حلو طبقات الككاو



الحلو اخذته من غرومه من منتدى حوا.. المفروض انزله قبل فتره حق فشوشه

وايد حلو… بس عيبه دسم… قطعه صغيره تكفي… تقدرون تسونه بصحون تقديم او ببايركس صغير على كيفكم

المقدار حق 6 صحون تقديم

المقادير :
-8 حبات كيري
-باوند كيك ككاو انا استخدمت سارالي
-صلصه ككاو سائله
-صلصه كراميل او بترسكوش واذا مو متوفره مو ضروري
-2 علبه كريم كرامبل
-جيسين دريم ويب
-علبه كريما سائله
-2 م ك ككاو بودر
-م ص قهوه ( نسكافيه)
-6 حبات اوريوم مطحونه
-فليك وككاو كادبري للزينه

الطريقه:
نفتفت الكيك بايدنا ونخلطه مع صلصه الككاو والكراميل ونحطه طبقه اولى
نخلط 1كريم كراميل+ نص كوب كريمه +جيس دريم ويب+3 حبات كيري+م ص قهوه بالخلط ونحطها فوق الكيك كطبقه ثانيه
نصب شوي من صلصه الككاو فوقهم وهذي الثالثه
نخلط باجي المقادير بالخلاط ونصبها فوق صلصه الككاو وهذي الرابعه
ندخلهم الثلاجه وعند التقديم نصب فوهم صلصه الككاو ونزينهم بالككاو


Advertisements

21 Comments اضافة لك

  1. Fishah كتب:

    بعد عمري ..تسلم لنا هالاياديعسى ان شاءالله ماننحرم منها :))شكله ايشوق .. اموت في شي اسمه سوالف قصصي كيك وحطي خلطات وسوالف ككاو :))))مشكوووره حبيبتي .. وخطاج السوو 😉

  2. nosa كتب:

    shklah yum yum :Dinshalah bjrba gereeb:D

  3. ShaymoOona كتب:

    تسلم ايدج ..وااااااي شنو لذيذ

  4. Sn3a كتب:

    شكلها يشوقبس رجيييم !انا سويت كيكه قبل يومين وماكليت الا قفشه

  5. Yin مدام كتب:

    يعطيج العافية ويقويج يا قمر سويت البراونيز اليوم وهونت عن الزوارة عشان أراعي مرضى السكري .. بسويلهم حلى يكون دايت فريندلي :))حلو اليوم تراه إجرام :))

  6. DoDoq8 كتب:

    عجيييييييييبهذا حلو معه العلب البلاستك الصغاار يطلع نايس مشكورره بجربه باقرب وقت

  7. شاي الضحى كتب:

    تسلم ايدجوبالعافيه 🙂

  8. makeup_artest كتب:

    هلا وغلا حبيبتي ,, حبيت أبدي أعجابي بمدونتك ,, وصراحه أحلى مافيها أنها من القلب إلى القلب ~لكِ مني كل الحب

  9. kwaiteyah100% كتب:

    قوة حبوبة … اول مرة اشارك معاج الله عاد احنا برمضان وانتي ضربتي عالوتر الحساس ….. اعشق الحلويات تسلم ايدج حبوبة وزيدينا من وصفاتج ….. عساج عالقوة

  10. bent el deera كتب:

    Fishah ******حبيبتي حياج اللهوهذا مثل ما وعدتج كاكاو بكاكاو ومتروس ككاول ومزين بككاو هههههخطاش اللاش وتعودنا على السوالف.. تذكرين فلاشي القديم ؟ههههههتقبل الله طاعتكم يا حلوه :*

  11. bent el deera كتب:

    nosa****جربيه وان شاء الله يكون علة ذوقج :>عاد احنا البنات نموت بسوالف الككاو ههه :>تقبل الله طاعتكم سويتي :>

  12. bent el deera كتب:

    ShaymoOona ***********هلا وغلا بعروستنا :>الله يسلمج حبيبتي وتقبل الله طاعتكم :>

  13. bent el deera كتب:

    Sn3a ****الله يعينجانا كنت مثلج العام… بس صراحه قلت برمضان بوقف رجيم ماقدر اصبر وعن القطايف بس شكلي مبددددعه بالحلو الله يستر من الميزان عقب رمضان تسلم ايدج يا حلوه … وعليكم بالعافيهوتقبل الله طاعتكم :>

  14. bent el deera كتب:

    Yin مدام *********هلا وغلا بالغاليهيعله مداخيل العافيه .. وشلون طلع ان شاء الله عجبكم البراونيز ؟ :>بحث موفق بحلو دايت فريندلي حق الزواره لان هذا قنبله سكر ههههتصدقين هالنوعيات من الحلو ماكل منها اكثر من قفشتينانا احب سوالف ابل باي او كيك حار وفوقها ايسكريم هني ممكن اكل صحن كامل والف على صحون خواتي هههه

  15. bent el deera كتب:

    سوري نسيت اقولج تقبل الله طاعتكم :>

  16. bent el deera كتب:

    DoDoq8******اي واللهحتى بالتقديم اذا بتروحين مكان بيكون حلو :>تقبل الله طاعتج حبيبتي

  17. bent el deera كتب:

    شاي الضحى **********في البدايه ارحب فيح ونورتينا بزيارتج الاولى للمدونه :>الله يعافيج ويكافيج من كل شر :>وتقبل الله طاعتج :>

  18. bent el deera كتب:

    makeup_artes************واايد سعدت لما شفت تعليقجيالف هلا ومرحبا بالرياض وبنات الرياضهذي الساعه المباركه اللي اشوف ارتوسه عندي بالبلوقحياج غاليتي :>واتمنى هالزيارة الحلوة ما تنقطع .. وتقبل الله طاعتكم :>

  19. bent el deera كتب:

    kwaiteyah100%*************حياج الله عزيزتي ونورتي بزيارتج الاولى :>وان شاء الله تلقين كل ما يعجبج :>لا تقاطعين وتقبل الله طاعتج :>

  20. Fishah كتب:

    هلووووترا سويته امسبحط صورته بعد شويبس بقولج الكريما شويه بس 1 على المقاديرترا زدتها 1 بعد :>وعقب الفطور بذوقه ان شاءالله :)يسلمووو :*

  21. bent el deera كتب:

    Fishah ******ويا بعد جبدي يعله مداخيل العافيه.. واتمنى انه عجبج :>وانا مع حجم الصحون اللي عندي كفاني المقدار.. لانه ثقيل اصلا :>تسلم ايدج ومشكوره على اضافتج القيمه :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s