simple pizza البيتزا السريعه

كنت اشوف اليوم food network  وكان البرنامج سؤال وين الذ بيتزا اكلتها؟
الاجوبه كانت عذاااااااب .. اصناف بيتزا عجيبه وغريبه شي معاه فستق وشي بيض وشي ككاو مع مارشميلو وموز
بس اتفقو على شي واحد السمك يكون ضعيف ومقرمشه… وامتن بيتزا شفتها كانت اضعف من الثن كرست بمطاعمنا من طقه دومينوز وبيتزاهت و باباجونز يخلينا نتسالءل ليش  ثقافه البيتزا عندنا غير ؟؟
عقب البرنامج ما قدرت  اقاوم وننزلت اسوي لي بيتزا بالافكار اللي شفتها… سويتها والنتيجه يم يم لذييذه صراحه ما قاومت واكلت قطعه قبل لا اصور…
يوم رحت المطبخ ماكان  لي خلق اعجن بس الخبزه الخفيفه لها نفس المفعول استخدمت خبز اسمر خفيف عشان الالياف
صلصه البيتزا تقدرون تستخدمون اي شي انا عندي صلصه بيتزا مسويتها وحاطتها بالثلاجه … اذا كنتم بتستخدمون الصلصه الجاهزه عدلو الملح على ذوقكم لان اكره شي تاكلون بيتزا ماصخه
والحشوه كان عندي جم نوع مشروم
نوع الموتزريلا الي استخدمته قالب من مركز سلطان وينن يذوب ذوبان واللي تحب المبشور استخدمو ماركه كرافت لانه احسن نوع مبشور بوجهه نظري وهم تحصلونه بمركز سلطان
الطريقه
اول شي ابطل الفرن على اعلى درجه حراره وارفع الشبك حق اول رف
لاني كنت ابي الخبزه مقرمشه فسخنتها وحطيت فوقها الصلصه وانواع المشروم والجبن ولاوريغانو
دخلتها الفرن وباقل من 10 دقايق صارت جاهزه بس نطرو يذوب الجبن
رشو عليها زيت زيتون على الويه وبالف عافيه
Advertisements

18 Comments اضافة لك

  1. chandal/danchal!! كتب:

    مساء الخير والعجين:)المشكلة بالجبن يا اختي… الكرست مقدور عليه بس الجبن ما عمري ذقت بيتزا تفج العين بالكويتبيتزا اكسبرس احسن الموجود… بس يظل جبنها مطاعة!

  2. شاي الضحى كتب:

    عليج بالعافيه شكلها لذيذه خبز عيين توست صمون اي شي المهم بالنهايه راح تصير بيتزا ههههههه تسلم ايدج 🙂

  3. Crazy Girl in aGood Way كتب:

    علييييج بالعافيه وخووش فكرة وجان حطيتي صوص داخل اتوقع يصير حلوة بعد :)شكرا

  4. mazyona كتب:

    مشكووووووووووورة على الطريقة الحلوة

  5. Q8-HANDICAP كتب:

    تسلم ايدج الحلوهبصراحه حدها تشهي وانا بعد ترا كل مادر اقاوم البيزابالكويت احلى بيزا بابا جونز وعقبها دومينوز بيزافي امريكا بيزا الدومينوز الحلى شي عقبها بيزا هوت اما بابا جونز في امريكا تعييييييسه

  6. nosa كتب:

    أنا احسن بيتزا اللي أسويها بالبيت اللي نفس طريقتجعشان نفس ماقلتي المطاعم ما يظبكونها عدلفلما أسويها بنفسي أقدر أتحكر بقوة طعم الصلصلة و الجبن و التوبينجعن نفسي أعلى بيتزا أكلتها من مطعم إسمة جبنغو في دبي… بيتزا و لا أحلىبالعافية

  7. bent el deera كتب:

    chandal/danchal!!******************هلا وغلا بالطش والرشوصاجه الجبن والزيت الزيتون اهو اللي يعطي الطعم كلهحاليا انا استخدم جبنه هالماركه واحصلها من مركز سلطانhttp://media.telemarket.fr/imgnwprd/000/000554/00055417/00055417-t0.jpgجربيها جود تعجبجو انا اشوف بيتزا اكسبرس وبيتزا شاي ونعنع احسن الموجود :>

  8. bent el deera كتب:

    شاي الضحى**********الله يعافيج حبيبتي و هههههه عدل كلامج اهم شي النتيجه النهائيه :>

  9. bent el deera كتب:

    Crazy Girl in aGood Way************************ممممم اتوقع بعد بتصير الذ… ان شاء الله المره اليايه :>مشكوره على الاضافه القيمه وحياج الله حبيبتي

  10. bent el deera كتب:

    mazyona********حياج الله حبيبتي :>

  11. مـي كتب:

    تسلم يمينجشوقتيني ، وانا احب البيتزا..

  12. bent el deera كتب:

    Q8-HANDICAPحبيبتي الله يسلمج ومشكورهبيتزا باباجونز حلوه وهي حاره اول ما تبرد ما تعجبني 🙂 مشكوره على الاضافات الحلوة

  13. bent el deera كتب:

    نوسا حبيبتي كلامج صح :)وعاد ان شاء الله بنروح الاسبوع الياي دبي وين صاير المطعم ؟ بروح اكل واثوبلج 🙂

  14. bent el deera كتب:

    نوسا حبيبتي كلامج صح :)وعاد ان شاء الله بنروح الاسبوع الياي دبي وين صاير المطعم ؟ بروح اكل واثوبلج 🙂

  15. bent el deera كتب:

    مي الغاليه الله يسلمج من كل شر حبيبتي وحياج الله 🙂

  16. flaanh كتب:

    يم يمييييي ..الجيز وهو سايح خرااافي الصرااحة ..بنت الديرة قريت انج بتين دارنا ..يله تعالي صوبنا ..واذوقج من اكلنا..بالتنوريين يالغالية ..

  17. bent el deera كتب:

    فلانه الغاليهاي ان شاء الله بالويكند بكون عندكم ومشكووووره يا قلبي على الدعوه اعتبريها وصلت :***مشكوره مره ثانيه :>

  18. Anonymous كتب:

    ana adris barra o ma 3endi oven fi il apartment bs 3endi microwave o amoot 3la il pizza iser asweha bil microwave,anqitho mab3othan yizakom allah 5air, globat 6rarah:p

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s