فطورنا باليوم 11 من الشهر الفضيل…

امس ما صورت صوره كامله للسفره… بحط لكم صور كل طبق سويته :>* المقبلات:-خليه نحل مالحه.. استخدمت عجينه منال العالم وطلعت ترفه تينن

المقادير والطريقه هني– شوربة الزهره ( القرنبيط )

كيس شوربه كنور اذوبهم ماي حار واضيف عليهم حليب و زهره وبطاط ونتفه كمون واذا استوو اطحنهم بالخلاط وارده على النار وقبب التقديم ابشر عليه جبن تشيدر اصفر وبصل اخضر -ساندويشات لبنه

لبنه بينار واضيف عليها شوي زيت زيتون وملح واضيف لهم لهانه مقطعه صغار وجزر مبشور وشبنت واحشي فيهم صمون البريوش الصغار وتقدرون تقدمونهم مع التوست :>-مقليات
-سلطه جرجير ورمان

نصف الجرجير وفوقه الرمان ونقلي الخبز بالزيت ونقطع بصل ابيض شرايح رفيعه جدا ونضيفهم لهم.. الدريسنغ عباره عن دبس الرمان وخل بلسميك مع شكر وزيت زيتون وملح

-سلطه سميتها sun shine

طبقات خس وبقدونس وخيار.. نسلق الذره ونبردها ( او نستخدم المعلبه ) ونصفها بالنص ونكسر بسكوت رتز ونصفه فوقهم
الدريسنغ عباره عن روب ومايونيز وهرده وملح و زيت زيتون وبابريكا شوي ورانش وعصير ليمون

* الاطباق الرئيسية :

-صينيه كفته بالفرن
نفرم اللحم مع البصل والبهاروالملح وطحين ونكوره ونحطه بصينيه الفرن
نقصص بصل شرايح ونضيفه معاهم ونتقصص الفلفل الاخضر مكهبات كبيره ونضيفه معاهم
بالخلاط نخلط ثوم وطماط ومعجون وملح وفلفل اسود وبهار ودبس رمان ونضيفه فوقه وندخله الفرن لما يستوي وقبل التقديم نرش بقدونس مفروم

-عيش بالشعريه
اعتقد الكل يعرف طريقته

* الحلو
قطايف
-وشي مو لذيذ مادري شنو اسمه

Advertisements

4 Comments اضافة لك

  1. طز بالرجالة كتب:

    ستين الف عافيهلقيت الحلوىhttp://forum.hawaaworld.com/showthread.php?t=1592372و مشكوره على سالفة الهريس..و لو اني اشك بالطريقة ههههشكرا حبي

  2. Sn3a كتب:

    عليكم بالف عافيهويعطيج الف عافييه يارب

  3. nosa كتب:

    تعديييب !أحس أبي أطيخ لما أشوف الصور بالعافية

  4. طز بالرجالة كتب:

    حبيت اقول لج انا سوينا الخليه امس و طلعت عجيبةبس انا حطيت لها شيرة شوي ..على قاع الصينية بعد ما خلصتان شاء الله اليوم نتفطر فيها و اعلمج عنهاامممح فاقدينج من غير شر

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s