عشان اكون عند وعدي بنزل تجهيزاتي للرمضان.. الصج اني ما جهزت وايد ومافيه فناتق كله العادي الصور اللي بحطها صور تجهيز العام لان الصور اليديده كلش مو واضحه
****نبتدي بالسمبوسه
سويت سمبوسه اجبان مكسيكيه وهالبينو
اخذت فكره الغاليه مدام ين قصصت الهالبينو صغار كلش وخلطتها مع خليط الاجبان ( الصوره موجوده بموضوع التكساس فرايز ) وزدتها تشيدر وحشيت فيه السمبوسه
سمبوسه جبن عادي
جبن كرافت قصصته مكعبات وامررها بالزعتر واحشيها السمبوسه
سمبوسه لحم مفروم
احمس البصل واذا صار شفاف اضيف له اللحم المفروم والفلفل الاسود والبهار( استخدم بهار اسناد) والبزار واذا نشف مايه واستوا اسكر النار واضيف البقدونس واذا برد احشي فيه السمبوسه
سمبوسه خضار
اقصص بطاط وجزر مكعبات صغيره واسلقها على النار
احمس البصل مع نتفه ثوم واضيف لهم البهار والفلفل الاسود والكاري والكمون واذا استوو اسكر النار واضيف لهم كزبرا خضرا مفرومه واحشيها
سمبوسه تاكو
زاد عندي من حمسه اللحم المفروم مالت التاكو زدتها جبن تشيدر وحشيت فيها السمبوسه
سمبوسه بيتزا
خلطت جبن موتزريلا وجبن تشيدر مع زيتون اسود مقطع وفلفل ملون مع مشروم ورشه اوريغانو وشوي من صلصه البيتزا واحشيها
سمبوسه السلق
هالسمبوسه وايد احبها .. احمس بصل وطماط واضيف لهم ماجي خضرا وسلق وملح وفلفل وبهار وليمون اسود واتركه على النار لين يذبل واذا برد احشي فيه السمبوسه
سمبوسه البطاط
اسلق البطاط واخلطه مع حبوب كمون وحبوب كزبره خضرا واجار منجا وفلفل اسود وكار.ي واحشي فيه السمبوسه
بعد ما الفهم احطهم بصينيه بفريزر واذا جمدو احطهم بتبروير واكتب عليهم المحتوى واثلجهم بالفريزر ونفس الشي بالنسبه للسبرنغ رول
هالسنه سويت بس نوعين سبرنغ رول
سبرنغ رول خضار
اقصص ملفوف وبيبي ذره وبصل وجزر مبشور ومشروم تايلندي واحمسهم مع ثوم وزنجبيل وشوي تاي فش صوص وبهارات صينيه واحشي فيهم السبرنغ رول
سبرنغ رول ربيان
شريت الربيان المثلج الصغير وحمست عليه نفس الحمسه بس زدتها شوي من صلصه ماجي السائله وحطيتها معاهم
*** العرايس
استخدمت وصفه العرايس الموجوده بالبلوق… وسويت طريقه ثانيه … او تقدرون تاخذونها جاهزه من اللحام
انا اتعامل مع لحام الهدى بجمعيه بيان اخذت منه اللحم المفروم ورديت فرمته مع بصل وزدته بقدونس وثوم وزنجبيل وطماط وبهار وفلفل اسود وشوي دارسين ودبس الرمان
اخذ الخبز وادهنه بزيت زيتون( حق العرايس افضل الخبز فرش من المطاحن عشان لا يتشقق بالحشو ) واحشيه واثلجه وبعدين احط كل كميه بروحها بجيس
****الكبب
سويت كبه برغل وذاكره طريقتها بالموقع .. البرغل من سمراء عدن واللحم استخدم هبر واخلطه مع شوي ثلج واطحنه لما يكون نفس المرهم نفس طريقه الغاليه منى
كبه البطاط
استخدم طريقه الغاليه ام عزيزان
بطاطتين كبيره مسلوقين بالماء
وحطيت كوب واحد رز (الكوب= كاس الجبن) وسلقته بس لا يصير لين
وبعدها حطيت البطاط والرز في صحن لما يبردون وطبعا صفيتهم من الماء قبلها
وفرمتهم بالفرامه مره وحده بدرجة الوسط
وحطيت الملح واشوي كركم عشان تاخذ لون بس وبديت اشكلها
نجهز الحشوه …. لحم مفروم محموس مع بصل وصنوبر وملح ودارسين وفلفل اسود وبهار
وما شاء الله كانت العجينه مضبوطه
وكانت تحتاج القليل من الماء المثلج بس عشان اشكل فيها
كبه الرز
هم استخدمت طريقه ام عزيزان بس انا اضيف زرشت بالحشوه بدال الصنوبر
كاس رز
بطاطه متوسطه
كركم وملح
واشبنت
كل هذى المقادير تفرم مع بعض
وتكبب بغمس اليد بالماء المثلج
والحشوه معروفه
لحم مفروم وبصل وثوم وبهارات وملح وزبيب او صنوبر حسب الرغبه
وتشكيل الكبه حسب الرغبه اقراص او اصابع او مدببة الجوانب
وان شاء الله تعجبكم
***كباب او خبز عروق
احنا عندنا خبز عروق غير يكون عجينه ومعاها لحم مفروم وخضره نعطيها الخباز يخبزها.. هالطريقه نسميها كباب رمضان
لحم مفروم تقريبا كوب
كوب ونص خضره مشكله( بقل وشبنت وبفدونس)
بصله
طماطه
