فيليه السمك مع طماط مشوي بتتبيله الاوريغانو

الغاليه والعزيزه والمختفيه طز بالرجاله نبهتني اني هامله هالركن اقولها سمعت كلامج عاد يالله ردي من غيبتج ونزلي لنا بوستات :>
هالوصفه سهله جدا جدا جدا وما فيها دهن زايد…. الاوريغانو اللي استخدمته فرش .. كل كميات المقادير حسب الرغبه .. كنت بضيف له صلصه سمج وهي بديل عن الصويا بس للاسف كانت مخلصه … تقدرون تكثفون الصلصه المتكونه من عصاره الطماط والسمج والبصل عن طريق تسخينها على النار واضافه شوي طحين بس بالنسبه لي اذا باكل طحين ابيه يكون خبز  ههههه
روحو مركز سلطان اخذو الطماط اللي يكون عثق كامل شكله بالتقديم يكون نايس .. السمج المستخدم هامور تقدرون تستخدمون معاه اي نوع فيليه سمج
البخاخ اللي استخدمه زيرو كالوري وبزيت الزيتون وهم تحصلونه بمركز سلطان





المقادير:

صلصه ثوم ( تلقونها بعلب نفس الصويا صوص واذا مو موجوده استخدمو ثوم مهروس )
اوريغانو مفروم
عصير ليمون
ملح وفلفل اسود
بهارات سمج ( استخدمت ماركه ماجيك )
وبابريكا
زيت زيتون
بصل مفروم او مقطع حسب الرغبه
طماط
سمج فيليه

الطريقه :
نغسل السمج بالطريقه المعتاده ونرشه بالبهار والبابريكا وعصير الليمون والملح
نخلط الثوم مع الاوريغانو والفلفل الاسود والزيت 
نتبل السمج  والباجي على الطماط
نفرش البصل المفروم بصينيه الفرن ونحط فوقه السمج والطماط وندلخهم فرن حار لين يستوون وبالف عافيه

11 thoughts on “فيليه السمك مع طماط مشوي بتتبيله الاوريغانو

  1. يقول bent el deera:

    أبوفلان********الله يعافيك اخوي :>وصج هالطبق خفيف ولذيذ وتر البلبوق فيه وصفات رجيميه ثانيه ان شاء الله تعجبك :>

  2. يقول bent el deera:

    Fishah******اهلا صديقتييييييي الغائبه الحاضرهالله يسلمج من كل شر وشكر :***

  3. يقول طز بالرجالة:

    ويه ويهيا عل عيني ما تبجيييج ان شاء اللهاموووووووووحمشكورة يا حلوة و عودة حميدةابي خلطة دياي…سويت وحده بالزعفران و الهيل و الروبو ذاك اليوم اتبعت وصفتج بتنظيف السمكةبس هاااا ما فرشت لها اسنانها مثلج..اخاف تعضنيهههه

  4. يقول bent el deera:

    طز بالرجالة************لوووول والله عسل :>وبالنسبه حق الدياي مممممم جني منزله وصفات وهالايام بس ابهر الديايه بليمون اسود وبهار وفلفل اسود وملح وثوم واحط تحتها حلقات بطاط وارش عليهم زيت زيتون وادخلهم الفرنبيني وبينج مع حالتي الصحيه هالايام دخلتي حق المطبخ من النوادر بس اشوف اذا مو منزله طريقه منال العالم اسويها بالويكند وانزلها خواتي وايد يحبونها وان شاء الله تعجبج انتي بعد :>

  5. يقول bent el deera:

    '3ShMrGiaH**************الله يسلمج حبيبتيوما طلبتي شي قوليلي بس متى تحبين واسوي لج :>

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s