فطور او ريوق · فطور رمضان و ريوق و سفرات كاملة · من هنا وهناك · مشروم او الفطر او عش الغراب · اطباق جانبية · اطباق رئيسية · اطباق رئيسية-اطباق نباتية · خطوة بخطوة

طبق المشروم بالكريما والجرجير


اتمنى لكم نهايه اسبوع سعيده :>

*****

الحين دور الوصفه هالوصفه اخدتها من غروب من منتدى كويتيات شكلها كان وايد يشوق وبعدين استغليت فرصه اني موقفه الدايت مالي جم يوم .. الوصفه دسمه بس لذييييييييييذه والمشروم مع الجرجير معطي نكهه ولا اروع … الوصفه تحتاج مشروم مشكل انا رحت مركز سلطان وخذت من كل المعروض… في نوع ماعرف شسمه لونه لون البوتبلو وحجمه نفس البوتن ماخذيت الوايلد لاني ما حصلته :>… البطاط انا سلقته نص سلق قبل لا احطه بالصينيه لاني احبه ذايب :>
اتمنى هالوصفه تعجبكم مثل ما عجبتنا :>

المقادير كلها حسب الرغبه … الدريسنغ يكفي تقريبا شده ونص :>

مشروم طازج أنواع (تحصلون أنواع مختلفة بمركز سلطان.. انا استخدمت بورتبلو وبوتن ونوع ماعرف شسمه ).. هالصوره منقولها من وصفتها للشرح

– بصلة وسط مقطعه مكعبات صغيرة و3 فصوص ثوم مفروم.
– بطاط مسلوقه ومقطعه شرايح مدوره.
– كريمة كي دي دي تقريبا نص الى 4/3 علببه
– جبن بارميزان مبشور قفشتين وتقدرون تحطون بدالهم تشيدر
– جبن موزاريلا مبشور اخذوه قالب وبشروه يطلع ذايب ومتمغط احلى
– مكعب ماجي خضار
– فلفل أسود
– ملح
– أعشاب عطرية، اللي عندكم زعتر فرش أو أوريغانو وانا استخدمت زعتر فرش ريحته تهبل
– جرجير تقريبا شده
– صلصة نحطها عالويه قبل التقديم عبارة عن: صلصة wishbone نوع رومانو باسيل قفشتين أو 3 + خل البلسمك ماركة MF قفشتين كبار+ فصة ثوم مهروسه+ رشة سكر وملح. (كمية الصلصة حسب حجم الطبق عندكم)

الطريقه:
نخلط البطاط مع شوي كريمه وملح وفلفل اسود ونصف نص الكميه بالبايركس
نحمس البصل والثوم والمشروم ليما يطرا ونضيف له الماجي والفلفل الاسود ونخليه طبقه ثانيه
نحط جبن البارميزان فوقهم
باجي البطاط
وجبن الموتزريلا
وباجي الكريمه
ونغطيهم بقصدير وندخلهم الفرن وقبل السوا بشوي نكشف القصدير عشان يتحمر الويه


نخلط مقادير الدريسنغ

ونضيفه فوق الجرجير .. ترا الدريسنغ مع الجرجير بروحه لذيذ :>

ونحطه فوقه ويقدم بالف عافيه :>

Advertisements

10 thoughts on “طبق المشروم بالكريما والجرجير

  1. الصراحه كتبت المقادير ( حار بحار بسويها باجر حق يمعتنا )بس بسأل سؤال عن الصلصة شويه سخيييييييييف :>هالصلصات بالضبط جذي اسمهم؟ طبعا بمركز سلطان صحشنو يعني خل البلسمك ماركة؟ @@

  2. Fishah ********جمعه مباركهويعله مداخيل العافيه مقدما… بالنسبه لصلصات ان شاء الله اول مارد من بيت عمي احطلج صورهم وتلقين صورتهم بموضوع غروب وانا حاطتلج اللينك :>صلصه الباسيل رومانو تحصلينها بمركز سلطان بس البلسمك بالجمعياتشوفي بمركز سلطان تاخذين- الباميزان ( اخذي القالب احسن من المبشور)- انواع المشروم- اذا تحبين اعشاب طازجهباجي المقادير تحصلينها بالجمعيات عادي :>

