برياني جدتي


برياني يدتي  الله يطول بعمرها ماله علاقه بالبرياني الهندي الا بالاسم… عباره عن حمسه دياي مع اي نوع من انواع الخضار اللي بالثلاجه ينحط طبقات مع العيش طبعا من ايد يدتي غيييير
ذكرت بوست الغاليه ميلو لما تقول البرياني ما يسوونه الا قبل السفر… هالطبق يذكرني بلبلنان باخر الصيفيه لما بنرد الكويت وبنفضي الثلاجه
 تقدرون تضيفون روب مع الحمسه اذا تحبون وانا جربتها مره وطلعت حلوه …بس احب اسويها مثل ما تعلمتها من يدتي … عشان تكون اخف سلقت البطاط واستغنيت على الزيت اللي بويه العيش



المقادير:
دياي مقطع ومشيول منه الجلد
بطاط مكعبات مقلي او مسلوق حسب الرغبه
بصل مكعبات
زنجبيل مفروم
ثوم مفروم
بزار بحريني
ماجي مكعبات
زعفران منقع بماي ورد

هيل ناعم
بهار
كركم
معجون طماط
عيش مسلوق ثلاث ارباع سلق
زيت وسمنه 

 
الطريقه:
نحمس البصل ونضيف له الثوم والزنجبيل والبهارات والملح 
وبعد ما يذبلون نضيف المعجون والدياي ونخلطه واذا احتاج ماي نضيف شوي عشان لا يلوق بالجدر ونضيف شوي زعفران ونتركه لين يستوي
بعد ما يستوي نضيف البطاط واذا حبيتو تقدرون تحطون بقدونس مفروم او نعناع مفروم
 

ناخذ جدر التقديم وتحط فيه عيش وبعدين حمسه الدياي واخر طبقه عيش ونرش باجي الزعفران بالويه مع شوي زيت ورشه هيل مطحون  ونتركه على نار خفيفه لين يتسكر العيش عدل ويقدوم مع روب وخيار وبالف عافيه :>

18 thoughts on “برياني جدتي

  1. يقول طز بالرجالة:

    حبي عندج صور غيرها؟ ابي اشوف و دي اسويها بس ابي الخطوات

  2. يقول أبوفلان:

    يعطيج العافيه فعلا احب البرياني الي على الطريقه العيايزيه هههههه نفس طريقة الوالدهأمام مال الهنود لا يحوشك كله بهارات وخرابيط وتقعد تنقي العيش عشان تاكل عدل شكرا

  3. يقول mellow:

    ميلو سمعت من يطريها و يت ركض :***تسلم إيدج و إيد يدتج و الله يطول لكم بعمرها

  4. يقول bent el deera:

    طز بالرجالة **************للاسف ما عندي صورها بالخطوات … ان شاء الله ارد اسويها بعد جم يوم واصورها بالتفصيل :>وترا ما يبيلها شي بس حمسه دياي وحطيها بين طبقتين عيش وفوقهم زعفران :>

  5. يقول bent el deera:

    B & D ************ thank u sweety :Dand i f you need any help in translation i'll be more than happy to write it down in english for youu may have difficulties because i'm writting in "kuwaiti" not arabic hehehehehethanx again for ur comment …you make me happy :>

  6. يقول bent el deera:

    أبوفلان*******ايي لووول يدتي بريانيها ما في بهارات زودبس بيني وبينك مو بس البهارات النفس … امهاتنا عليهم نفس غيييير تبارك الله استانست ان الوصفه عجبتك وحياك الله اخوي دوم :>

  7. يقول bent el deera:

    mellow********وي وي وي هالتعليق يبيله يبااااببعد عمري صارلي فتره فاقدتج من غير شر :>مكانج شكبره :***لو ادري جذي جان يايبه طاريج من زمانحياج الله مليون مره ونورتي الصفحه :>

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s