وصفات صحيه قليله السعرات او الدهون وتصلح للرجيم · اطباق رئيسية · اطباق رئيسية- لحوم · اطباق رئيسية-باستا او المعكرونه

ستيك بتتبيله اكليل الجبل ( روزماري )



من الاسباب اللي خلتني انزل هالبلوق اني اشاركم بوصفات قليله السعرات والدهون او اشاركم بخطوات منها تقلل الدسم ومنها نخفف الكالوريات المبطنه وما نحس فيها عشان جذي بلوقي الاول اسمه يوميات بطوطه كويتيه واقصد بالبطوطه نفسي طبعاوكنت بكتب فيه وصفات ويومياتي مع الرجيم وافكار صحيه مني ومناك بس بعدين قلبته قرقه وخليت كل وصفات الاكل هني

الحين البطوطه اللي تسوي رجيم بتشاركم وصفاتها وان شاء الله تعجبكم واوعدكم ان التغيرات البسيطه مرح تاثر بالطعم … كنت بنزل وصفه بهديها حق صديق الكفاح الرجيمي صديقي بالدوام بس للاسف الصوره مادري وينها

نرد للوصفه استخدمت ستيك مافيه دهن اخذته “راوند اي ” بس حاولو تاخذون قطعه نظيفه ومافيها عروق وايد
الروزماري او اكليل الجبل تقدرون تاخذونه شتله من مركز سلطان او المشاتل :>
الكميه اللي بالصوره نص كوب باستا و قطعه ستيك اكبر من نص الكف بشوي :>
المقادير حق قطعتين ستيك:
ثوم مهروس قفشه صغيره
قفشتين صغار زيت زيتون ( رجيمي يسمح لي ب 4 طول اليوم )
كميه روزماري كثر ما تحبون
3 قفاش صغيره عصير ليمون
بشر ليمون كامله
ملح وفلفل اسود حسب الرغبه
مطري اللحم اذا حبيتو

الطريقه:
نخلط مقادير التتيبل عدا الملح  ونتبل فيه الستيك ونتركه ساعه 

عقيها نشويه نحطه بمقلا مضلعه وتكون ساخته نرش الملح ونشويها 3 دقايق بكل جهه عشان تاخذ لون حلو وبعدين ندخلها فرن حار ( بحدود ربع ساعه او اقل )
وقدموها مع سلطه خضرا او باستا وعليكم بالعافيه وترا طريقه الباستا اذا ذاكرتها من قبل بس قللت زيت الزيتون وشلت الزيتون وحطيت اعشاب اكثر :>
 
Advertisements

11 thoughts on “ستيك بتتبيله اكليل الجبل ( روزماري )

  1. اهلييييييين بنت الديرة ..تعرفين ..كل ما اسوي استيك يطلع لي ناشف وما ينكل ..ماعرف ليش ..شو السبب يا ترى ؟بس من الصوورة شكلة مشهي ..الله يعطيج العافية..

  2. هلا فيج يالغاليه :)الستيك يكون عرد لما ينطبخ وأيد بالشوايه جربي تقللين فتره الطبخ ولا تقلبيه وأيد ولا تضغطين عليه وبعد ما يستوي غطيه بقصدير وخلي 5 دقائق عشان يحتفظ بعصاراته ومايكون ناشف.جربي تستخدمين مطري اللحم بالتتبيل إذا كانت القطعه مافبها دهن أو شحم لأن الدهن يخليها أطرى بالشوي وهم جربي مع بهاراتج تتبلينها بسفن اب يطري اللحم وأيد ومثل ما قلت لج لا تطبخينها وأيد وخلي النار متوسطه ومايله للحاره 🙂

  3. ماشالله ماشالله الله يهداج بس بنص الليل افتح صفحتج والقى هالأكلات الحلوة تسلم ايدج ابي الحين يوعتيني يعني شلون 😦

  4. تسلم ايدج هذا باجر غدانا انشاالله والله لا يحرمني من وصفاتج الحلوة :)اخيتج كلش ميح بالطباخ بس جربت جم شغلةمن وصفاتج والحمدلله طلع تمام!

  5. فيوناحبيبتي ما تقصرين … واذا بغيتي دزي لي عنوانج بالايميل ويوصلج برسم الخدمه :>

  6. زبوطهحبيبتي عليج بالعافيه وونستيني وايد ان بعض وصفاتي عجبتجمشكووووره وايد :>

  7. يعطج العافية اختي ….مشكورة علا هالاكلات الرائعة. ،، أنا جربت المفن بس ماكان عندي البلوبري فعوضته بالزبيب والدقيق الأسمر بعد بدلته بدقيق عادي الانتفاخ كان جداً ممتاز والشكل بعد بس المشكله مادري ليه كان طعمها مر يمكن لأني غيرت هالشيين ؟؟؟؟؟؟؟ ودي اسويها واضبطها

  8. غير معرف اول شي شكرا جزيلا على الحجي الحلووبالنسبه للطعم المر بالمفن بسبب كميه البيكنغ بادور لانه حسب علمي يعطي النكهه المره بالكيك والحلوالطحين الاسمر يحتاج مواد رافعه اكثر من الطحين الابيض وعاجه على كل كوب طحين ابيض تحتاجين بس ملعقه صغيره بيكنغ بادور او نص ملعقه صغيره بيكربونات الصوديوم… انا انصحج تقللين مقدار البيكربونات لي نص او ربع ملعقه صغيره والبيكنغ بودر لي ملعقه صغيره او ملعقه ونص وشوفي الفرق مع ملاحظه ان الانتفاخ رح يقل واذا تحبين وصفات ثانيه حق المفن انصحج بوصفهhttp://thepioneerwoman.com/cooking/2008/08/dairy-contest-finalist-recipe-the-awesome-est-blueberry-muffins/انا ما ذقتها بس عجبت صديقاتي يوم سويتها لهم :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s