اطباق رئيسية · اطباق رئيسية -الدجاج والطيور · اطباق رئيسية- اطباق الارز او العيش

برياني دياي ريم الصبايا…

هالوصفه وايد تاخرت فيها … كنت بنزلها حق الغاليه كيكه مقرومه لانها سالتني عن حكوكه الخبز… للاسف الحكوكه خلصت فما قدرت اصورها بس هذي احد الطرق اللي ممكن نسوي فيها… وممكن تسونها عادي مع عيش الزعفران وهم تطلع حلوه… هالوصفه من العضوه ريم الصبايا من منتدى كويتيات… انصحكم اذا بتطبقونها تستخدمون جدر تيفال..

المقادير:
-ديايه مقطعه 8قطع بدون جلد
-2علبة روب
-عصير ليمون
-كركم
-كاري
-بهارات مشكله من دون ليمون اسود
-ملح
-1بصل مفروم
-ثوم مفروم
-4طماط مقطعه صغيره
-عيش مسلوق نص سلق
-3ملاعق زبده اوسمن
-3حبات خبز خفيف
-حبة بطاطس حبة كوسامقطعه شرايح طوليه ومقليه
-2حبة بصل مقطع جوانح ومقلي
-ماء ورد وزعفران
-عصير ليمون

الطريقه:
ننقع الدياي بالروب وعصير ليمون والكركم والكاري والبهارات مشكله والملح لمدة ساعتين

يحمس البصل المفروم مع الثوم بشويه زيت حتى يشقر ثم يضاف الطماطم ويحرك حتى يذبل

نحط الدياي مع خلطه النقع وونحركه عدل ونتركه على نار هاديه لين ينضج

بجدر ثاني نحط الزبده او السمنه ( والزبده احلى ) ونحط فوقه الخبز ( ترا ما يفرق اذا سميك او خفيف )

نحط فوقه طبقه من العيش وشوي زعفران وطبقه الخضار المقليه وبعدين الدياي وباجي الصوص الثقيل و جوانح البصل المقلي
وبعدين نغطيه بباجي الارزويرش بعصير الليمون وماي الورد والزعفران ويغطى ويترك نص ساعه حتى ينضج على نار متوسطه شوي وبعدين نهديها نقلبه بصحن التقديم وبالف عافيه


Advertisements

6 thoughts on “برياني دياي ريم الصبايا…

  1. هلا وغلا بالغاليه :>والخلفيه مو سوده المفروض انها بيج … بجرب ادش من كمبيوتر ثاني واذا ما فاد ماكو الا ادور لي سكن غيره مشكووره حبيبتي على ملاحظتج :>

  2. فديييييتج بنت ديرتيمشكووره وايد وايد :> وانشالله اجربهاترى انا سويت جم شي انتي مسويته وطلعوا لذيذين وصورتهم:>اشكرج من صميم القلب :*.كيكه-مقرومهD=.

  3. كيكه-مقرومه************هلالالالا وغلا بالمختفيه :>يعلهم مداخيل للعافيه والحمدالله انهم عجبوج:>… وايد وايد ونستيني :>حياج الله يا حلوه ولا تقاطعين

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s