فته الكباب

من قبل جم سنه ذقت شي مشابه بمطعم برج الحمام  كان اسمه كباب باللبن حبيت الفكره  وصرت احب اطبقها مع اضافاتي…تقدرون تستخدمون اي نوع كباب حتى كباب الحجه
بتلاحظون اني سويت دريسنغ غير خلطه الروب مع الخيار…عشان مابي دبس الرمان يلون خلطه الروب وعشان كميه الحموضه مع الثوم تكون حسب اضافة الشخص نفسه… الريحان يعطي نكهه حلوه ويديده اذا ما حبيتو تقدرون تستبدلونه بالنعناع او البقدونس
اذا عندكم روبه بيت بتكون واايد احلى
المقادير
خبز مكعبات مقلي او محمص حسب الرغبه
ثوم مهروس
عصير ليمون
دبس الرمان
خل بلساميك
ملح
زيت زيتون
خيار مبشور
 كباب مشوي مقطع حسب الرغبه
ريحان مقطع باليد
سماق
هرده
الطريقه
نخلط تقريبا كميه من عصير الليمون وضعفها زيت زيتون مع ثوم مهروس وقفشه تقريبا دبس الرمان وقفشه خل بلساميك وملح ونتركها على جنب
نخلط الروب مع قفشه هرده مع الخيار المبشور مع شوي عصير ليمون وملح ونتركه
نصفه الخبز بطبق التقديم ونوزع فوقه الريحان وفوقهم خلطه الروب بخيار واخر شي الكباب  ونرش من الدريسنغ واخر شي نرش السماق وبالف عافيه
Advertisements

22 Comments اضافة لك

  1. Om MoD كتب:

    أمبيه بنوته ..شقول ….شكلها لذيذ وقمت اشم ريحة الكباب وخصوصا لما يبتي سيرت كباب الحجة :)واللي عجبني الخيار المبشور المخلوط بالروب ضروري أجربها :)يسلمو

  2. khuloud كتب:

    مثل ما قالت ام موود..شنقووول …!شكلها لذيذ ..الله يعطيج العافية …

  3. mellow كتب:

    أتخيل حلاوة دبس الرمان و البلسميك و حموضة الروب و بهارات الكباب خوش توليفةتسلم إيدج

  4. bent el deera كتب:

    Om MoD********يا اهلا والف سهلا ومرحبالو ادري بتعلقين جان زهبت البخور وفرشت لج الزل الاحمر :****جربيها وان شاء الله تعجبج… انااحب سوالف الاطباق اللبنيه عشان جذي تشدني هالوصفاتتصدقين عاد الصوره اللي بالبلوق من كباب الحجه هههههنورتي البلوق يالغلا :>

  5. bent el deera كتب:

    khuloud ********حياتي من ذوقج :>جربيها وان شاء الله تعجبج :>وحياج الله دووم

  6. bent el deera كتب:

    mellow *******بالضببببط :>الله يسلمج حبيبتي وحياج الله :>

  7. fatto كتب:

    الكله اتشوق .. اول مره الصراحه اشوف احد يسوويها .. يعطيج العافيه

  8. bent el deera كتب:

    fatto ******الله يعافيج حبيبتي وهالوصفه طلعتها جذي مع اضافاتي وان شاء الله تجربينها وتعجبج :>

  9. Sn3a كتب:

    انا تشوقت على الاكل الايراني الحين;pتسلم ايدجبسإلج عن حلو سويتيه من قبلاللي اهو حلو الكتكات بالتوفيشكثر لازم نحطه بالثلاجهانا سويته وصارله ساعتين واخواني كل شوي يقولون متى ناكل;pبس سويته التوفي بالارو والله وكيلج لو تشوفين التوفي يضيق خلقجماحصلت جاهز بماركس سبنسر 360 شسوي;p

  10. Om MoD كتب:

    تسلمين حبيبتي…أحرجتيني ….تسلم الأيادي ومن النادر من تسوين أطباق ما أحبها ..أقصد ما أحب مكوناتها :)ولا شغلج لا يعلى عليه ..إلا بغيت أسألج وين أم حسون عيل ..ننطر أكلاتها حطت أكله وتحسفت 🙂 لووووووووووووووووول

  11. bent el deera كتب:

    Sn3a*****يم يم عاد الجو هاليومين يبيله مشاوي :>الحلو ما بقعد وايد عشان البسكوت ( الليدي فنغرز ) بسرعه يشرب ويصير " سوغي "يعني من يبرد قدميه احسن :>بالنسبه للتوفي حسافه انج ما حصلتيه انا اخذه من السالميه عاده ومكود شكثره وفي انواع وايد منه …انا ذاكره عده طرق له بس بيني وبينج شغلته تملل عشان جذي اخذ الجاهز.. في نوع يديد اخذته من مركز سلطان اذا رديت البيت احطلج صورته حق المستقبل

  12. bent el deera كتب:

    Om MoD *******حبيبتي الله يسلمج وعيالج وحبايبج من كل شر :**ومشكوووره يالغاليه احرجتينيام حسون هالايام ماخذه اجازه من المطبخ ومن النت ههههه :>

  13. Sn3a كتب:

    صباح الخيرشكرا شكرا ام مود عالطريقهاهم شي اني كاشخه باهلي كل شوي مسويتلهم حلو;pالحلو هذا كلوه ديوانيه اخوي فما ذقتهوالمشكله البايركس رجع فاضي والشباب كل شي ياكلون ماتوقع يهمهم حلو ولا لا;pمشكوره حبيبتيانا حطيته 4 ساعات وخذوهبس شكله كان بارد مادريوعن التوفياليوم امر مركز سلطان خو حتى لو مابي اشتري شي اتمشىمشكوووووره

  14. mazyona كتب:

    امممممممممممممم المدونة كلها تشهي الأكل اتمنى نصير أصدقاء

  15. Magia da Inês كتب:

    Olá amiga!Conheci seu cantinho e é tudo de bom!Lindo, criativo, nutritivo e delicioso!…Parabéns pelo seu trabalho!Espero você em:magiadaines.blogspot.comUm ótimo fim de semana!Beijinhos.Brasil

  16. يسعد فؤادي كتب:

    السلام عليكم ورحمة الله وبركاتهالله يوفقك

  17. bent el deera كتب:

    Sn3a*****حياج الله حبيبتيوتسلم ايد ام مود على الوصفه :> واطالبج بوضع وصفتها ههههه

  18. bent el deera كتب:

    mazyona********حياج الله عزيزتي ويسعدني هالشي :>

  19. bent el deera كتب:

    يسعد فؤادي***********وعليكم السلام ورحمه وبركاتهالله يسلمج ومشكوره :>

  20. Moon Light كتب:

    موقعك روعةشكرا لك على مدونتك القيمة وأتمنى أن تزوري مدونتي وتقولي رأيك في التصميم والألوانوبصراحة أبحث عن متابعينوربنا يوفقك لكل خيرhttp://1-cooking-recipe.blogspot.com/

  21. bent el deera كتب:

    Moon Light**********حبيبتي عيونج الروعهوان شاء الله ازورج باقرب فرصه :>حياج الله

  22. Maya Ahmad كتب:

    واااو جميييل جدا وصفة جديدة بنسبة لي
    تسلم الايادي
    لازم جربها
    أنا بالعادة باخذ كل وصفاتي من موقع عندعم وصفات كتييييرة
    ومقاديرها دقيقة جدا
    https://www.maggime.com/recipes
    للي بحب يشووف او يجرب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s