ساندويش ستيك فيلادلفيا



الوصفه مثل ما احبها جذي
استخدمت شريحه بفتيك ضعيفه بدال ستيك عشان اسرع بالنضج 
المقاير:
شريحه بفتيك ضعيفه
نص حبه بصل شرايح
ربع حبه فلفل اخضر شرايح طويله
4 جبات مشروم شرايح
ملح وفلفل اسود
رشه صلصه وسترشاير
ربع قفشه صغيره صلصه ثوم مهروس
بهاراتseasoning 
زبده
صمون
شرايح طماط
شرايح خس
مايونيز
شرايح جبن تشيدر ( انا استخدمت المايلد تشيدر احب القرصه اللي تعطيها مع اللحم )

الطريقه:
اخذت شريحه البفتيك دقيتها بالمطرقه عشان تضعف زياده مقطعه شرايح ضعيفه ( استخدمت المقص لهالعمليه )
سخنت المقلاه وسخنت  الصمونه عشان تتحمش ومع الاضافات ما تكون رطبه
نضيف شرايح الجبن عليهم
نضيف الزيده ونقلب البصل والفلفل الاخضر والمشروم ونتبلهم بالبهار والملح والفلفل الاسود والثوم ونخليهم على جنب بالمقله
نضيف الستيك بالطرف الاخر ونحمره لين ما يستوي تقريبا وبعدين نرد نخلطهم مع الخضار نحطهم فوق الجبن عشان تذوب
نمسح الطرف الاخر بمايونيز عشان تمسك الخس والطماط ونضيفهم حسب الرغبه وتقدم بالف عافيه

ملاحظه: تقدرون تضيفون الجبن مع اللحم على النار لين يذوب وبعدين تحشونه بالصمونه

Advertisements

6 Comments اضافة لك

  1. إمـرأة لا تُنسـى كتب:

    تسلم إيدياتج :)ما عندج هوم ديليفري؟ D:

  2. om comment kuwait كتب:

    عجيبة تسلم ايديج :)راح اجربها انشاء الله

  3. bent el deera كتب:

    إمـرأة لا تُنسـى
    ****************
    الله يسلمج حبيبتي وانتي تامرين امر بس قوليلي وين تبينه يوصل :>

  4. bent el deera كتب:

    om comment kuwait
    ******************
    الله يسلمج حبيبتي جربيها وان شاء الله تكون على ذوقج
    لا تنسين تبلغيني بالنتايج :>

  5. Aisha كتب:

    امبيه شكله يعقددد تسلم ايدينج بس سؤال اللحم احمسه بروحه من غير بهار او زيت ؟؟ مايطلع ناشف وعرد ؟؟ وو قريت ستيك وربعه يحطون موزيرلا يفرق الطعم ؟؟

  6. bent el deera كتب:

    Aisha
    ******
    حياج الله حبيبتي عايشخ
    بالنسبه للبفتيك بيكون بنفس المقله والزبده اللي بالخضار بتحمس اللحم والبهارات بتكون ملح وفلفل اسود وتقدرين تضيفين وشسترصوص هم حلوه
    الموتزريلا ما تفرق بالطعم وايد اذا تحبينها او اي جبنه ثانيه تقدر تضيفينها

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s