صينيه ستيك لحم مع صلصه المشروم

هالستيك جدا لذيذ بس عيبه انه دسم … يوم اللي باكله اكون مخففه يومين ورا بعض عشان استمتع فيه من غير ذنب…خواتي يحبون الصلصه وايد عشان جذي اكثر منها… الستيك اخذه بسمك ضعيف او استبدله احيانا بفتيك.. تقدرون تستخدمون هالطريقه في الستروغونوف انا ذكرت طريقه ثانيه له بالدياي قبل فتره…المشروم الفرش وايد احلى من المعلب.. انا حط مقادير تقريبيه وزيدو ونقصو على حسب ذوقكم :>

المقادير:
تقريبا كيلو او اكثر بفتيك او ستيك مقطع بحجم الكف او حسب الرغبه
نص قالب زبده كبير ( 100 غ ) او 5 صغار
علبه ونص كريمه
قفشتين ستيك صوص
قفشتين hp
مكعب ماجي بقر
بصله كبيره شرايح
علبه ونص مشروم فرش شرايح
ملح
فلفل اسود
رشه واريغانو
كاري ( اختياري)

الطريقه:
نطقطق الستيك بالمطقه الخاصه ونرشه بالملح والفلفل الاسود
نذوب الزبده ونقلي الستيك قلي خفيف من الجانبين ونحطه بالصينيه او البايركس
بباجي الزيت والعصاره اللي بالمقه نحمس البصل على نار واطيه لين يقلب لونه وبعدين نضيف المشروم مع رشه فلفل اسود ونخليه على النار لين يذبل شوي ( ونضيف الكاري اذا حبيتو وانا وايد استغنى عنه)
نضيف مكعب الماجي المذوب شوي بالماي ( تقريبا ربع كوب او اقل) زنضيف الكريما والصلصات ونخليها شوي لين تبتدي تغلي
نصبها على الستيك بالبايركس وندخلها الفرن لين تستوي ويتحمر الويه وبالف عافيه

Advertisements

10 Comments اضافة لك

  1. Anonymous كتب:

    يعطيج العافية:)

  2. bent el deera كتب:

    غير معرف ********الله يعافيج يعافيك شكرا واتمنى ان هالزياره الحلوة ما تنقطع :>

  3. The.One كتب:

    هذي الـي تشرح البطـن شكلهـا لذيذه * يعطيج العافيه .. متابعه

  4. bent el deera كتب:

    The.One *********مشكوره عزيزتي :>وسعدت بمتابعتج :>

  5. Ļa ƒéммé كتب:

    waaaaaaaawشكلها لذيذه واتشوق تسلم ايديج يارب إن شاء الله اجربها غريب مشكوره وايد هالنوع من الأطباق زوجي ايحبه وايد شكرا لج 🙂

  6. bent el deera كتب:

    Ļa ƒéммé *********حياج الله عزيزتي ان شاء الله تجربينها وتعجبج :>

  7. Anonymous كتب:

    واو شكلها عجيب مشكووووورة اختى بنت الديرة على الطبخة العجيبة وتسلم ايدج

  8. bent el deera كتب:

    غير معرف *********thanx waid :> 7yaach/7ayak dom :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s