شيش طاووق عبير…



هالوصفه نقلتها نقل من كتاب عبير الراشد الذواقه 2.. ما غيرت فيها ولا شي وعجبت البيت وايد خاصه ان الدياي طلع ترف كلش


انا استخدمت صدور دياي فرش كبيره وخليته يتبل يوم كامل… ان شاء الله تجربونها وتعجبكم :>
صديقات الرجيم تقدرون تستخدمون هالوصفه .. قللو مقدار الزيت واستخدمو روب قليل الدسم مع شوي ليمون

12 صدر دياي كبار
1 وثلاث ارباع قفشه صغيره كركم
ربع قفشه صغيره فلفل اسود
ربع قفشه صغيره فلفل احمر
ربع قفشه صغيره بهار حلو
رشه دارسين ناعم
ثلاث ارباع قفشه صغيره ملح
نص شده بقدونس مفروم
2 علبه روب
1 ونص قفشه صغيره مسترد
5 قفاش كبار زيت
قفشه كبيره بصل مبشور
ثلاث ارباع قفشه صغيره ثوم مهروس

الطريقه:
نقطع الفيليهات الى مكعبات بحجم متوسط
نخلط باجي المقادير ونضيف الدياي لهم ونتركه بالثلاجه يتبل حسب الرغبه

اذا كانت الاسياخ متوفره نشك الدياي فيهم مع الخضار المرغوبه ( بصل – فلفل اخضر- ليمون) ونشويهم على الفحم او الشوايه الكهربائيه
او نقدر ندخلهم صينيه الفرن مع جزء صلصله التتبيل لين تنشف ويستوي الدياي
وبالف عافيه

Advertisements

11 Comments اضافة لك

  1. hsber كتب:

    شكله لذيذ 😉

  2. {~المباركية~} كتب:

    اخيه لو الوالده تطبخ جذي جان كرهت المطاعم دام هالاكل اللذيذ موجود ;p

  3. bent el deera كتب:

    hsber *******حياك الله اخوي بزيارتك الاولىوشكرا جزيلا :>

  4. bent el deera كتب:

    {~المباركية~}***************الله يخلي لك الوالده ان شاء اللهودام عاجبتك الوصفه دلها على البلوق او اخذ لها الكتاب هديه :> مشكور اخوي وحياك الله دوم :>

  5. صقر قريش كتب:

    انا مادشيت مدونتج لأول مره الا وشيش طاووق وانا يوعان بعد.الوالدة مسافرة وانا وحيد بالمنزل:(شكلي بسوي حق نفسي:)يعطيج العافيةعاشق الشيش الطاووق:)

  6. ميمة السبيت كتب:

    ** انشالله بسوي يوم الاثنين و اقولج شصار

  7. Fishah كتب:

    شكله نااايس .. تسلم ايدج حبي :*انزين متى اييج المزاج وتسوين سويت :>نبي سوالف ككاوات ذايبه وفليك وكيك وسوالف :>(وحده تتشرط) :))امووووووووووووون صح :*

  8. bent el deera كتب:

    صقر قريش**********حياك الله اخوي بزيارتك الاولى :>وان شاء الله ترد الوالده بالسلامهوعليك بالعافيه ان شاء الله :>

  9. bent el deera كتب:

    ميمة السبيت*************عليج بالعافيه وناطره رايج :>

  10. bent el deera كتب:

    Fishah *********افا عليج انا كلي لجنزلت لج تصبيره على ما اسوي حلو ككاو بككاو ومزين بككاو بعد :>حياج الله حياتي :>

  11. frenchy كتب:

    mashkura 3ala hathai alwa9fa alatheetha bs 3indi 2 questionssheno albhar al7elo??ya3ni darseen?itha mo darseen sheno mokawenata?o almustard ay no3?almustard alfarncy (moutarde de dijon?) wila hatha alshway sweet ili n7e6a bil hot dog?o mashkura

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s