سلطه الافوكادو …

هابه بهالسلطه هاليومين… وايد سهله وسريعه وحتى الكالوري اللي فيها مو وايد يعني تاكلونها وانتو تستمتعون … فكره الوصفه اخذتها من مجله  heart healthy living
بالوصفه الاصليه مخلين نص الافوكادو وحاطين طماط وبقدونس وبصل اخضر مع خل بلساميك على الويه
و تقريبا  بس قلبت المكونات وزدت خس مع خضار ورقيه لاني احبها بالسلطه….  الافوكادو معطيه السلطه نكهه لذيذه ودسمه
كالعاده استخدمت الشيري توميتو لاني احبه اكثر تقدرون تنقعون البصل الاخضر بليمون مع الافوكادو عشان يخفف نكهته وتقدرون تضيفون بذور الكتان  عشان طعم اغنى
حسيت هالوصفه خفيفه لنهايه اسبوع خفيفه  عليكم ان شاء الله وهني وعافيه على قلوبكم :>
المقادير:
اي نوع من الخضار الورقيه اللي تحبونها ( انا حطيت خس ونعناع وبقدونس وجرجير )
ربع افوكادو واذا تحبونها اكثر زيدو الكميه
بصل اخضر مفروم
طماط شيري مقطع ارباع
زيت زيتون
عصير ليمون
ملح
الطريقه:
نقصوون الافوكادو شرايح او مكعبات كبيره  وتحطون عليه عصير الليمون عشان لا يسود لونه (  هالليمون  بيكون اهو نفسه الدريسنغ )
نقصص الطماط ونخلطها مع الافوكادو ونرش عليهم ملح ونخليهم شوي
تقصصون الخضار ناعمه  وتحطون خلطه الافوكادو بالويه وبتلاحظون ان صار في سوائل من الليمون وماي الطماط  تخلطونه مع شوي زين ترشونه عليه
واخر شي البصل الاخضر بالويه وقدموه بالعافيه

Advertisements

2 Comments اضافة لك

  1. شاي الضحى كتب:

    تسلم ايدج وبالعافيه 🙂

  2. bent el deera كتب:

    شاي الضحى **********حبيبتي الله يسلمج :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s