اختي ام حسون امس كانت تشوف قناه فتافيت برنامج daily cooks ولقت وصفه تعجبهاحق Gino D’Acampo .. شرحتها لي وبناء على شرحها سويناها على العشا… وبعدين لقيت الوصفه في موقع ما… بتشوفون ان الوصفه موصوب اللي سويناها…بس الاختلافات بسيطه انه حط نوع واحد جبن واحنا حطينا 3 ولغينا خلاصه الخضار وقللنا البصل.. اخوي اقترح علينا نضيف مشروم بالمره اليايه…حاولت افكر باسم غير Torta di patate (( اسم الوصفه الاصلي )) بس قررت احطه على ما تفكر لنا ام حسون باسم ثاني :>المقادير على البركه:
بطاط مسلوق
كوسا مقطعه مكعبات
بصل شرايح او مكعبات
سكر اسمر
جبن بارميزان
جبن تشيدر اصفر
جبن موتزريلا.. اخذو القالب وبشروه يذوب اسرع وشكله احلى من المبشور جاهز (( انا ما كان عندي القالب فاستخدمت الجاهز ))
كريمه
ملح
فلفل اسود
اوريغانو
زيت زيتون
الطريقة:
نسخن الزيت ونحمر الكوسا فيه شوي ونشيلها على ورق نشاف
بباجي الزيت نحمر البصل مع السكر الاسمر وننطره لين يتكرمل … النار تكون خفيفه بهالمرحله عشان ما يحترق
نقطع البطاط المسلوق مكعبات
ناخذ صينيه الفرن نحط البطاط والملح والفلفل الاسود والبصل وجبن التشيدر ونحط فوقها الكوسا وباجي الاجبان
نصب كميه خفيفه من الكريمه وندخلها الفرن وبالف عافيه
My Kitchen 
تسلم ايدج
الله يسلمج/يسلمك :>