المغلي او الكراويه…


المغلي او الكراويه… من الوصفات الحلوه والبارده بالصيف… بلبنان يقدمونها ضيافه عند زياره الوالده… وتعلمت من صديقتي ( وهي فلسطينيه ) انه يقدم ساخن بايام الشتا

وعاده تقدم للنفسا عشان يدر حليب الام … احنا نسويه بكثره لان اختي بنفاسها ماتحب الرهش  والمغلي يحل محله :>

اذا كنتو تشوفون الخطوات وايد تقدرون تستخدمون الجاهز وانا انصحكم بهالماركه لانكم تحددون كميه الشكر فيها ( عاده انا اقلل المقدار لي النص ) ويطلع حلو .. تحصلونه  عند lama بالسالمية ومحمصه الرفاعي

المقادير:
كوب طحين عيش ( رز )
قفشه كبيره  كراويه ناعمه ( حبه حلوة)
قفشه كبيره يانسون ناعم واذا ما تحبون نكهته القويه تقدرون تقللون المقدار الى قفشه صغيره
قفشه كبيره دارسين ناعم ( يفضل مطحون طازج )
كوب  سكر طبعا اذا تبون اكثر او اقل  بمزاجكم وممكن تبدلون الشكر بسكر نبات 
6-5 قلاصات ماي حسب نوع بودره العيش
هذي اضافه مني وكلش مو ضروريه بس احب اخلط معاهم قفشتين كبار حليب بودر 
مكسرات حسب الرغبه .. الصنوبر واللوز ينقع بماي ورد قبل بفتره
الطريقه :
نخلط العيش المطحون مع الكراويه والينسون والشكر والدارسين والماي  والحليب ونخلطه على النار عاليه بالبدايه وبعدين نخففها  مع التحريك المستمر لين يوصل لي سمك المحلبيه و اثقل( اذا تحبونها خفيفه زيدو الماي )
يصب في صحون التقديم ويرش بالمكسرات ( جوز – لوز- فستق-كشمش- صنوبر -جوزهند )
وبالف عافيه
Advertisements

15 Comments اضافة لك

  1. بوسند كتب:

    شكرا بنت الديرة ألاق "مغلي" بالجمعية؟وين؟ أي قسم ؟وبمناسبة الكلام عن الحلو.. توني متعلم أسوي حلوى ساكو "بحرينية" سويتها مرتين .. والمرة الثانية طلعت عجييييبة :)6أكوب سكرنص كوب نشا3قفاش ساكونص قلاص زيتونص قالب زبدهقلاص ماي وردقلاص ماي زعفران3قفاش هيلوآخر شي المكسرات وعلى نار هادية لمدة ساعتين.. تقلبينها كل خمس دقايق وبالعافية :)تحياتي

  2. طز بالرجالة كتب:

    مو تنصدمينبس شنو كراويه هذي ؟بو سند6 اكواب شكر؟؟؟؟؟؟معاهم ابرة انسولين ولا من غير؟

  3. bent el deera كتب:

    بوسند******شكرا لمشاركتك لوصفه الساقو وشكلها وايد حلوه .. وان شاء الله بجربها باقرب فرصه … بس بغيت استفسر ما ازيدها ماي غير اللي بالزعفران وماي الورد؟ :>بالنسبه للمغلي.. تقدر تحصله بالجمعيات صوب الحلو وخاصه يم الجلي والمحلبيه وتقدر تحصله بمطحنه الرفاعي :>وحياك الله اخوي دوم :>

  4. bent el deera كتب:

    طز بالرجالة ************هلا بالطش والرشالكروايه يا طويله العمر شي احنا ما نستخدمه بمطبخنا وايد بس يقولون انه يهدي الاعصاب وزين حق حليب الام … من عايله الينسون وحبه الحلوه صورته وجم معلومه عنه تلقينه بهاللينك يا حلوة :>http://www.6abib.com/a-1074.htmحياج الله دوم:>

  5. بوسند كتب:

    طز بالرجالة أجد صعوبة في التحاور معك وأن تحملين هذا النك نيم كوني من الرجالة :(آآآآآآسف هناك خطأ في الموضوع 3 أكواب سكر 6 أكواب ماء أعتذر عن هذا الخطأ القاتل :)تحياتي::::::::::::::::::::بنت الديرةتصحيح3 أكواب سكر6 أكواب مايفي المرى الثانية قللت السكر .. خليته كوبين .. وحطيت تقريبا ربع كوب عسل :)صار وايد أحلى تحياتي

  6. bent el deera كتب:

    بوسند*******مشكووور اخوي على التصحيح وشوقتني اجربها باضافاتك شكرا مره ثانيه على الوصفه وان شاء الله بجربها بالقريب العاجل :>وملاحظه على الهامش الغاليه (( طز بالرجاله)) حبابه وقلبها ابيض وان كان كيبوردها مثل السيف :>

  7. طز بالرجالة كتب:

    بو سند مشكور على الردI'm not the enemy! It's just a nicknameبنت الديرةامممموح مشكورةمادري شفيهم على نك نيمي هيء هيء ترى ونيس حده و …واقعي:)

  8. طز بالرجالة كتب:

    ايه و طلع عندي كيس كراوية من خمس سنين و ما كنت ادري شنو اهوو…بسوي منه و اجربه في احد الرجاله…اخاف اتسمم

  9. بوسند كتب:

    طز بالجاله ..شكرا على التوضيح اللطيف ..كانت مجرد دعابه :)ترى آنا مستعد أجرب الكراوية إللي تسوينها :)تحياتي

  10. طز بالرجالة كتب:

    بو سندمشكور جدا شكلك بطل بتفدي بحياتك الرجالهتحياتيبنت الديرةما عليج امر ابي وصفة كبة البرغل..و اذا ما فيه ابي كبه خفيفة

  11. Fishah كتب:

    اين انتي يا فتاة .. فقدتج :)اكيد لاهين مع حسين باشا 🙂

  12. Yin مدام كتب:

    بنت الديرة الغالية فاقدتج من غير شر أنا كنت مختفية ورديت وما شفتج قلت أمر أسلم عليج وأسأل عن أحوالج وعن البيبي الجديد شنو ماكو نوم؟؟:)))

  13. bent el deera كتب:

    طز بالرجالة*************لووول بس خمس سنين هههه:pوكبه البرغل اللي دايم اسويها موجوده وصفتها بالبلوق تقدرين تخلطين معاها شمندر اذا تبينها حمره وتقدرين تخلين الحشوه شاورما دياي او حمسه لحم بالشبنت .. يعني تفنني على مزاججوانا بعد حاطه طريقه كبه الجريش او كبه العربانه وان شاء الله انزل بعد جم يوم وصفات كبه البطاط والعيش والذي منه :>انتي تامرين امر :>

  14. bent el deera كتب:

    Fishah*********فشووووشه الغاليهما تفقدين غالي يا حلوه…اي والله حدي لاهيه مع حسون باشا استاذ الحنه هههههاختي بتطلع من الاربعين يوم الاحد وان شاء الله افضى لكم عدل :>

  15. bent el deera كتب:

    Yin مدام*********اهلييييييييييييييييييين وسهلييييييييييييييين والف هلا ومرحباالحمدالله على سلامتج يالغاليه ولهنا عليج يالغاليه :>وما تفقدين غالي يالغاليه :*

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s