  3. الله يعافيج حبي :*امبيه اييييييييي والله عذريني ترا كنت سهرانه وما لاحظت اللينك :<شفت بس لينك الكوكيز اللي ماخذ قلبي هههههههههاي شفت صورهم تسلمين مشكووووره :**

  4. تسلم الأيادي يا رب أموت بشي إسمه مشروم وعلى قولة أمي الغالية "ين لو بيدها تسوي كيك بالمشروم تسويه "لوولوالجرجير أيضا من التوب تن :))ميرسي أوي ولي طلب صغيرون يا الغالية قاعدة أجهز لشهر رمضان بس ودي بحشوات للسمبوسة شوي مختلفة عندج ؟؟؟تسلمين يا قمر وترى إنتي هم لج وحشة شكبرها :)))

  5. Yin مدام*********يا هلا وغلا والف هلا ومرحباصج صج نور البلوق :>وصراحه عندج ذوق المشروم من احلى الخضار والجرجير بعد :>بالنسبه للحشوات ما سويت فناتق هالسنه .. بكتب لج حشواتي وان شاء الله تحصلين شي يعجبج بالنسبه للجاهز من فرع جمعيه المنصوريه… اخذهم منه فرش واجمدهم وحزه القلي اقليهم وصراحه ما تسحب دهن وايد ومقرمشه.. اخذت منه العام ال60 حبه منه بدينار وانا اشوف سعره مناسب جدا.. وهم اخذت من اليرموك وكانت جبنته حلوه بس نسيت سعره جنه ال100 بدينارين او 3 مو متاكدهبس انا بخليه اذا خلصو اللي عندي ماني شاريه من الحين لان تدرين صيام شعبان سفرته مثل رمضان هههههالحشوات اللي جربتها حشوه الهوت دوغ مع البطاط والبيتزا اخذتهم من عضوه اسمها " ماكو اسامي "حشوه الهوت دوغكوبين بطاط مكعبات صغيره3 اكواب بصل بكت نقانق ربع كيلو مقطع مكعبات صغيرهكوب فلفل اخضر مفرومملعقة طعام ثومملعقة طعام كاتشبملعقتين طعام صلصة صويافلفل اسود وملح مكعب ماجي شوية شطة حمرا او قرن فلفل اخضر حار مفروم حمسي البصل مع 4 ملاعق زيت بس يذبل شوي اضيفي البطاط والماجي والثوم وقلبيه غطيه خمس دقايق بس يستوي البطاط شوي ثم اكشفيه واضيفي النقانق والفلفل وقلبي الى ان يتحمس مع بعضه سكري النار واضيفي الكتشب والصويا والملح والفلفل وبردي واحشيسمبوسة البيتزاجبن مزارولا مبشوره كوبجبن كرفت ازرق علبة وسط مبشورهكوب زيتون اخضر الشرايح بس نفرمه خشنبصله متوسطه مفرومه ناعمحبة فلفل اخضر مفرومه ناعمعلبة مشروم مفرومه خشن شويرشة اوريغانوتخلط مع بعض مثل السلطه وتحشى بالعجينه … انا ضفت شوي صلصه بيتزا معاكم عشان تمسك الحشوههذا ملفها اذا بتلقين عليه نظره فيه سوالف حلوهhttp://forum.hawaaworld.com/showthread.php?t=1337989والحشوات الثانيه استخدمت حشوه الجبنوهي عباره عن جبن فونك مع شوي زعتر للنكههوسويت حشوه فونك ساده… وشريت من المراعي قالب جبن تشيدر وهم حلو باللف وطعمه حلو مقارب للفونكحشوه اللحم المفرومبصل احمسه مع ثوم شوي واحط عليه لحم مفروم والبهارات (( انا استخدم بهارات اسناد مالت السمبوسه وايد حلوه للحم))… و احط معاها شوي كركم للون وملح و اذا سكرت الجوله احط اي نوع خضره احبها.. تقدرون تضيفون جزر وبقدونس او اي شي تحبونهحشوه الخضاربصل وثوم تحمسونه على النار مع حبوب كمون و زنجبيل بودر وكاري وملح شوي لاني احط معاه ماجي .. وبعدين اكون مقصصه خضار اللي احبها مثل ( فلفل اخضر وجزر و بطاط و زهره) مربعات وسالقتها شوي واحمسها مع البصل واسكر الجوله واحط كزبره حشوه السبانخ واللبنهسبانخ مثلجه معصوره عدل عشان تتاكدين ماكو ماي واخلطها مع سماق ولبنه حامضه وشوي زيت زيتون وملح وثوم بودر وكمون وطماط شرايح او طماط مجفف حسب الرغبهحشوه السلقبصل وبهارات وماجي وسلق وملح وطماط مفروم شويه بس كلهم على النار لين يستوي السلقحشوه البطاطبصل وثوم وزنجبيل مع كزبره بودر و كمون وكاري و ملح و ماجي وبطاط مسلوق وشوي فلفل احمر واذا سكرت الجوله احط شبنت مفرومالحين الصراحه احسن عجينه عجبتني مالت الخالديه… انا كنت اخذ من الدعيه واخذت العام كميه بس مو بمستوى كل سنهجربت مالت القرين وبيان ماعجبوني وايد ..يقولون مالت القادسيه حلوه بس انا ما جربتها للحين وهذي حشوات تصلح للسبرنغ رول والسمبوسهسويت سبرنغ رول بالربياناول شي سلقت الربيان وبعدين حمست بصل وثوم مع لهانه و فلفل اخضر و بيبي كورن مقصص و مشروم بري تايلندي معلب ( يهبل هالمشروم وايد حلو ويعطي نكهه)وحطيت عليه فش صوص ومكعب ماجي و صلصه ماجي السائلهحشوه اللحمكان عندي زايد لحم مفروم من حشوه زدتها لهانه وبصل اخضر وبصل اخضر طويل ( ليك) وشوي من صلصه سويت اند ساورحشوة الخضاربصل وثوم وزنجبيل مع فلفل ملون ولهانه و جزر و مشروم تايلندي وبيبي كورن مع شوي كاري وملح وماجي وصلصه ماجي السائله ويشستر صوص.. طبعا اذا نزلت الخضار سوائل اثقلها بشوي نشا عشان لا تاذيني بالحشو

