اطباق رئيسية · اطباق رئيسية-اطباق نباتية · اطباق رئيسية-باستا او المعكرونه

my comfort food ….pasta باستا برومودورو

لما اكون بردانه ويوعانه غالبا ادور شيين واحد منهم هالباستا…. سهله وسريعه ولذيذه..دايما الاشياء البسيطه بالمطبخ دايما تكون الالذ وبالنسبه لي هالباستا مع سلطه جرجير يمها من الاطباق المفضله جدا عندي
الطماط المعلب انا استخدمه لان الطماط يكون فيها من غير قشر … اذا حبيتو تسونه بالبيت حطو الطماط بماي حار دقيقتين وبعدين حط بماي مثلج وبتشوفون القشره بروحها تطلع
الزيتون المستخدم اسباني واذا ما تحبونه او تحبون اي نوع ثاني تقدرون تضيفونه
اهم شي انهم تخلون الصلصه تطبخ على راحتها لا تستعيلون عليها واهي بالنار.. انا خلطت نوعين لاني احب التشيري فيه حلاوه تمشي مع الباستا


المقادير:
طماط تشيري مقطع ارباع
علبه طماط مع عصيرها واذا حصلتو النوع الايطالي يكون افضل
نص حبه فلفل احمر بارد
جم ورقه ريحان
زيت زيتون
زيتون اسباني
بصل 
ثوم
اعشاب ايطاليه
ملح وفلفل اسود وشوي شكر عشان يعادل حموضه الطماط
باستا مسلوقه تقريبا ثلاث ارباع سلق
شوي من ماي السلق

الطريقه:
حمسو البصل وضيفو له الثوم والفلفل والريحان والطماط والملح والفلفل الاسود والاعشاب وحركوه شوي وبعدين ضيفو علبه الطماط وخلوها على النار لين تثقل نضيف الزيتون
خففوها بماي سلق الباستا وبعدين نضيف الباستا لين تتشرب الصلصه وتقدم بالف عافيه

Advertisements

17 thoughts on “my comfort food ….pasta باستا برومودورو

  1. يعطيك ربي العااااافية ويوفقك دنيا وآخرة قولي آآآآآآآآميييينالله يجزاااك خييير على هالوصفااات اللي تسيل اللعاب معاها ..ماشاء الله عليك فناااانه مطبخ!!

  2. تسلم ايدج انا احب هالسوالف وان شالله راح اسويها بس عندي سؤال مافهمت على سالفت الطمام اول شي قلتي الحمسه معاها طماط وعقب بعد ضفتي طمام مرا ثانيه شنو الفرق بينهم

  3. Q8-HANDICAPهلا حبيبتي ان شاء الله تسوينها وتكون على ذوقج .. الطماط اللي ضفته بالحمسه اول شيء طماط التشيري عشان يذبل وبعدين ضفت علبه الطماط مع عصيرها عشان الصلصه ﻻنها تحتاج وقت اقل عشان تذبل وتنهرس مع الصلصه 🙂

  4. أنا مريضة اليوم و عنت علي هالباستا اللي شفتها عندك… سويتها و إلا تينن!!! تسلم إيدنك و مشكورة وايد على الوصفة العجيبة! أهم شيء ريلي يسأل من وين الوصفحة أقوله في بنية بالنت حاطتها بالمدونة … يقوللي بعد إشعندها وريني أكو عيوش؟ لوووووول عجبته الوصفة وايد!

  5. اممممممممم ..مب من عشاق الريد صوص ..اكثر شي احب الوايت صوص ..الله يعطيج العافية ..بجربها حق خوااتي ..

  6. Danderma حبيبتي ما تشوفين شر … وعليكم بالف الف عافيه واستانست وايد ان عجبكم :>حياج الله باي وقت ولا تقاطعين :>

  7. Q8-HANDICAPلا حبيبتي انا اقصد علبه الطماط اللي تكون مع عصيرها تضيفينها عشان تكونين الصلصه … مثل هالصورهhttp://web.mouser.org/projects/cooking/chili/photos/diced_tomatoes.jpgوبعد ما تتركينه على النار فتره بينشف شوي عشان جذي تضيفين ماي شوي وبعدين تضيفين الباستا عشان تتشربها :>

  8. flaanhهلا حبيبتي … ان شاء الله تجربينها وتعجبج تصدقين انا عكسج ماحب الوايت صوص وايد بس خواتي وايد يحبونها :>

  9. يعطيك ألف عافية! عاد أنا مالي كبد على الجيانت مشروم خاصة إني نباتية فاهي عز الطلب!أنا عادة اسويها بهالطريقةhttp://danderma.wordpress.com/2009/03/25/meet-2days-diet-lunch-the-giant-mushroom/

  10. Danderma*********الله يعافيج حبيبتي وطريقتج شكلها ما شاء الله يننبجرب اسويها خاصه انها اسرع ههههتسلم ايدج ومشكوره على الاضافه القيمه :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s