بيوم من الايام رحت مركز سلطان وشريت اكبر بطاطه موجوده عشان حاطه ببالي بشويهاوباكلها مع تونا … العامله المساعده بالبيت ما عجبها منظر بطاطه كبيره فقصصتها وسوت فيها حميسه حقهمطبعا انا ببالي بطاط وتونا… بعد زفه على السريع شلت قشي ورحت الجمعيه واخذت لي بطاطه مشويه بس عيبهم نوع الجبن اللي يستخدمونه طعمه حليب مو جبن عشان جذي كنت ماخذه جبنتي معاي :>
من اليوع او من لذه الانتصار بس حسيتها روعه
التونا اللي استخدمتها امريكانا وتهبل تهبل مافيها زفر ولا طعم شي معلب
يادوب زليت الزيت وخلطتها مع ملح وفلفل اسود والخضره
صديقات الرجيم الزبده اللي استخدمها سبراي زيرو بس طعمه وايد حلو .. والجبن تقدرونه بلوفات
المقادير:
بطاطه مشويه
بطاطه مشويه
جبن سائل ماركه فريتوز تحصلونه بمركز سلطان او استخدمو اي جبن تحبنه
عليه صغيره تونا
بصل ابيض شوي مقطع صغار
قفشه ذره كبيره
نص طماطه مقطعه حسب الرغبه
عليه صغيره تونا
بصل ابيض شوي مقطع صغار
قفشه ذره كبيره
نص طماطه مقطعه حسب الرغبه
زبده
ملح
فلفل اسود
فلفل احمر او باريكا
الطريقه:
نفجج التونه بالشوكه ونضيف لها البصل والذره والطماط وملح وفلفل اسود واذا تحبون عصره ليمون
نفرغ البطاطه ونحاول نحافظ على الشكل… اذا انا بسويها بالبيت اقصها بالنص وافرغها على شكل قارب
نخلط الحشوه بملح وزبده وفلفل اسود وحطو اي شي تحبونه وجزء من الجبن.. اذا تحبونها ملسا تقدرون تضيفون مايونيز وحليب
نردها في البطاطه و ونصب فوقها كميه من الجبن وفوقهم التونه وبالف عافيه
My Kitchen 
تسلم ايدج
الله يسلمج/ يسلمك :>
السلام تسلم ايدج بغيت اسألج عن البطاط تشوينه بالفرن ابي الطريقة بالضبط
البطاطا اغسلها واشويها عادي بالفرن وبعدين اقصها بالنص واشيل البطاط المشوي بالقفشه واخلي القشر رقيقاخلط البطاط مع الزبده والملح والجبن واردها داخل البطاطه واخلط باجي المقادير مالت التونا واحطها فوقها