الدريسنغ
ربع كوب زيت زيتون
ربع كوب عصير ليمون
2 م ك دبس رمان
2م ك خل
ملح تقريبا نص قفشه صغيره
ربع قفشه صغيره كمون
الطريقة:
نخلط مقادير الدريسنغ عدل
نخلط البربير والجرجير والكرفس والخيار والطماط مع الدريسنغ ونصفه بصحن التقديم
ناخذ البنه ونمررها بالسمسم ونصفها بالصحن وبالف عافيه
Advertisements

2 thoughts on “سلطة اللبنه 2…

  1. شلون اخلي اللبنه جذيه؟بنفس القفشه مالت الايس كريم الصغيره؟ولا اهيا تنشرا جذيه

  2. Sn3a*****تقدرين تشترينها جذي جاهزه ببرطمانات صوب الزيتون والمخللات او تسوينها منزليه وتكورينها بيدج عادي وبعدين تمررينها بصحن فيه سمسمان شاء الله الحين انزل لج بوست شلون اسويها بالبيت بس اذا مالج خلق اللويه تقدرين تاخذين لبنه من اي ماركه وتخلينها بشاش او مشخل يوم كامل عشان تنزل السوائل وتكون جامده شوي فتتشكل معاج بسهولهانا طبعا افضل لبنه المنزليه او اسوي الطريقه الاخيره عندي وايد احلى من المعلبه طعمها موعلى ذوقي لانها تشبه الاقط او الجميد :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s