مبارك علينا وعليكم الشهر :>
**سمبوسه جبن وخضار
حشوه الجبن والخضار ذاكرتها بموضوع تجهيز رمضان** سلطه الخضار بدريسنغ الجبن
المقادير:
طماط مكعبات كبيره
خس شرايح
خيار مقطع انصاف دوائر
اوراق بقدونس
بصل اخضر شرايح رفيعه
فلفل اخضر مكعبات
مقادير الدريسنغ:
نص كوب جبن ابيض فرنسي مفتت بالشوكه
ربع كوب خل
3 م ك عصير ليمون
نص كوب زيت زيتون
نص م ص ثوم
م ك ريحان مجفف
نص م ك اوريغانو
م ص ملح
الطريقة:
نخلط مقادير الدريسنغ ( الخل والزيت والثوم والملح والاعشاب العطريه وعصير الليمون حتى يكون محلول مستحلب وبعدين نضيف الجبن ونخلطه ونتركه لي قبل التقديم
نخلط مكونات السلطه ونضيف الدريسنغ فوقها وتقدم على طول
**شوربه العدس
المقادير:
حبه بصل مفروم
حبتين جزر صغار او وحده كبيره
حبتين طماط كبار
معجون طماط حسب الرغبه
نص حبه ساليري
نص قفشه صغيره حبوب كمون
ملح وفلفل حسب الرغبه
كوب عدس منقع ومغسول
قفشه صغيره ثوم مهروس
خمطه شعريه
مكعبين ماجي دياي
مرق سلق دياي او ماي عادي ( اذا نستخدم مرق سلق دياي نضيف مكعب واحد بس )
زيت نباتي
الطريقه:
نقطع الخضار باي طريقه لان بنطحنهابعدين
نحمر الزيت ونحمر فيه حبوب الكمون وبعدين نضيف البصل والثوموالفلفل الاسود ونحركه لين يذبل
نضيف الجزر والساليري والطماط ونحمسهم لين يذبلون شوي نضيف العدس ونقلبه قلبتين وبعدين نضيف الماي او المرق مع الماجي ونتركهم لين ينضجون
نهرسهم بالخلاط ونزيدهم ماي حسب الرغبه بالكثافه المطلوبه ونضيف الشعريه ونتركها تنضج وبالف عافيه
** شوربه الدياي
المفروض تكون دياي بالشوفان بس ما حصلته وبدلته باحرف المعكرونه…بشرت الجزر عشان لا تاخذ وقت بالطهي وهم شكلها حلو.. الاعشاب المجففه عباره عن خليط اي خضره تحبينها باي كميه ( بقدونس ؛ شبنت؛ كرفس ؛ كزبره ؛ اوريغانو؛ زعتر اخضر ..الخ)
المقادير:
صدر دياي مسلوق ومسحب
جزر مبشور
بصل مفروم
اعشاب مجففه
مكعب ماجي خضار
ماي
ثوم مهروس
ملح وكمون وفلفل اسودحسب الرغبه
الطريقة:
نحمر البصل والثوم ونضيف له الدياي مع الجزروالبهارات والماجي واذا ذبلو واختلطو نضيف الماي ونتركه واول ما يغلي نضيف المعكرونه والاعشاب ونتركهم لي النضج وبالعافيه
** شوربتي هههه
شوربه خضار جاهزه مع خبز محمص بزيت الزيتون** بوبوي ساندويش.. او ساندويشات ربيان مقلي
عرفت اسمها وانا ادور صلصه حلوه حق الربيان المقلي غير الترتار…وايد وايد سهله… انا ذاكره طريقه الربيان المقلي بالبلوق بس تقدرون تستخدمون اي ربيان جاهز .. تقدرون تضيفون على الصلصه نقط من الشطه ( الدقوس ) اذا حبيتوالمقادير:
شرايح خس رفيعه
ربيان مقلي
مايوتشب ( او مقدار متساوي من المايونيز والكاتشب)
عصير ليمون
نقط من الويشسترصوص
اي نوع صمون
الطريقه:
نخلط مقدار من عصير الليمون مع ضعفه من المايوتشب والصلصه ونتركه
نقصص الربيان حسب الرغبه
نشوي ويه الصمونه بالفرن
نحط عليهاكميه وفيره من الصلصه بجهتين الصمونه ونضيف الخس والربيان ونسكرهاو بالعافيه
**ساندويشات جبن ومرتديلا
للاسف الصوره ما تشوق وما حاولت اسنعها… عباره عن توست مدهون بمايونيز وماسترد محشي شريحتين جبن وشريحتين مرتديلا بالتناوب مع مخلل خيار وتنحط بالشوايه ليما تتحمر وبالعافيه
** تشريبه كراعين
ذاكره الطريقه بالبلوق بس شلت منها معجون الطماط
**فته دياي
ذاكره الطريقه بالبلوق
**عيش بالكاري
ذاكره طريقتها بالبلوق بس شلت البطاط وحطيت بداله جزر مبشور
My Kitchen 
تسلم ايدج حبيبتي :)شوقتيني احط الومضات اليايه منج قسم المطبخ ;)وان شالله بحاول اصور إذا مانسيت اطباقج او اكتب اني مجربتها ;*
بالعافية عليكم ويا رب يتقبل صيامكم وصالح أعمالكم تسلم الأيادي :))حبوبة عندج وصفة حلة حق صلصة الكشري؟؟؟ أنا عادة أسوي دقوس طماط وفلفل بس إذا عندج صلصة خاصة تساعديني فيها؟؟وثانك يو مقدما سواء عندج ولا لأ :))))
عليكم بالعافيه ويتقبل الله ان شاءالله
هني وعافيه على قلوبكم
آخ يا زمان اول :'(كلا كنت احوس بالمطبخ واسوي اكلات :'(مادري شفيني هالسنه بالعافيه عليكم بس ترى قعدة الأرض احلى p;
مبارك عليج الشهر يابنت الديرةعلييييكم بألف عافيه يارب
فطووور العافيه..وتسلم الايادي..عندي طلب ..وانشالله ما ترديني..ابي طريقه صب القفشه..بدورها بمدونتج الحين..اذا ما لقيتها..كلي امل انج تحطينها..ومبارك عليج الشهر وعساج من العايدين انتي وكل من تعزين..
