فطور رمضان و ريوق و سفرات كاملة · وصفات كباب او خبز عروق · وصفات رمضانيه · رمضان

فطورنا باليوم الخامس من الشهر الفضيل …

قبل لا انزل سفرتنا احب اشكر ستاف الهلب اللي كان معاي بالمطبخ امس
اخوي
وبنته نونو الصغيره حبيبه قلب عمتهاالسفره وهي لويه لاني ما لحقت اصورها قبل لا يقعدون :.. سفرتنا امس بحريه … مرت اخوي يايبه معاها نقصه كبه مرق ( كبه عربانه ) وسلطه باستا تسلم الايادي :>


* المقبلات:
-سلطه خضار
عباره عن خيار وخس وجزر وفلفل اخضر والدريسنغ جاهز من كاركه وشبون نوع رومانو بازيل

-ساندويشات هوت دوغ


عباره عن هوت دوغ مشوي ( وانا استخدمت ماركه بينار) … امسح جهتين الباغيت الصغير بخلطه من المسترد والكاتشب والمايونيز واحط جبن بجهه وخس بالجهه الثانيه والهوت دوغ بالنص

-سلطه باستا
ما عندي صوره واضحه بس وهي عباره عن باستا ملونه مع بزاليا وذره وبديان مقلي وخبز مقلي والدريسنغ الصلصه الايطاليه

-شوربه بروكلي
شوربه العيز … عباره عن بروكلي مقطع قطع صغار احمسه بشوي زبده وبعدين اضيف له بودر شوربه هيليون مذوبه بماي بارد واخليها على النار لين ثتقل شوي

-شوربه العدس بالخضار
اخذتها من كتاب ” السفره” وزدتها طماط و ماجي وعدس احمس نص كوب بصل بزيت واضيف له نص قفشه صغيره ثوم وربع قفشه صغيره من كمون وفلفل اسود وكزبره ومكعب ماجي وبعدين اضيف له كوب عدس وطماطتين كبار و8 اكواب ماي واذا استوا العدس اخلطه بالبلندر وارده على الجوله مع جيس شوربه دياي بالشعريه ونص كوب من مبشور البطاط والجزر والكوسا واتركم لين ينضون

-سمبوسه مشكله مشويه.. بس المقليه طلعت وايد احلى


-صاج مسخن وصاج خلطه دياي بالخضار والجبن

** المسخن
سلقت الدياي مع بهارات كامله وسحبتها.. سخنت زيت زيتون وحمست كميه من البصل وضفت له الدياي مع فلفل اسود ونتفه هيل ودارسين وبهار وسماق واخر شي ضفت صنوبر محمص… مسحت الخبزه بزيت زيتون ولفيتها مثل الرول وحمصتها بالفرن

**حمسه الدياي بالخضار والجبن
دياي مسلوق ومنتف حمسته مع بصل وثوم وزنجبيل وجزرمبشور وبطاط مسلوق وبهار وكاري وبقدونس ونعناع وخلطته مع جبن قلاصات.. مسحت الصاج بالمايونيز ولفيتها مثل الرول وحمصتها بالفرن
-خبز عروق
خذت عجينه من الخباز( 3كور) وضفت لهم بقدونس ونعناع وكرفس وطماط وكركم وبطاطا مسلوق وكركم ولومي وبهار وكمون وملح

– دياي سبايسي
مادري اذا ينحط مع المقبلات او الاطباق الرئيسيه.. عباره عن صدور دياي منقعه بصلصه البافولوز وعليه دقوس طماط و ثوم وكمون وبهار و زيت زيتون واريغانو وريحان مجفف وعصير ليمون وبعدين تنشوي بالفرن

* الاطباق الرئيسيه

-مرق سمج بالباميه
-عيش مشخول مع بصل مقلي
-كبه بلبن
-ربيان بصلصه الطماط والبقدونس لذييييذ(( الوصفه موجوده بالبلوق ))

-ربيان بصلصه الجبن
حسافه ما لحقت عليه… فتحت الربيان من صوب البطن وخليته مثل المهفه وتبلته ببهار السلمون مال ماجيك وملح الساليري وفلفل اسود مع قفشه عصير ليمون وقفشتين زيت وخليته .. شويته عادي (( ما قصر بو نوال )) .. وجزء خلطته مع الطماط والبقدونس وجزء مع هالصلصه ( عباره عن قالب جبن تشيدر معاه نص كوب حليب بودر وكوب ماي ونص مكعب ماجي خفيف الملح على النار) .. نصب على الربيان جزء وننثر فوقه بقدونس مفروم والباجي نخليه للتغميس

-معكرونه بالبشاميل ( مالت قبل امس )
استخدمت بشاميل كنور
وحمسه اللحم عباره عن بصل محموس مع ثوم مع بزار وفلفل اسود وبهار وهيل مضاف له ملح وبقدونس

*الحلو
مثل كل يوم

Advertisements

10 thoughts on “فطورنا باليوم الخامس من الشهر الفضيل …

  1. بالعافيه عليكم :*وااااي ياحلوووها والله اللي لابسه هانا مونتانا .. فديييييييتها :***الله يخليها لكم ان شاءالله ويحفظها وترا ناطريييييين اكلات ام حسووون 🙂

  2. السسسسسسسلام عليكم ماشاء الل بلوق روعة سفره دايمة ان شاء الله .. ناطرين جديدج يالغلا ..وكلي سرور بتوآجدي هنا =) كل رمضآن وانتِ طباخة امهر ^_* محبتي ومودتي =)

  3. ماشاء الله تبارك الرحمن ,, سنعه ومبدعه بوصفاتك ,,الله يحفظك حبيبتي والحلو أن طريقة سردك بالحيل حلوهـ وممتعه, وكلها طبيعيه <== مهتمه بالطبيعيه الأخت ..تصدقين أنا أكتشفت مدونتك من خلال روابط بموقعك تشير لموقعي ,,هالأحصائيات طبعاً تظهر لأصحاب المواقع.فأعجبت بأمانتك بنقل الوصفات , والأحلى أضافاتك عليها وسرد جميع تفاصيل الوصفه يخلي الأنسان يجربها وهو متطمن وواثق من النتيجه .أكتشفت المدونه من 7 أشهر أو يمكن أكثر , وماأنتبهت للتعليقات وأهتمامك بها إلا بشهر رمضان ,وينعاد عليك ياقمرهـ ..

  4. Fishah *******الله يعافيج يا سكره ومشكوووره حبيبتيشلت الصوره على اثر ايميل مو حلو ياني :>

  5. البنوتة توتة*************وعليكم السلام والرحمهوحياج الله اخت عزيزه وغاليه وهذي الساعه المباركه اللي تتواجدين فيه عندي… منوره عندي بزيارتج الاولى :>

  6. makeup_artest**************انتي ما تخلين شكثر انا مستانسه بتواجدج وعلى قولتج "بالحيل" :>انا ما ايي شي يم ابداعج يالغاليه… كنت متابعه وصفاتج اول باول بحواء وبمنتداج ..ما شاء الله عليج :>سعيده بتواجدج واتمنى هالزياره الحلوه ما تنقطعوربي يتقبل منا ومنج :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s