وصفات رمضانيه · أكلات نفاس · اطباق رئيسية · اطباق رئيسية -الدجاج والطيور

فريكه بطريقه يديده…

فريكه بطريقه صحيه وجديده
اغلب الناس يحبون الفريكه خضرا مع المكسرات واللحم او الدياي المشوي … هالطريقه بس شفتها عند يدتي كنوع من التغيير وطعمها لذيذ …
انصحكم تاخذون فريكه فلسطينيه او اردنيه او اي ماركه تكون فيه الحبه كامله… المصريه غالبا تكون مفتته
اكثر شي يطول في تحضيرها غسل هالنوع من الحبوب لان فيه حصم  وتراب.. طريقتي جدا بسيطه احط طاسه وبوسطها مشخل فيه الفريكه وانقعهم بالماي.. الوسخ بترسب بالطاسهوبعدين ارد اغسلها عادي وانشفها قبل الاستخدام… الفريكه وايد مفيده للنفسا وخاصه لحليب الام .. بس نضيف للوصفه حبه بركه وحلبه بالطبخالمقادير:
جيله ونص فريكه مغسوله ومنقعه ( حوالي كوبين )
دجاجه كامله مقطعه او  لحم بعظم حسب الرغبه
3 حبات بصل كبيره شرايح
4 حبات طماط شرايح
5 فصوص ثوم
علبه معجون طماط واذا تبون اللون اخف نص علبه كافي

1 م ص بهار مخلوط
ملح وفلفل اسود حسب الرغبه
1/2 م ك كمون
لومي عدل وبودر حسب الرغبه
1 م ص بزار او كركم
زيت نباتي ( انا اشوف عباد الشمس يمشي معاه اكثر )

الطريقه:
نحمس البصل لين يذبل نضيف شوي بزار ونضيف حبات الثوم والدياي او اللحم ونقلبهم … نضيف المعجون والكمون واللومي ونحركهم وبعدين نضيف الطماط ونحركهم لين يذبل الطماط ونتاكد انه ذايب
نضيف الماي الحار ونخليه لين يغلي نضيف اللومي…
 اول ما يغلي الماي  نضيف الفريكه ونخليه يطبخ مع الدياي واذا كنتو مسوين لحم تنطرون اللحم يستوي تقريبا ثلاث ارباع سوا وبعدين تضيفون الفريكهبعد ما نحط الفريكه نملحها وبعد ما تغلي نوطي النار ونخليها تستوي على راحتها مع تقليبها بين فتره وفتره عشان لا تلزق بالقاع وتحترق

تقدرون ترشون حبه بركه بالويه عند التقديم وبالف عافيه

Advertisements

5 thoughts on “فريكه بطريقه يديده…

  1. السلام عليكم اختي بنت الديرة أنا احب موقعج جدا بس صراحة ما ارتحت ابدا للتغيير الأخير في لون الخلفية .. الحين ماقدر اقرا عناوين معظم الوصفات لانها موب طالعة عندي بسبب اللون الأسود للخلفية .. بعدين لونها السابق الابيض كان بصراحة يفتح النفس .. مجرد ملاحظة مادري اذا غيري يعاني منها

  2. أم شمسة******حياج الله يا ام شمسه ومنوره المدونه.. مشكوره على اقتراحج وان شاء الله ادورلي خلفيه تكون فاتحه ولا يصير خاطرج الا طيببس المفروض ان اكو ورا الخلفيه سوده خلفيه بيج.. ما تطلع لج؟؟

  3. الله يحييج يارب ولا والله ما تطلع لي إلا الخلفية السودا … وللأسف من غير عناوين المواضيع وبعض الفقرات إلا إذا ضللتها ..

  4. اختي بنت الديرة رجعت جربت اشوف موقعج في جهاز ثاني بس نفس المشكلة .. تدرين كأن الصفحة مقسومة نصين .. بحيث ان الخلفية البيج تامة تحت والخلفية السوداء بروحها مع الكلام فوق .. مادري اذا فهمتي علي .. بس صاير الكلام منفصل عن الخلفية البيج اللي المفروض تكون وراه

  5. أم شمسة
    *******
    تعبتج معاي… شرايج بالخلفيه اليديده الحين .. عسى تطلع واضحه عندج؟؟واذا فيها مشاكل بلغيني عشان احط غيرها :>وحياج الله

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s