مبارك عليكم الشهرالله يديمها من نعمة… وبالعافية عليكم:)
ReLaaaX ********الله يسلمج من كل شر.. وعجبتني وايد فكره الومضات وناطره تطبيقاتج ورايج فيهم وان شاء الله يكونون على ذوقج ..وعليج بالعافيه مقدما :>مشكووره مره ثانيه.. من شفت الصوره عندج وانا مستانسه ههههوحياج الله دوم
Yin مدام*********هلا بالطش والرشامييين ولكم مثل هالدعوه الحلوه :>تبين الصج انا شوي كسلانه بهالموضوع اخلط الدقوس مع الدقه بصلصه وحده واعتقد اني كاتبتها..شوفي يا طويله العمرافرم بصل وفلفل حار او بارد على كيفج مع ثوم بالفرامه واحمسهم بالزيت مع كمون ونتفه فلفل اسودبنفس الفرامه افرم الطماط والمعجون واحطه فوقهم واخلطه لين يختلط عدل ويصير مزيج واحد اضيف الماي والملح واذا سكرته احط خلطبعا كل الكميات حسب الرغبه وان شاء الله تعجبج :>
DoDoq8 *******الله يعافيج عزيزتي والله يتقبل منا ومنكم صالح الاعمال :>
Sn3a *****الله يعافيج ويخليج ويبارك فيج يالغاليه :>
حَافِـيَةُ الَقَدمَيّـنْ ولِبَاسِي المَطـرْ*****************************الله يعافيج.. وحاله الكسل تحوش الكل.. وان شاء الله تردين مثل الاول واحسنحياج الله غاليتي :>اما قعده الارض هذي الجزء الثاني من القعده مع القهوه والحلو قبال التلفزيون :>
نون النساء ***********علينا وعليج يتبارك يا عسل :>حياج الله دوم والله يعافيج :>
Corpse Bride **************هلالالالا اسفرت وانورتالله يعافيج ويخليج ويبارك فيج :>بالنسبه لصب القفشه نطريني ارد البيت واحطها لج.. من وصفه عبير الراشد حلوه وخنينه بس يبيلها نص يوم تخمر :>مشكوووره :>
chandal/danchal!! ******************هلا بالغاليه هلا بالحامل والمحمول… شلونج وشخبارج مع الصيام:>والله يعافيج :>
الله توني أشووووووووف النيولووكههههههههههههحطيتلج اللنك ذاك اليوم و نسيت أمرجعليييييج بالعافية اللوك و الأطباق:***
مبارك عليج الشهر اولا وثانيا بالعافيه صج فطوركم ايوع بس الكراعين داش غلط 🙂 عليكم بستين الف عافيه
تسلم ايدج وبالعافيه عليكم وشغل عدل مدل صراحة ^__^"
صحة وعافيهليتني كنت طباخ ببيتنه لأبدعت بالاكلات وسويت كل مالذ وطاب ;Pبس محد مقدر موهبة الشباب
Purplecious ************هلا غلا بالغاااليه.. مبارك عليج الشهر:> شفتي شلون نجدتيني بهاللوكمشكووووره حبيبتي مره ثانيه… وابشرج صار اجماع عليه الكل حابه :>والله يعافيك ويكافيج من كل شر عزيزتي وحياج الله دوم :>
ShaymoOona***********علينا وعليج يتبارك :>وصج احسها بعد غلط الله يزيد النعمه بس ابوي وخوي يحبونها وضروري تكون على السفره باول الايام :>والله يعافيج من كل شر :>
Desserts **********الله يسلمج حبيبتي والله يعافيج من كل سوء :>
{~المباركية~}*************مبارك عليك الشهر اخوي :>لووووول…يالله شمر عن ذراعك ودش المطبخ عاد ماكو اسهل من الطبخ :>
هلا أختي ماشاء الله عليك كل يوم شي يجنن انا نجلاء صراحة ماعرفت وين ايميلك عشان استفسرمنك عن بعض الاشياء .papeeer@gmail.com
Najla******حياج الله عزيزتي وهذا من ذوقجوراستلج شيكي ايميلج :>