هالوصفه نقلتها نقل من كتاب عبير الراشد الذواقه 2.. ما غيرت فيها ولا شي وعجبت البيت وايد خاصه ان الدياي طلع ترف كلش
انا استخدمت صدور دياي فرش كبيره وخليته يتبل يوم كامل… ان شاء الله تجربونها وتعجبكم :>
صديقات الرجيم تقدرون تستخدمون هالوصفه .. قللو مقدار الزيت واستخدمو روب قليل الدسم مع شوي ليمون
12 صدر دياي كبار
1 وثلاث ارباع قفشه صغيره كركم
ربع قفشه صغيره فلفل اسود
ربع قفشه صغيره فلفل احمر
ربع قفشه صغيره بهار حلو
رشه دارسين ناعم
ثلاث ارباع قفشه صغيره ملح
نص شده بقدونس مفروم
2 علبه روب
1 ونص قفشه صغيره مسترد
5 قفاش كبار زيت
قفشه كبيره بصل مبشور
ثلاث ارباع قفشه صغيره ثوم مهروس
الطريقه:
نقطع الفيليهات الى مكعبات بحجم متوسط
نخلط باجي المقادير ونضيف الدياي لهم ونتركه بالثلاجه يتبل حسب الرغبه
اذا كانت الاسياخ متوفره نشك الدياي فيهم مع الخضار المرغوبه ( بصل – فلفل اخضر- ليمون) ونشويهم على الفحم او الشوايه الكهربائيه
او نقدر ندخلهم صينيه الفرن مع جزء صلصله التتبيل لين تنشف ويستوي الدياي
وبالف عافيه
My Kitchen 
شكله لذيذ 😉
اخيه لو الوالده تطبخ جذي جان كرهت المطاعم دام هالاكل اللذيذ موجود ;p
hsber *******حياك الله اخوي بزيارتك الاولىوشكرا جزيلا :>
{~المباركية~}***************الله يخلي لك الوالده ان شاء اللهودام عاجبتك الوصفه دلها على البلوق او اخذ لها الكتاب هديه :> مشكور اخوي وحياك الله دوم :>
انا مادشيت مدونتج لأول مره الا وشيش طاووق وانا يوعان بعد.الوالدة مسافرة وانا وحيد بالمنزل:(شكلي بسوي حق نفسي:)يعطيج العافيةعاشق الشيش الطاووق:)
** انشالله بسوي يوم الاثنين و اقولج شصار
شكله نااايس .. تسلم ايدج حبي :*انزين متى اييج المزاج وتسوين سويت :>نبي سوالف ككاوات ذايبه وفليك وكيك وسوالف :>(وحده تتشرط) :))امووووووووووووون صح :*
صقر قريش**********حياك الله اخوي بزيارتك الاولى :>وان شاء الله ترد الوالده بالسلامهوعليك بالعافيه ان شاء الله :>
ميمة السبيت*************عليج بالعافيه وناطره رايج :>
Fishah *********افا عليج انا كلي لجنزلت لج تصبيره على ما اسوي حلو ككاو بككاو ومزين بككاو بعد :>حياج الله حياتي :>
mashkura 3ala hathai alwa9fa alatheetha bs 3indi 2 questionssheno albhar al7elo??ya3ni darseen?itha mo darseen sheno mokawenata?o almustard ay no3?almustard alfarncy (moutarde de dijon?) wila hatha alshway sweet ili n7e6a bil hot dog?o mashkura