الجزء الثاني من اخفاقاتي المطبخيه

بعد التفاعل الحلو اللي شفته منكم مع اخفاقاتي بالحلو بنزل لكم باجي المسلسل
اخفاقاتي بالاطباق الرئيسيه او الموالح مو وايد لاني ازيد وانقص على النظر مع الاشياء اللي احبها وماالتزم بالوصفه عدل .. غير ان تعديل الوصفه من هالنوع غالبا ما يكون سهل جدا
  • ملح زايد نزيد بطاطه
  • بهار زايد نزيد روب او نضيف ليمونه
  • خبزه على ويه الجدر تشيل ريحه العيش المدخن
  • ممم بعد ذكروني !!!
بس في تخربط ماقدرت امسحها او الغيها او حتى اسنع عليها منها

هالبرياني الحيدر ابادي اخذته من هالموقع الصراحه الطريقه ممكن تعجب احد غيرنا بس بالبيت ما حبوها بهاراتها وايد مع اني مقلله من الكميه + الطريقه اللي قال عنها طلع لي العيش لين نوعا ما… يعني لو بسويها مره ثانيه ( ما اعتقد )  رح اقلل بهاراتها … بخلي
العيش ينسلق بكميه اقل وبقلل من كميه الروب وبضيف ماي ورد على الويه
 
هالوصفه اخذتها من كتاب عبير الراشد بقسم وصفات الرجيم … استغفر الله يا ربي كلش مو حلوه عباره عن سمج بصلصه الزيتون والبصل مع الكريمه .. ما افكر اعيدها
 
 
مقلوبه سمج او سمج بقاعه الجدر او سمجد مشوي جدر كلهم نفس الوصفات حق نفس الاكله  .. زدتها خضار وايد ( زهره وبطاط وطماط  وكزبره وبصل …الخ ).. حسيتها طغت على نكهه السمج + تفللت عندي لما قلبتها بسبه كثره المكونات.. عدتها مره ثانيه وقللت الخضره وشلت الزهره لاني ما حبيتها مع السمج ولغيت الزعفران مع انها ما اثرت بالنكهه وايد وطلعت يمي لذيذه… الوصفه تلقونها بالبلوق هني
  
  
مره من المرات سمعت عن خلطه اللبنه بالشمندر … وقلت يا بنيه دام فيها لبنه وشمندر وانتي تحبين هالصنفين خلطيهم وشوفي شيطلع… نصيحه لا تجربون لان مالها طعم يمكن كنت محتاجه اخلط لبنه حامضه مع الشمندر وازيدها شي ثاني
Advertisements

11 Comments اضافة لك

  1. flaanh كتب:

    بنت الدييرة ..اخفاقاتج عجييبة ..ومنكم نستفييد..الله يعطيج العافية ..

  2. mellow كتب:

    ألحيييييييين مع الشرح خوش :))و منكم نستفيد …الحلو إذا ما ضبط الوضع يترقع روحي إشتري لج كيكة من برة و خلاص ، بس المالح ؟ لا و بعد لا صار على الغدا ، إذا ما ضبط صج صج قصة ويهعاد البرياني شكله عجيب …تصدقين شفت هالطريقة من قبل و خفت لا أسويه كله يتراوالي إن الدياي ما راح يستوي و العيش يا إنه يلزق أو يحترق …بس دامج سويته وطلع مش ولا بد خلاص ماني مجربته.الصلصة في الطبق الثاني ليش إنفصلت (ماي الصلصة بروح و حمسة البصل بروح)؟أحس هالطبق ما يبيله كريما كفاية ماي الخضار و تثقلينه بشويه طحين أو نشا بس إنتي الكريما متى حطيتيها؟آنا إذا بسوي صلصة فيها كريما كله أصب الكريما بالإخير لا طفيت النار لأني ألاحظ إذا ضفتها مبجر مع الحرارة الزايدة و الطباخ الزايد نصها يتكتل و ينفصل و النص الثاني يذوب يصير دهناللبنة و الشمندر ما طلعت نتيجتهم حلوة؟ عاد كله أفكر أدخل الشمندر في أطباقي و مترددة.يعطيج ألف ألف عافية و تسلم إيدج على كل حال :**

  3. bent el deera كتب:

    flaanh *******حبيبتي تسلمين :>مشكوورهواذا عندج اضافات يا ليت تعلمينا :>

  4. bent el deera كتب:

    mellow *******يا اهلا وسهلا بميلو الغاليه :>مشكوره على الاضافات القيمهبالنسبه للبرياني… الوصفه مو حلوه بس اعترف اني تعلمت منه سوالف.. هالوصفه الدياي طلع ترف براي خواتي بس خلطه البهارات والعيش ما حبوها… عاد مفكره ارد اطبق هالطريقه بوصفه ثانيه…انا استخدمت جدر ثقيل مثل ما قال :>الوصفه الثانيه تتطلب حمس الخضار واضافه الكريمه وهي على النار وصبها فوق السمج ووضعها بالفرن… انا استخدمت كريمه قليله الدسم وهذي ما تتحمل طبخ فحمست الخضار وخلطتها بارده وحطيتها بالفرن قلت حراره الفرن تكفيها بس طلعت هالنتيجهبالنسبه للشمندر… تصدقين ماله طعم.. يعني ما حسيت اني اكل لا لبنه ولا حسيت بطعم الشمندر … اذا ناويه تجربينه بسوالف ثانيه انا اشوف وايد يخلطونه مع الميش بوتيتو و مع المعجنات او مع المقالي ( كبب وخبز عروق ) وانا مفكره اضيفه بخلطه العيش ( شفته بكتاب هيل وزعفران ) بس حاليا مكتفيه فيه مع العصير والسلطات ههههوحياج الله مره ثانيه :>

  5. flaanh كتب:

    هلا بنت الديرة ..الي قلتيه هو الي اعرفه ..عمري في الطبخ قليل جدا يمكن من 3 سنين بس من بديت اطبخ ..واغلب طبخاتي سويتات وكيكات ومعكرونات ..اذا اعرف شي ما ببخل فيه عليكم…

  6. Fishah كتب:

    اخفاقاتج حلوه .. وبعدين لازم هالاخفاقات عشان نتعلم .. ماشفتيني لما سويت ميني جيز كيك لووول مالها ملامح هههههههههصاجه شكل السمج مع الزيتون ماااايشجع :)تسلم ايدج حبوبتي :*

  7. bent el deera كتب:

    flaanh*******حبيبتي ما تقصرين :>Fishah ********القمر من وين طالع :>ولهنا عليج :>الله يسلمج حبيتي من كل شر .. وادري صوره السمج اصلا تفشل ههههه

  8. Om MoD كتب:

    عزيزتي يا حلوج ويا حلو إخفاقاتج …عشان تتعلمين ..,مثل وما يقولون كل طراق بتعلوم وأنا أقولج كل خفقه بتعلوم …وشكرا على الإفاده ..:)متى بتعزميني ؟؟؟؟؟:)

  9. bent el deera كتب:

    Om MoD*******تسلمين يا قلبي يا ام الذوق كله :>وهذي الساعه المباركه اللي اعزمج فيها… قوليلي متى تبين :>

  10. Om MoD كتب:

    :)تسلمين حياتي ….ما تقصرين

  11. Ļa ƒéммé كتب:

    مشكوووره حبيبتي ولو ما التجارب اشلون انطور نفسنا وشكرا على التنبيه عشان ما انغلط نفس الغلطه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s