هالوصفه نسيتها فتره طويله وتفاجات اني ما نزلتها
استخدمت بالحشوه سبانخ فرش مع رمان تقدرون تستخدمون السبانخ المثلج او السلق و تقدرون تطبخونه على النار وتبردون الحشوة وتقدرون تستبدلون الرمان بالجوز يعني خيارات الحشوات مفتوحه حسب الرغبه
استخدمت عجينه هند الذهبيه و خلطت الطحين اسمر وابيض :>
العجينه تلقونها بهالرابط
مقادير الحشوه حسب الرغبه مثل ما قلت :
حبتين بصل مفرومين ناعم
نصف حبه رمان فرط
سبانخ فرش بمقدار 3 ربطات او شدات
1 م ك سماق
1 م ص دبس رمان
1/2 م ص بابريكا
عصير نص ليمون
زيت زيتون حسب الرغبه بس لا تكثرون عشان لا تتبطل العجينه
ملح
الطريقه:
في البدايه نفرم البصل مكعبات ونضيف عليه السماق وونفركه بالبصل ونتركه فتره
وبعدين حطيت سبانخ فرش و كميه متساويه من زيت الزيتون وعصير الليمون والملح وخليته فتره تقريبا ربع ساعه عشان ينزل السبانخ الماي وبعدين عصرته بيدي عشان السوائل تفتح العجينه وهي بالفرن وخلطته مع البصل والرمان الفرط وحطيت عليه قفشه صغيره دبس رمان وهني الحشون تكون خالصه
نحط ببالنا ان العجينه اذا فيها طحين اسمر تاخذ وقت تخمير اكثر من الطحين الابيض او تقدرون تزيدون الخميره عشان ترفعها بنفس وقت التخمير العاديه نرقها ونقصصها دوائر
ونحط الحشوه بالنص بس ما نكثر وايد
نسكرها ونقرص العجينه عدل عشان ما تفتل نمسحها ببيض مخلوط مع حليب و تقدرون تخلطون بيض ونتفه قهوه اذا تبونها محمره وترشون سمسم بالويه وتدخلونها فرن 180 لحد ما تتستوي وبالعافيه :>
My Kitchen 
تسلم ايدك على هالطبخه الروعه امووووت على فطاير السبانخ ماقدر اقاومها
ماشالله تسلم ايدج عاااااد حدي مشتهيه فطااايرلووووول
Q8-HANDICAPالله يسلمج حبيبتي وصج السبانخ روعه بالفطاير :)ونورتي بزيارتج الاولى :>
Crazy Girl in aGood Way حبيبتي الله يسلمج وليتج يمي جان سويلتلج :>
تسلم ايدج شكلها حلو :)عليكم بالعافيه
شاي الضحى**********الله يسلمج كم كل شر وعيونج الحلوه :>
السلام عليكم اختى ان شاء الله دوم بخير حبيبتى وصفاتك منقوله لبعض المنتديات الاخرى ومنسوبة لاخرين كيف التواصل معك
ام العيال*********وعليكم السلام والرحمه مشكوره حبيبتي على التنبيهوفعلا شكر اشوف وصفات لي مذكوره بالانترنت من غير ما يذكرون انه منقول او ينسبون هالوصفه لهم .. في منتدى لقيت وحده تدّعي انها صاحبه البلوق .. ومالقيت حلبس ماقدر امنعهم ولا امنع روحي اني انزل وصفات … وكنت احتر من هالشي بس بعدين فكرت انا حاطه البلوق اول و تالي عشان اشاركم وصفاتي ودام انها توصل معناها انهم يحبونها وهالشي يكفيني :>عموما ايميلي اذا حابه تتواصلين معايnew.identity.2@gmail.comوحياج الله :>
ارسلت لك يا الغلا
حبيبتي شيكت ايميلي وما وصلني شي
روعه الطريقهانا من عشاق السبانخمشكوره ع الوصفه 🙂
اقصوصه*******حياج الله حبيبتي :>جربيها وان شاء الله تعجبج :>
اممممممممم..شو ممكن نحط بدال السبانخ؟؟لاني ما اكله..الله يعطيج العافية خيتووو..
ما شاء الله , الفطاير شكلها بيجنن , اللهم صلي على النبي , الف صحة و هنا على البكن , اشتهيتهن و الله 🙂