CHOWY COOKIES YUMMMMMY

تغيير بالوصفه موجوده بهاللينك :>..وقللت مده الخبز عشان يطلع تشوي .. وطلعت احلى وصفه كوكيز جربتها للحين

اول شي على اليسار كوكيز عادي
.
.
 الثاني ..بنص مده الخبز … ضفت جم حبه من الشوكليت شيب على ويه الكوكيز هالطريقه مادري من وين قاريتها بس شكلهم طلع احلى من العادي مثل ما تشوفون
.
.
الثالث… اوريو مطحون ضفته بنص مده الخبز وترا يعطي نكهه وايد حلوه وخواتي حبوه
.
.
اخر واحد.. ضفت شوي فارمسيل ملون بعد السوا على طول عشان يلزق فيه :>

المقادير:

 2 وربع كوب طحين لجميع الاستخدامات
1 م ص بيكربونات الصوديوم
2/1 م ص ملح
1 وربع م ص فانيلا
اصبع زبده 100 غ +10 غ
نص كوب شورتننغ كريسكو بنكهه الزبده ( سمنه نباتيه )
1 كوب سكر اسمر
2/3 كوب سكر عادي
2 بيض كبار بحراره الغرفه
جيس كامل ( 2 كوب ) من الشوكليت شيب
2/1 كوب جوز بيكان مجروش

الطريقة:
اول شي نفتح الفرن على درجه 175 ونركب الرف الاوسط
اذا عندكم سيلكون مال الكوكيز حطوه فوق صينيه الفرن او حطو في الصينيه ورق زبده عشان لا تلزق بالصينيه

نضرب الزبده والشورتننغ ونخلط معاهم مع نوعين السكر لمن يصيرون نفس الكريمه
نزيد بيضه بيضه على الخليط والفانيلا

نخلط الطحين والملح والبيكربونات ونضيفهم حق خليط البيض والزبده
نشيله من الجهاز ونضيف الككاو والمكسرات ونخلطهم بالقفشه

اذا كانت العجينه وايد سائله وتلزق غطوها بنايلون ودخلوها الثلاجه شوي..عشان لا تسيح وتصير وايد ضعيفه بالفرن انا خليتها تقريبا ساعه
واذا كانت العجينه اوكي اخذو قفشتين كبار او قفشه حسب الحجم.. وانا استخدمت قفشه الايسكريم وحطوها بصينيه الفرن
خلوها مثل الكره لا تفردونها واهي بتاخذ شكلها بالفرن مع الحراره
خلوها 6-9 دقايق بالفرن وشيلوها لا تخلونها وايد .. وبعدين خلوها تبرد جم دقيقه برا
وهي اذا بردت بتجمد وبتاخذ شكل الكوكيز العادي

وبالعافية

Advertisements

6 Comments اضافة لك

  1. Sn3a كتب:

    كلهم كلهم شكلهم حده يمي يمييعطيج الف عافيه

  2. bent el deera كتب:

    Sn3a******حياتي واللهعيونج الحلوه :>والله يعافيج من كل شر :>

  3. Anonymous كتب:

    وااااااي طعمهم عذاااب صك على كل كوكزات الكويتواذا باجي العجينه ما سويتوها سووها حق باجر لان بمركم وكثري الككاوخويتج ام حسون 🙂

  4. bent el deera كتب:

    وي وي يا بعد جبدي واللهحياج الله يا اغلى من الغلامن عيوني اييبلج كوكيز اليوم :>بوسيلي حسونه سمبوسه :*****فديتح وفديت هالطله واستقبلي الايميل عشان تكتبين بالبلوق عادي:>

  5. التنبيهات: كوكيز | My Kitchen

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s