وصفات رمضانيه · اطباق رئيسية · اطباق رئيسية -الدجاج والطيور · خطوة بخطوة

الفريكه بطريقتي

الفريكه من الوصفات اللي اعيز وانا اقول عنها لذيذه…وسبحان الله كل بلد له طريقه فيها وكلهم حلوين…في ناس تخلطها مع العيش المصري واللحم المفروم على الويه وفي ناس تخلط الفريكه مع الخضار مثل البزاليا والجزر اوالحمص وفي ناس تخلطه مع البرغل وتطبخه بطريقه برغل بدفين
المكسرات تعطي طعم لذييييذ حق الفريكه انصحكم ما تلغونها الا اذا ما كنتم تحبونها…ممكن تحشون الدياي بالفريكه قبل لا تدخلونه الفرن والباجي تطبخونه عادي ويكون شكله فاخر حق العزايم  خاصه اذا زيتنوه بالمكسرات مع اللحم المفروم واذا تحبون انزلكم الوصفه مع الصور
الفريكه حلوه تنوكل مه روب او سلطه روب بخيار وسلطه ناعمه وتقدرون ماي سلق الدياي تضيفون له شوي طحين ومستكه وتخلونه على النار لين يثقل شوي وتقدمون بجانب الفريكه
الخطوات اللي اذكرها تنفع حتى مع اللحم بس الدياي اخف من وجهه نظر ابوي…الدياي تقدرون تشوونه باي طريقه تحبونها مو الا تلتزمون بالوصفه او تقدرون تخلونه يطبخ بنفس جدر الفريكه على هواكم … الوصفه ماخذتها من ام ناصر ولذييييييذه واصلا ما افكر اغيرها بوصفه ثانيه
بالنهايه اقول تسلم ايد ابوي الغالي لانه اهو اللي باشر الطبخه :>…وبنهايه اليوم ما ظل منها ولا فتفوته مع اني زياده الجيله ههه
المقادير
ديايتين وزن كل وحده تقريبا كيلو مقطعه الى ارباع
علبه فريكا منظفه .. انا استخدمت هالمره ماركه كابيتلو وكانت متروسه وسخ فما انصحكم فيها لانها متعبه بالتنظيف..العلبه بعد
التنظيف عطتني 4 اكواب…وطريقه التنظيف تلقونها بوصفه الفريكه الثانيه اللي نزلتها
بصلتين كبار مقطعين ارباع لسلق الدياي
بصلتين كبار مفرومين
مكعبين ماجي
بهارات عدله تقريبيه  ( 10 هيل -4 ورق غار- 3 حبات مسمار- 10 حبات فلفل اسود -3 دارسين
5 حبات مستكه
قفشه صغيره دارسين ناعم+ شوي حق تتبيل الدياي
فلفل اسود ناعم لتتبيل الدياي
بهار ناعم تقريبا نص قفشه صغيره حق الفريكه وشوي عشان تبهير الدياي
ملح
روب لتبيهير الدياي
مكسرات مقليه مثل اللوز والصنوبر والكاجو
زيت نباتي او سمنه حسب الرغبه
الطريقة
نسلق الدياي مع البهارات  العدله والبصل الارباع والماجي ونتركها لين تنضج  مع ازاله الزفره اذا ظهرت…وبعدين نصفي المرقه عشان نستخدمها بالفريكه ونعدل ملحها اذا نحتاج
ناخذ الدياي ونخلط الروب والدارسين والفلفل الاسود والملح والبهار ونتبل فيهم الدياي ونحمرهم بالفرن..الروب رح يعطي تحميره حلوه وتقدرون تستغنون عنه اذا ما تحبون
نحمس البصل ونضيف له الفريكه المغسوله ونحركها لين تفلفل عدل يعني حوالي 5-10 دقايق وبعدين نزيد قفشه دارسين ناعم ونص قفشه بهار ونضيف ماي السلق لين تغطي الفريكه بحوالي 3 سم
نتركها لين تغلي وتنشف تقريبا وبعدين نغطيها ونخليها على نار هاديه 30-45 دقيقه من غير ما نحركها وقبل النضوج بشوي نقلبها ونتركها 5 دقايق على النار عشان نتاكد انها مفلفله عدل
ننجب الفريكه ونصف فوقها الدياي ونزينها بالمكسرات وبالف عافيه
Advertisements

8 thoughts on “الفريكه بطريقتي

  1. تسسسسسسسسسسسسسسسسسلم إييييدجمو بس الفريك للي ما يحبش الشريك الاكل عموما لا صار لذيذ صج صج مو مال يصير معاج شريك.إنزين شنو تنصحين ماركة ثانية حق الفريك غير إلي إستخدمتيها؟

  2. mellow********هلا وغلا بالغاليهوانا معاج 100%… بس ساعات طعم الاكل ما يحلى الا بالشراكه والسباق على اخر لقمه هههتصدقين عمري ما انتبهت على ماركات الفريكه الا هذي لانها صج لعوزتني بالتنظيف وعيني راحت وانا القط اشياء سوده ووسخ اخذي اي فريكه تحسينها نظيفه بس تاكدي انها خشنه… انا احب الفريكه الاردنيه او الفلسطينيه ازكى من التركيه والمصريه بس اذا حبيتيهم استخدميهمتاكدي بس ان نوعها خشنجربي سمراء عدن لاني دايم اخذ منهم… وباخر مره رحت فيها دين اند دالوكا هم شفت فريكه خشنه وشكلها نظيف بس ما جربتها بالطبخ :>

  3. شكلها مغرية للأكل ..بس تصدقين ..ما كد فكرت اني اطبخ طبخة من مكوناتها العيش او الفريك ولا خطر في بالي ابد ابد..بطبع الوصفة وبترجمها للهندي عشان الطباخ يسويها >>> اكبر عيازة ههههالله يعطيج العافية ..

  4. khuloud *********لوووولحياج الله حبيبتي وعليكم بالعافيه مقدمابالنسبه للعيوش اكثر شي اطبخه هههه… اذكر اول ما بديت اطبخ كنت اسوي مجابيس حق 10 اشخاص :>الفريك جربته مره بسوريا وبعدين حبيته وطبقته وان شاء الله يعجبكم انتو بعد :>ح

  5. أنا أديتج بنفس السؤال بس جم تحتاج تقريبا بالفرن ودرجة الحرارةز مشكورة حبيبتي وسامحيني على الإزعاج

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s