طحين كوب الى كوب ونص
ملح
بزار
ليمون اسود
بهار
فلفل اسود
نفرم اللحم مع البصل والخضار ونخلطه مع الطحين والبهارات ونشكله اذا بنقليه بنفس اليوم او بعد ايام قريبه نضيف الطماط المفروم ونشكله ونثلجه بصينيه على ورق ربده عشان لايلزق ونقليه او نرد نحطه بتبرويرات ونرد نثلجه واذا بنثلجه لي بعدين نلغي الطماط ونثلجهم على شكل حصص ويوم اللي بنسويه نطلعه بره ونترك الثلج يفج عنه نضيف الطماط ونشكله ونحطه بالفريزر ونقليه
***الكفته
افرم البصل مع الكزبره واللحم وابهرهم واشكلهم وثلجهم وبعدين اورزعهم بجياس مع كتابه التاريخ عليهم
*** البفتيك
اتبل اللحم ببهار الليمون والفلفل ( موجوده صورته بموضوع البهارات 2 )واضيف عليه ثوم بودر وملح واخليه يتبل يوم كامب وبعدين اغلفه بطحين وبيض وبقسماط اضيف له اوريغانو وبابريكان وجبن بارميزان مبشور( اللي بالعلب مو فرش) واثلجهم
*** دياي كنتاكي
اسلق الدياي مع ساليري وبصل وطماط وجزر وبهارات كامله ( هيل ودارسين وفلفل اسود ) وملح… واغلفه بطحين معاه شوي نشا وبهارات دياي ماجيك وبيض وبقسماط واثلجه
*** جبن موتزريلا
استخدم البقسماط الياباني واخلطه باوريغانو وبابريكا
امرره بطحين معاه اوريغانو وبابريكا وفلفل اسود وبيض وبقسماط واثلجه… انا ما جربت اقليه اشويه على طول
** القبوط
ذاكره طريقته بالبلوق
هذا اللي اذكره الحين واذا في اضافات احطها لي ذكرت :>
My Kitchen 
https://www.blogger.com/comment.g?blogID=1762000705751433546&postID=1909899924801119412&page=1
ams gmt a7shi sambosa b3dlet me tell u.. u blog is like heaven to me!a7b acshoof 6b5aat o a7b a6b5
حبوبة يعطيج ألف عافية على بوستاتج الرائعة…. مدونتج بكبرها يبيلها برنت وتنحط بملف وبأول درج بالمطبخ حق شهر رمضان :))وفديتج تونسين وإنتي تاخذين بأفكاري وتطورينها وأرد أستفيد منها 🙂 ويا حلو التعاون وإعادة التدوير :))مشكورة يا قمر 🙂
على فكرة يا حلوهالناس مختلط عليها الموضوع..ردي التعليقات تحت البوست مو فوقهتحياتي
يعطيج العافيه
يعطيج العافيه
يعطيج العافيه
يعطيج العافيه
يعطيج العافيه
يعطيج العافيه
غير معرف********شكرا على اللينك بس ما فهمت شلمطلوب؟؟؟!!!!
nosa ****حيا الله اهل البحرين نورتي بزيارتج الاولى عندي :>يعطيج العافيه ومشكوره على الحجي الحلو :>واذا عندج طبخات حلوه حق رمضان شاركينا فيها :>
Yin مدام*********الف هلا ومرحيا ام الطلات الحلوه… ومنكم نستفيد… شفتي سبقتج على فكرتج بسمبوسه التاكو هههههحياج الله يالغاليه يا ام الافكار الذهبيه ومشكوره على الحجي الحلو كلج ذوق :>
طز بالرجالة ************صاجه .. عدنا والعود احمد..مشكوره على الملاحظه يا عسل وحياج الله دوم :>
Um il sa3af wil leef **********************الله يعافيج ويبارك فيج يا قلبي :>
this theme is really nice please please keep it
ماشاءالله عليج سنعه تجهيزات قوية وريت أهلي الموضوع حدي اشتطيت عليه ;>متابعينج بشهر رمضان
ياويليأحب المقالي وأخاف منها ..لذلك ما راح أقرأ هالبوست عشان لا أتشيش :)تحياتي وتشكراتي
غير معرف*******done :Dوحياج / حياك الله :>
The.One********حيا الله الغاليه وهذي الساعه المباركه حياج الله دوم :>
بوسند ******لووول حياك الله اخوي :>
** كل عام وانتي بخير ومبارك عليكم الشهر
كل عام وانتي بخير وما شاء الله عيني عليج بارده مرتبه وخوش شغل .. اهم شي الثلاجه يكون كل شي مجيس فيها علشان رمضان مو مال الواحد يطول بالمطبخ حلاته كل شي سريع جاهز و اهم شي يكون لذيييذ ما شاء الله مره ثانيه علشان ما نصكج عين ^__^"
ضفت بلوقج عندي في بلوقي .. لأنه وايد مفيد لي وانا احب هالاشياء .
ميمة السبيت *************حبيبتي ما قصرتي وعليج يتبارك هالشهر الفضيل :>
Desserts **********حياج الله عزيزتي والف هلا ومرحبا بزيارتج الاولى للمدونهاشكرج على الاضافه الغاليه ومشكوره على الحجي الحلو :>
Great post.