وصفات رمضانيه · اطباق رئيسية · اطباق رئيسية- لحوم · خطوة بخطوة

ورق عنب بالكفته على الطريقه الفلسطينيه…


هالوصفه تجمع شيين احبهم ورق العنب و الكفته… هالوصفه فلسطينيه واول ما قريتها بموقع منى لصاحبتها هيا عجبتني وقررت اسويها بيوم من الايام خاصه ان عندي ورق عريش طري كنت شاريته من مركز سلطان لاني احب اكله مع التبوله بوجهه نظري طعم الورق الطري وايد احلى من المعلب

وانا احوس بكتاب المطاحن لقيت نفس الوصفه فتشجعت اني اسويها… بتلاحظون اني غيرت بالمقدار الموجود حسب رغبتي

المقادير:
12 حبه ورق عريش( عنب ) اخضر
كوب كفته ( لحم مفروم وبقدونس وبصل وملح وبهار وفلفل اسود وكمون وسن ثوم )
شرايح طماط للويه
طماطه كامله
3 قفاش كبار عصير ليمون
2 قفاش كبار زيت زيتون
بحدود نص كوب ماي
ملح
فلفل اسود
كمون
الطريقه:
نكور الكفته ونخليها 12 حبه .. نلفها باي طريقه تحبون انا لفيتها بطريقه كبيبه حايل وصفيتها بالصينيه وصورت لكم الخطوات :>


نصف شرايح الطماط فوق ورق العنب المحشي.. ونخلط باجي المقادير بالخلاط ( الطماط والزيت والماي والملح والفلفل الاسود والبهار ) ونصبه بالصينيه ونغطيها بالقصدير وندخلها الفرن لمده ساعه الى ساعه وربع وبالف عافيه

Advertisements

4 thoughts on “ورق عنب بالكفته على الطريقه الفلسطينيه…

  1. أحلـى شـي أنهـا سهله وشكلها طعمه ;)ماشاءالله عليج فنانة طبـخ ودنا نضووق اطباقج ,أحسهم نطعين مشكورة 🙂

  2. مدونة جميلة.. أول مرة أعرف عنهاويبدو إني راح أكون من روادها الدائمين..الطبخ هو الهواية الخفية بالنسبة لي .. محد يدري :)تحياتيوبانتظار الجديد

  3. The.One ********عدل كلامج وايد سهله وما فيها تعب .. وطعمها شي يديد وتغيير عن الدولما ( البراق ) وورق عنب بالزيت :>وما طلبتي شي قوليلي شنو ومتى ووين ويوصلج كل الي تبينه لي مكانج :>العفو عزيزتي وحياج الله :>

  4. بوسند*******الف مرحبا بزيارتك الاولى والحمدالله على السلامه :>حياك الله اخوي باي وقت والمدونه مدونتك واذا في وصفات تحب تشاركنا فيها اكون ممنونه:>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s