اطباق رئيسية · اطباق رئيسية -الدجاج والطيور · خطوة بخطوة

كريب الدياي بالبشاميل…

استخدمت الكريب من موقع اختي وحبيبتي منى صابوني صاحبه موقع لقمه طيبه… وتقدرون تستخدمون اي عجينه كريب بدالها او شرايح لزانيا اذا مالكم خلق الحوسه وممكن تصير بعجينه السمبوسه او حتى الخبز الصاج :>
والحشوه من موقع نستله
الطريقه جدا سهله ويمكن التحضير المسبق للحشوه والكريب … امشو معاي بالخطوات وبتشوفون روحكم خلصتو بسرعه
المقادير:
مقدار كامل من حشوه فيليه الدياي وتلقونه بالرابط
جبن موتزريلا
جبن تشيدر مقطع الى اصابع
حبتين الى 3 طماط مفروم
زيت نباتي
مقادير الكريب : انا استخدمت 3 اضعاف هالمقدار
2 بيض كبار
نص كوب طحين
34 كوب حليب سائل ( انا احب اخلط حليب بودر مع ماي )
رشه ملح
رشه جوزة الطيب
مقادير البشاميل:
كوب حليب بودر
4 اكواب ماي
او لتر حليب سائل
4 حبات زبده صغيره
4 قفاش كبيره متروسه طحين
رشه فلفل ابيض
رشه ملح
رشه جوز الطيب
شوي جبن بارمزان( تقريبا رشتين او اذا مو متوفر حطو جبن موتزريلا )
الطريقه:
خلطت مقادير الكريب وحطيتهم بالثلاجه.. نخفق البيض ونضيف عليه كميه الطحين مع الملح وجوزه الطيب وبعدين نضيف لهم الحليب بالتدريج ونصفيه بمشخل ونتركه بالثلاجه نص ساعه على ما تحضر الحشوه


نصبه بمقلا تيفال او جهاز البانكيك ونخلي السمك ضعيف يكون احلى ونتركه لين يتلون ونقلبه… هالعمليه ماتاخذ وقت

ناخذ الجبن وقفشه من الحشو ونحشي فيه الكريب ونلفه على شكل اسطوانه ونحطه بالبايركس

ناخد باقي الصلصه المتكونه من الحشو ونخلطها مع طماط معصور ونصبهم فوق الكريب
نحضر البشاميل : عن طريق تذويب الطحين بالحليب ونحطه مع الزبده ونحطه على النار ونحركه باستمرار لين يثقل ونضيف له الملح والفلفل الابيض وجوزه الطيب والبارمزان ونصبه فوق الكريب.. اذا ما تحبون هالطريقه انا ذاكره طريقه ثانيه للبشاميل وتقدرون تستخدمون البشاميل الجاهز


نرش فوقه جبن موتزريلا مبشور وندخله الفرن لين يتحمر الويه وبالعافيه


Advertisements

13 thoughts on “كريب الدياي بالبشاميل…

  1. تسلم الأيادي:)نقطة ضعفي البشاميل… ما اقاوم اي طبق معاه بشاميلبس شكلي بطبقها على اللزانيايعطيج العافية:)

  2. تسلم الايادي يمي يمي شكلها لذيذه عاد آآنا امووت بشي عليه صوص وبالفرن يعطيج الف عافيه

  3. chandal/danchal!!******************هلا وغلاتصدقين عاد انا البشميل ما يستهويني وايد… اشاركج بس بالباميه :>ان شاء الله تجربينه ويكون على ذوقج :>حياج الله دوم

  4. Sn3a*****افا عليج انتي من اهل الدار حياج الله بالبيت نفسه :>واي وصفه تعجبج قوليلي عنها ووين تبينها وتوصلج :>حياج الله عزيزتي

  5. كل وجهاتي ضياع**************حياج الله بزيارتج الاولى .. نورتيوالحمدالله ان عجبج الطبق.. وان شاء الله تنفذينه ويعجيج :>حياج الله دوم

  6. يمال العافيه والله الله يجزاك خير اختي الغاليه على هالطبخات الروعه والله يعطيك العافيهاستفدنا من ابداعك الله يوفقك دنياواخره

  7. غير معرف **********حياج الله عزيزتي بزيارتج اولى ومبارك عليج الشهرومشكوره على الحجي الحلو وتسلمين يارب :>

  8. اختي انا اللي اسمي غير معرف بصراحه اليوم كتبت الوصفه وابي اسوي هالطبخه ..بس خيتوو الحشوه بس دجاج مع طماط ؟؟؟بالمقادير قلتي دجاج وطماط وزيت نباتيلكن بالصور مع الحشو كأن فيه بصل ؟ياليت تعلميني الحشوه بالضبط عباره عن شنو ..والله يعطيك العاااااااافيه يالطباخه المبدعه ..

  9. ندووي******حياج الله مره ثانيه عزيزتيبالنسبه للحشوه تلقينها هنيhttp://aklati.blogspot.com/2009/08/blog-post_04.htmlالطماط تنحط فوق الكريب وفوقهم البشاميل :>شكرا انج نبهتيني والحين بحط اللينك بالموضوع الاصلي وشكرا :>

  10. السلام عليكماختي مره قريت في احدى الوصفات استخدامجوزة الطيب ، ناسيه شنو كانت الطبخهلكن اليوم قريت فتوى والصراحه قلت لازم انبهك .. ما هو حكم جوزة الطيب؟ ولكم منا خالص الشكر.الفتوىالحمد لله والصلاة والسلام على رسول الله وعلى آله وصحبه، أما بعـد: وأما حكم جوزة الطيب، فإنها حرام على الراجح من أقوال أهل العلم، لأنها مسكرة وكل مسكر حرام. وهو ما أفتى به ابن حجر الهيتمي بناء على تحقيق العلامة ابن دقيق العيد، ولتفاصيل كلامه وأقوال العلماء نحيلك إلى الفتوى رقم: 16440. والله أعلم.http://www.islamweb.net/ver2/Fatwa/ShowFatwa.php?lang=A&Id=50807& Option=FatwaIdأيضاhttp://majles.alukah.net/showthread.php?t=27587أيضاhttp://www.islamweb.net/ver2/Fatwa/S…Option=FatwaIdأيضاhttp://www.rewayat2.com/vb/showthread.php?t=18059

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s