  6. واي فديت هالبنية والله حبوبة البلوق منور بأهله ما قصرتي ويعطيج ألف عافية كلفتي على عمرج وايد !!!راح أجرب جم وحدة خاصة البيتزا بس من غير بصل ما ياكلونه عيالي :)أنا أسوي خضار جاينيز لهانة وجزر مبشور بالطول وبطاطة مبشورة وبعدين أنشفها وأي خضار تحبينها وأحمسها ببهار خفيفة جدا وأضيف عليها أي صوص جاينيز غالبا سويا صوص … طبعا إنتي خبيرة طبخ تقدرين تسوين الحمسة بالنكهة الجاينيزية المفضلة عندج وهم جربتها بالترياكي صوص عجيبة …والجبن خلطي تشدر مع موزاريلا مع مونتري جاك أو المكسيكن مكس هم لذيذة أنا قلت أسأل جود عندج شي جديد والحمدلله طلعت بجم فكرة صج صج من كل قلبي مشكورة :))))مفكرة أجرب أسوي السمبوسة بنكهة التاكو شرايج؟قواج الله يا بنيتنا والله يتقبل منج صيامج وكل أعمالج يا رب :))

  7. Yin مدام *********حياج حبيبتي وما فيه تعب للغالين :>مشكوره حبيتي مشكوره على الاضافات اختي الصغيره لزقت بالشاشه على خلطه الاجبان يبيلي امر مركز سلطانوالتاكو خوش فكره صراحه :>بالنسبه للصويا ماناكلها بالبيت والترياكي فيها نسبه صويا عشان جذي دايم اعوضها بالتاي فش صوص وخلطه ماجي :>مشكوره عزيزتي مره ثانيه :>

  8. chandal/danchal!!******************يا هلا وغلا :>مشكووووره حبيبتي ما قصرتيوهالطبق صج عجيب تسلم ايد اللي الفته .. جربيه وان شاء الله يكون على ذوقج :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s