وصفات صحيه قليله السعرات او الدهون وتصلح للرجيم · اطباق رئيسية · اطباق رئيسية -الدجاج والطيور

دجاج مشوي بالاعشاب…

هالوصفه حطيت فيها كل الاعشاب المجففه اللي عندي… طبعا ما ذقت الدياي بس البطاط اللي شويته معاه كان لذيذ و مشبع من نكهه  الاعشاب… لا تتقيدون بالوصفه بالضبط وحطو الاعشاب اللي تحبونها…لقيت بدين اند دالوكا اعشاب فرنسيه اسمها اعشاب بروفونس
نكهه الرومز ماري والافندر ظاهره فيها.. انصحكم فيها
حق هالوصفه استخدمت جيس كامل من فيليهات دياي مثلج هم انصحكم فيه..طلع تقريبا 9 قطع من صدور الدياي…واذا بتستخدمون هالوصفه للرجيم قللو مقدار المايونيز او بدلوها بشوي زيت زيتون عشان

المقادير
جيس كامل صدور دياي
قفشتين صغار ريحان مجفف
قفشه صغيره ثوم
قفشتين صغار زنجبيل
ربع قفشه صغيره فلفل اسود
قفشتين صغار بابريكا
قفشتين صغار زعتر ورق مجفف
قفشه صغيره من الاعشاب الفرنسيه
قفشه صغيره من اعشاب البيتزا من ماركه اسناد
نص قفشه صغيره كمون
قفشه صغيره بهار
ملح
علبه روب
خمس قفاش كبيره خل ابيض
مايونيز حسب الرغبه ( انا ضفت تقريبا نص كوب
الطريقه
ندق صدور الدياي عشان نقلل سماكتها وعدين نسوي 3 خطوط بالسجين عشان تتبل عدل
نخلط كل المقادير مع بعض ونضيف لها الفليهات ونتركها بالثلاجه جم ساعه
نصف شرايح بطاط ضعيفه وفوقها الفيلهات مع الصلصه وندخلها الفرن على درجه حراره 200-220 بالرف الاوسط لين تستو وتتبخر الصلصه
تقدم مع سوتيه او مع رز بالخضار او مع سلطه خضرا وبالف عافيه
Advertisements

12 thoughts on “دجاج مشوي بالاعشاب…

  1. الروزماري + اللافندر عجيب حق اللحوميطير زفرتها مرة وحدةما قط مرة جربت المايونيز حق التتبيلليش ما ذقتي الدياي؟

  2. Om MoD******هلالالالا والله بالغاليهتسلمين حبيبتي وانتو بعد وحشتوني وايد :>حياج الله دوم ولا تقاطعين ;>

  3. mellow******مشكوره على هالنصيحه وان شاء الله اجربها قريب مع الستيكات المايونيز بالتتبيل عشان يعطي المنظر المحومر بالشوي مثل ما انتي شايفه وهم عشان لا تنشف الديايه.. الصراحه انا حطيتها لانه كان اقرب حق ايدي من زيت الزيتون هههههوبالنسبه للدياي ما اتقبل اكله من جم سنه :>

  4. شكلها حلوة و المكونات بعد حدها زاكية …اوكي بدي جربها بس …شلون ندق صدور الدياي ؟؟؟و شنو ممكن نحط معاها صوص شرايج ميونيز يكفي ؟؟؟و غرايس كبير حق تعبج و مجهوداتج الكبيرة بصراحة…و لا خلا و لا عدم^_^

  5. خاتون******حياتي مرورج الاحلى… الدياي تدقينه بمطرقه خاصه للحوم والدواجن تشوفين لها صوبين صوب مدبب حق اللحوم وصوب ناعم للدياي ..هذا مثالhttp://ecx.images-amazon.com/images/I/41CV82HHVGL._SL500_AA280_.jpgبالنسبه حق الصلصه ممكن مايونيز وممكن روب او اي صلصله تكون خفيفه عشان لا تضيع نكهه الدياي لان البهارات نكهتها قويه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s