غراتان الكوسا..او الكوسا بالبشاميل

وصفه ابوي الرمضانيه المحببه.. امي الله يرحمها عندها عاده كل سنه برمضان تسويها لابوي :>
والوصفه على قد ماهي سهله على قد ماهي لذيذه… انصحكم بعد ما تطلعونها بالفرن تنطرون عليها شوي قبل لا تقطعونها عشان ما تميع معاكم… الشي الثاني البشاميل لازم يكون ثقيل عشان يمنع تكوين السوائل بالصينيه..اذا مالكم خلق تسوونه استخدمو بشاميل كنور “نفسي ” :>

المقادير:
-كوسا مقطعه دواير بسمك عريض
-لحم مفروم
-بصل مفروم
-ثوم
-طماط
-فلفل اخضر
-بقدونس مفروم
-كميه من البشاميل ( ذكرت طريقتها من قبل في البلوق .. مع زياده كميه الطحين )
-مكعب لحم خروف ماجي
-فلفل اسود ناعم
-دارسين ناعم
-جبن موتزريلا

الطريقه:
نقصص الكوسا ونصفها بصينيه الفرن
نحمس البصل على نار هاديه لين يتغير لونه وبعدين نضيف الماجي والثوم
نرفع النار ونضيف اللحم المفروم والبهارات ونتركه لين يشف مايه
نهرس الطماط والفلفل الاخضر بالخلاط ونضيفهم فوق اللحم ونتركه لين ينشف تقريبا ونحطه فوق الكوسا
نغطيهم بالبشاميل والجبن وندخله الفرن لين يتحمر وبالف عافيه

6 thoughts on “غراتان الكوسا..او الكوسا بالبشاميل

  1. يقول chandal/danchal!!:

    الله يرحمها ويغمدها الجنة… ويخليلك ابوج ويزيدك من برهخوش وصفة تسلمين يا بنت ديرتناان شاءالله اذا سويتها بثوبلك وللوالدة الله يرحمها:)

  2. يقول طز بالرجالة:

    الله يرحم الوالدة ان شاء و يغمد روحها الجنةو يخلي لكم ابوكم يا ربو يحنن قلبه علشان ما يزفج و يخليج تصورين لنا الموائد العامرة :)خوش وصفة بجربها

  3. يقول bent el deera:

    chandal/danchal!!*****************مشكووووووره حبيبتي ما تقصرين على هالدعوه الحلوه ويخلي لج من تحبين :**وعليج بالعافيه مقدمانسيت اضيف بقدونس مفروم للحمسه بعد ما تطفينها من على النار وان شاء الله اعدلها الحين :>

  4. يقول bent el deera:

    طز بالرجالة ***********تسلمين لي حبيبه قلبيومشكوووووره على هالدعوه الغاليه وربي يحفظلج كل من تحبينان شاء الله تعجبج ومثل ما ذكرت ضيفي بقدونس مفروم للحشوه تعطيها نكهه حلوه بس نسيت اضيفها :>

  5. يقول Miss Opss:

    يزاج الله خير على الطبخه الفنانه ويرحم امج ويغفر لها ويجمعج معاها في الجنه

  6. يقول bent el deera:

    Miss Opss**********مشكووووووره على هالدعاء الحلو وما تقصرين وحياج الله دوم :>

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s