المقبلات والاطباق الجانبيه · السلطات

سلطه الفرفحين.. او سلطه البربير

 
من سبب تطبيقي حق هالسلطه اسم الفرفحين او الفرفحينا اسمها يعطي احساس بالانتعاش والوناسه …هالسلطه  مشهوره بلبنان وخاصه بموسم البربير.. عباره عن بربير وسماق وبصل وطماط وخل وليمون.. حبيت اضيف لها لمساتي باضافه الخيار وباجي الخضروات الورقيه
الطماط اللي استخدمه” تشيري ” لان فيه حلاوه تعادل الحموضه اللي بالدريسنغ

المقادير 
كوبين من اوراق البربير
خيارتين مقطعه انصاف دوائر اواهله
كوب اوراق بقدونس
نص كوب اوراق نعناع او اكثر حسب الرغبه
نص حبه بصل ابيص صغير مقطع مكعبات ضعيفه
سماق
ملح
زيت زيتون
خل ابيض

الطريقه
نخلط كل المكونات الدريسنغ الملح مع الزيت والخل ولاني احبها حامضه احط كميات متساويه من الخل والزيت واخلطها مع مكونات السلطه او تقدرون تنقعون فيها البصل الابيض عشان يخفف من حدته
 نرش السماق بالويه وتنوكل بالف عافيه   


Advertisements

10 thoughts on “سلطه الفرفحين.. او سلطه البربير

  1. عاد أنا ضد الأشياء الصحية لكن يا أخي أسم فرفيحان من قريته فرفحني ^_^يمكن أسويها حق عشاق السلطة بالبيت شرايج بفلم"راتاتوي"الفار الطباخ ؟؟؟أتوقع أنج شفتيه *_^ حاولت أسوي نفسه و أقلده أخير شي سويت بشمل طعمه أستغفر الله لوووووووول علشان جذي ألجأ لمدونتج ^_^غراسيس سنيورة^_^

  2. خاتون******لوووول طلعتي نفسي.. وان شاء الله دوم تكونين مفرفحه وسعيده :>بالنسبه حق الفيلم يمكن شفته 3 مرات .. خوش فيلم عائلي وممتع اذا تحبين هالنوعيه من افلام انصحج تروحين فيلم "cloudy with a chance of meatballs" بس شرط تروحين لي 3دي انا وديت خواتي واستانست عليه اكثر منهم هههههوتراعادي وايد تصير يعني بنسوي حركات وفناتق واخر شي محد ياكلها الا قطاوه الفريج ههههانا اللي اقولج موتشاس غرايسس ولا تقاطعين :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s