خطوه بخطوه من الحليب لي اللبنه …

اللبنه المدعبله ما تنقطع عندنا بالبيت … استخدم بالروب واللبنه والبشاميل والمحلبيه والالبه  من حليب  التموين ( حليب بودر كامل الدسم ) طعمه احلى من السائل… طريقه الروب مكتوبه على العلبه  و تقدرون تقللون المقدار الى  كوب حليب بودر الى اربع اكواب ماي

الخطوات التفصيله عشان اوضح الصوره للاخت العزيزة Sn3a :>
في طريقه اخرى للروب و انكم تفورون الحليب مع الماي على الجوله بس من غير ما يغلي وبعدين تبردونه وتضيفون له الروب…

بسم الله نبتدي…

المقادير:
2 كوب حليب بودر
3-4 اكواب ماي دافي ( انا استخدم 2 بارد و2 حار )
علبه روب ( زبادي) او حتى نص علبه من اي نوع


الطريقة:
نذوب الحليب بالماي عدل نتاكد انه دافي وبعدين نضيف له الروب ونخلطه عدل وبعدين نصبه بطاسه وحده او طاسات فرديه ونخليه بمكان دافي 12 ساعه الى يوم كامل وبعدين تخلونه بالثلاجه يوم كامل قبل الاستخدام وبهالطريقه سوينا الروب وخلصت الخطوه الاولى

والحين دور اللبنه… ورح نحتاج  غتره او شاش او خام كتان او فلتر القهوة الامريكيه  عشان الروب ينزل السوائل وتكون عندنا لبنه
انا اخلط شوي ملح مع الروب عشان لا تكون اللبنه ماصخه

 اخذ طاسه واحط فوقها مشخل ناعم..وفوقها قماش غتره نظيفه مخصصه حق اللبنه واصب الروب فيها واضغطها واغطيها بورق زبده والقماش واخليها بالثلاجه بالقسم السفلي يوم كامل وهني خلصنا من طريقه اللبنه

لبنه

اذا نبيها لبنه مدعبله او كور نخليها زياده من يومين لي 5 ايام

بعد ما اشكلها واغمرها بزيت الزيتون واخليها يوم عشان تاخذ من نكهه زيت الزيتون واقدمها مع الريوق او مع السلطات وبالف عافيه

ملاحظات :

  •  عشان يتكون الروب لازم يكون بمكان دافي … ممكن تلفونها بلحاف خفيف او تحطونها بالفرن بعد ما تدفونه شوي

  • ممكن تضيفون اي منكهات او اعشاب مع البنه عند التشكيل

  • اذا تبون روب حامض خلطو روب مع لبنه عند تسويه الروب واذا تبونه كريمي خلطو لبنه بينار او اي لبنه تركيه مع تسويه الروب

22 thoughts on “خطوه بخطوه من الحليب لي اللبنه …

  1. يقول نون النساء:

    معاج حقوعلى فكرة روبة البيت وايد احلى من العلب الجاهزةامي وانا اسويها بالبيتوماتطلع حلوة صج إلا على حليب التموينجربناها بالنيدو مو حلوة وتطلع سايله وماتصك مثل التموينبس اللبنة اول مرة اشوف طريقة عملهاتسسسسسسسسسسسلم ايدنج

  2. يقول bent el deera:

    نون النساء************عليكم بالعافيه وتسلم ايدج انتي والماماومشكوره على الاضافات القيمهوعدل كلامج انا مره جربتها بنيدو ومره بكليم هاي كاليسوم وما ضبطت :>الله يسلمج من كل شر وحياج الله :>

  3. يقول Sn3a:

    مشكووووره تسلمين على هالطريقهماشاءالله عليج على هالاطباق والابتكارات

  4. يقول Ļa ƒéммé:

    واي مشكوره وايد وايد حدي ابي اتعلم طريقه روبه البيت لأنه طعمها وايد اطيب من الجمعيه نوعنا انحب الروب وملينا من مال الجمعيات مشكوره وايد

  5. يقول bent el deera:

    Ļa ƒéммé *********ونستيني :>صاجه روبه البيت وايد احلى …وللتنويع في ناس يحبون يحطون علبه لبنه صغيره يقولون تخليها صاكه اكثر :>

  6. يقول bent el deera:

    جربيها وان شاء الله بتكون على ذوقجعلى فكره مدونتج وايد حلوة حاولت ادزلج تعليق بس خانه التعليقات عندج ماقدر اكتب فيها

    • يقول bent el deera:

      بحسب علمي اليقط او المضير عباره عن لبنمطبوخ على النار ومصفى على الشاش بس ولا مره جربته والله يسلمك اخوي حيدر

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s