وصفات رمضانيه · اطباق رئيسية · اطباق رئيسية -الدجاج والطيور · اطباق رئيسية- اطباق الارز او العيش · اطباق شعبيه

مجبوس دجاج بالطماط

هالمجبوس له مليون اسم اما مجبوس طماط او مجبوس حساوي او مجبوس احمر او مطمطه (( اعتقد تنكتب جذي ))
انا ضفت له حشو مكسرات مع زرشت برايي تعطي طعم احلى… البهارات اللي استخدمتها ناعمه ومطحونه كلها من سمراء عدن
المقادير:
ديايه منظفه
طماط مهروس
بصل مفروم
ثوم مدقوق
فلفل اخضر حار ( للنكهه ومو ضروري )
بهارات المجبوس كامله ( كزبره و هيل و مسمار وهيل حبشي و بهار وفلفل اسود وورق غار ودارسين وزنجبيل )
ملح
بهارات ناعمه
بزار
ليمون اسود ناعم
هيل ناعم
معجون طماط
عيش مغسول ومنقوع بماي وملح لمده ربع ساعه
خليط من سمنه وزيت
صنوبر
لوز 
زرشت
 
الطريقه:
نحمس البصل واذا ذبل نضيف له البهارات ونحمسهم لين تطلع ريحتهم
نضيف الهيل الناعم والبهار واللومي والدياي ونقلبها على النار مع البصل والبهار وبعدين نضيف الطماط والملح والماجي اذا حبيتو والفلفل ونخليها تطبخ لين تستوي ثلاث ارباع 
نشيلها ونرش عليها بهار ناعم ودارسين ناعم ولومي وهيل وندخلها الفرن تتحمر
 
الحشو: نقلي المكسرات في البدايه ونشيلها على جنب
نغسل الزرشت وننقعه بماي دافي عشان يتفتح
نقلب البصل على النار من غير زيت مع رشات ماي لين يذبل وبعدين نضيف الزيت والهيل الناعم والدارسين والبهار مع المكسرات والزرشت واذا تحبون ضيفو ماي ورد يعطي ريحه حلوه وقلبوه قلبتين وبعدين قدموه مع المجبوس وبالف عافيه
 
Advertisements

18 thoughts on “مجبوس دجاج بالطماط

  1. شاي الضحى**********لووول ترا مو غريب وفي بيوت تسويهانا ذاكره طريقه المجبوس العادي في البلوق من زمان وذكرت هالطريقه للافادهالله يسلمج حبيبتي من كل شر وحياج الله :>

  2. عوده حميده ….وحمد الله على سلامتج حبيبتي….:)يا حلات الديايه وهي منسدحة فوق العيش ..ويمها الحشو:)تدرين أنا غرامي شي اسمه حشو ….آكل وأحط وارد ىكل والسبب الحشو :)…وكل شي حساوي يكون رهيب :)وإذا في زرشت ( أنا أسميه زرشك :)) ما أدري ..لذيذ يعطي حموضه …تسلم اليادي وبالعافية على قلوبكم …

  3. أهليييييييين شخبارج …وينج غطيتي؟تسلم إيدج …آنا من زمان ذقت المجبوس المطمطم و عجبني بس كان مجبوس لحم مطمطمإنزين يعني ألحين الدياية ما تفوحينها بس تقلبينها على النار و بعدين تدخلينها الفرن؟

  4. Om MoD******حبيبتي ام مود :**ولهت عليج انا بعد احب الحشو واحب اتفنن فيه … بس الحشو الاصلي ماقدر اكله عشان النخي :(جربت مره سويته بصل وكشمش وحطيت معاه شوي صبار صار حامض حلو هههههترا انا مادري شنو اسمه الاصلي بس اللي شريته منه يقول زرشت :/سوري على الغلطه المطبعيه وان شاء الله اعدلها جريبمشكوره حبيبتي :>

  5. mellow*******اهلييين وسهلين عوده حميدهمس يوبالنسبه للمجبوس اللحم ترا نفس الطريقه وانا منزله الطريقه بالبلوقالدياي افوحه بس ما اتركه ينضج كامل .. باجي النضج اخليه بالفرن او اذا تحبينه مقلي تقدرين بس احسه اخف بالفرن :>حياج الله يا عسل :>

  6. تسلم ايدج بس اول مره اعرف ان مجبوس بدون عيش ؟ عادي يعني ؟وزيين شنو الزرشت ؟ وسمراء عدن مطحنه أكييد صح ؟ وين صاايره ؟ويعطيييج العاافيه ^^

  7. OpTiMiStiC Ra'3m El'6rooF**************************هلا فيج ونورتي بزيارتج الاولى :>المجبوس فيه عيش بس يمكن الصوره مو موضحتها عدلالزرشك تحلصينه بالمحلات الايرانيه …انا اشتريه من طرقبه بايران مطحنه سمراء عدن تحصلينها بشرق ورا دوار المخفر واعتقد تحصلين الزرشك فيها :>حياج الله دوم

  8. السلام عليكم ورحمة الله وبركاته يعطيج العافيه اختي بس ممكن توضحين الدياي شلون فحتيه والعيش شلون سويتيه اذا ما عليج كلافة يعني الدياية منظفة اوكي حطينا البصل و البهار وكل شي والثوم وحمسناها على طول ؟ وبعدين شلون انفوحها ؟يعني احمسها بعدين اصب عليها ماي وايد واغطيها واخليها تطبخ ؟ولا اطبخها 3 ارباع بعدين احمس بعدين فرن ؟امبيه آسفة والله بس ما فهمت يا ليت اتوضحين الله يجزاج خيييييييييير اتمنى اسويها شكلها اينن مشكورة حبيبتي :@

  9. غير معرف**********الظاهر كنت وايد مستعيله وانا اكتب الوصفهحبيبتي تحمسين الدياي عادي وبعدين تضيفين له الماي وتخلينه تفوح بس من غير ما تستوي الديايه سوا كاملوبعدين تمسحينها بالزيت و ترشين عليها البهار الناعم وتدخلينها الفرن او اذا حبيتي تقدرين تقلينهاماي الفوح تشخلينه عشان تنخلص من البهارات وبعدين تردينه على النار واول ما يغلي تجبسين عليه العيش واذا نشف الماي على العيش تتركينه على نار واطيه عشان يتسكر واذا حبيتي رشي هيل ناعم على الويه عشان يعطيه ريحه حلوه :>اذا تحبين العيش يلمع وما يلزق ببعضه صبي شويه زيت على ويه العيش او حطي زبده :>اتمنى شرحي وضح الحين واذا بغيتي اي شي من عيوني:>

  10. السلامـ عليكمـ شلونج شخبارج ؟اللحين بعد السلام يبدا الكلام أغضج يعني أنا يوعانة و قلت أنتي ملجأي الوحيد ليش مو منزله اشياء بس مجبوس و ليش أول شي يطلع لي مجبوس … على العموم أنا رايحة أفترس مدونتج لووولو أشوف شي سهل و لذيذ… I ReallY M!Ss being here and watching U'r joyful meal picture^_^

  11. خاتون ******هلا وغلا حبيبتي وكل عام وانتي بخيرمس يو تووالصراحه نبهتيني .. عندي شكثر صور ومتكسله انزلهم وكل يوم اقول باجر… ومركزه على الثانيه وهاده هذيان شاء الله اييب فلاشي وارد انزل الوصفات :>انتي تامرين امر …وسامحوني على القصور

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s