اطباق رئيسية · اطباق رئيسية- لحوم · اطباق شعبيه

باميه منشفه..




الباميا او مثل ما البعض يسميها “بانيه” المنشفه من الاكلات الحساويه السهله و اللذيذه… الذ شخص يسويها يدتي الله يرحمها ويسكنها الجنه … اهي عباره عن مرق باميا بخواص باميه بالزيت ومبين من اسمها انها مرق باميه ناشف… في شيين مهمين عشان تضبط الطبخه
1- تقميع الباميه … ماعرفت اشرحها اعتقد بالصوره واضحه.. الهدف منها ان الباميا ما تكون لزجه حزه الطبخ
2- استخدام باميا طويله… المصريه كلششش ما تنفع لان بنخليها فتره طويله على النار … احسن شي من وجهه نظري السعوديه وتليها الايرانيه و الهنديه بس حاولو ما تكون كبيره وايد عشان اليافها لا تاذيكم بالمضغ

الوصفه الاصليه ما نحط فيها بطاط بس انا حطيته لاني ملحي كان زايد هههه… يقولون ان الباميه البايته احلى … بس بصراحه ذا سويناها ما يظل منها لي ثاني يوم توكل مع خبز ايراني او عيش مع بصل مفرقع حسب الرغبه :>

المقادير حسب الرغبه:
-بصل مفروم انا استخدمت وحده كبيره حيل
-باميا مقمعه … انا استخدمت فلينه ونص
طماط مهروس بالخلاط
لحم غنم مقطع حسب الرغبه
معجون طماط علبه وحده
حبه ماجي اذا تحبون
بزار
بهار
كزبره ناعمه
ملح
لومي ناعم
صبار
سمنه

الطريقه:
نحط اللحم والبصل والطماط والسمنه بالجدر مره وحده ونحمسهم بعدين نضيف اللومي والكزبر والبهار والبزار ونحمسهم لين تطلع ريحتهم
بعدين نضيف المعجون والماجي والماي يادوب يغطي اللحم ونتركه يطبخ لي يوصل لي مرحله سوا تقريبا

نقلي الباميا بزيت خفيف عشان لاتتبطل اثناء الطبخ

نضيفها حق اللحم وونتركها من ربع لي ثلث ساعه لين تستوي ونضيف الصبار والملح ونخليها تستوي على راحتها
وبالف عافيه

ملاحظه: الصبار اضافته موواجبه تقدرون تستغنون عنه… لان ابوي ما يحب طعمها استغنى عنها باغلب الاحيان :>

****

الطريقة الثانية اسويها بنفس المكونات بس اسلق اللحم اول مع بهارات عدله لين يستوي وبعدين احمس البصل والثوم العدل واضيف له الباميه واقلبها عدل بالدهن  والبهار واللومي والفلفل الاسود والكزبره واخليه يقلب لونه وبعدين اضيف الطماط والمعجون  واللحم وبعدين الماي الحار او ماي سلق اللحم بكيمه قليله ونخليه على نار واطيه لحد ما ينشف ويبقى منه ماي قليل

Advertisements

6 thoughts on “باميه منشفه..

  1. أنا رايي من راي أبوج بلاه الصبار ما نبيه حامض…شكلي بفنتق عليهم… تعرفين تخلين الطبخ سهالات…بركاتك يا حجة ؛)

  2. التنبيهات: مرق باميا | My Kitchen
  3. التنبيهات: مرق باميا « My Kitchen

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s